Hanfodion Ymarfer yn y Gymuned
Nod y modiwl 30 credyd hwn yw galluogi nyrsys i ddatblygu gwybodaeth a sgiliau sylfaenol Ymarfer yn y Gymuned.
Cyrsiau DPP Gwneud Cais/prod01/channel_2/media/university-of-south-wales/site-assets/images/03-courses/cpd-courses/cpd-courses-fundamentals-of-community-practice.jpg)
Bydd y cwrs yn paratoi ymarferwyr yn y gymuned, nad oes ganddynt gymhwyster ymarferydd arbenigol mewn astudiaethau iechyd cymunedol, i weithio'n ddiogel, yn effeithiol ac yn effeithlon mewn lleoliad cymunedol gyda chleifion unigol, cleientiaid, teuluoedd, cydweithwyr ac aelodau o dimau amlddisgyblaethol ac amlasiantaethol. Bydd y myfyrwyr i gyd yn cael eu cefnogi a'u mentora'n glinigol.
Fel modiwl annibynnol, gellir ei ddefnyddio i lywio ymarfer o ran rheoli cleifion yn y gymuned, gellir defnyddio hwn hefyd i barhau i astudio ar y Rhaglen Astudiaethau Iechyd Cymunedol lawn.
Ar ôl cwblhau'r cwrs hwn, bydd y myfyrwyr yn derbyn 30 credyd naill ai ar lefel 6 neu 7. Mae'r modiwl hwn yn rhan o gyflawni’r rhaglen astudiaethau iechyd cymunedol.
| Cod Modiwl | Campws | Hyd | Dyddiad Cychwyn |
|---|---|---|---|
| CA3U001 (Lefel 6) | Glyn-taf | 16 wythnos | Medi |
| CA4U002 (Lefel 7) | Glyn-taf | 16 wythnos | Medi |
Bydd y rhaglen yn 50% theori a 50% ymarfer. Defnyddir amrywiaeth o strategaethau addysgu a dysgu ac mae'r themâu'n cynnwys:
- Cymuned fel Cyd-destun Gofal
- Ymarfer yn y Gymuned
- Gofal sy'n Canolbwyntio ar y Teulu
- Rhagolygon gyrfa
- Rôl broffesiynol ac atebolrwydd
- Darlithoedd a seminarau
- Rydym yn gwahodd ymarferwyr arbenigol a darlithwyr prifysgol i gyflwyno sesiynau.
- Wyneb yn wyneb yn yr ystafell ddosbarth neu'n rhithwir drwy ein system blackboard ar-lein.
- Bydd cyfuniad o sesiynau byw a sesiynau wedi'u recordio.
- Bydd disgwyl i chi gymryd rhan mewn trafodaethau dosbarth a rhannu eich profiadau.
Bydd gofyn i chi astudio am 150 o oriau academaidd gan gynnwys astudio hunangyfeiriedig. Bydd angen i chi allu dangos tystiolaeth o 150 o oriau o ymarfer clinigol.
Rhaid i ymgeiswyr gael cofrestriad lefel gyntaf gyda'r Cyngor Nyrsio a Bydwreigiaeth a naill ai:
- weithio'n gyfan gwbl yn y gymuned ar hyn o bryd
- neu â rôl allgymorth yn y gymuned
- neu'n gweithio o fewn gofal eilaidd ar hyn o bryd ond bod swydd ar gael o fewn tîm cymunedol
Nid oes cyfweliad i ymuno â'r cwrs hwn ond sicrhewch eich bod yn bodloni’r meini prawf a restrir
Asesu Ffurfiannol: byddwch yn cwblhau astudiaeth achos y byddwch yn seilio'ch aseiniad arni erbyn wythnos 5 y modiwl.
Asesu Crynodol: byddwch yn cwblhau aseiniad 4000 gair ar lefel BSc ac aseiniad 4500 gair ar lefel MSc ar ffurf astudiaeth achos sy'n archwilio'n fanwl, y canlyniadau damcaniaethol sy'n gysylltiedig â'r pedair thema. Bydd union gylch gwaith yr astudiaeth achos yn cael ei drafod gyda'r tiwtor personol.
Asesu Ymarfer: bydd angen datblygu a chwblhau portffolio sy'n dangos cyflawni’r pedwar deilliant dysgu clinigol.
Bydd goruchwyliwr academaidd yn cael ei neilltuo i chi a fydd yn eich cynorthwyo gyda'ch gwaith academaidd. Bydd angen cefnogaeth asesydd ymarfer arnoch er mwyn i chi allu bodloni elfen glinigol yr asesiad.
- Gwasanaethau llyfrgell
- Gwasanaethau TG
- Goruchwyliaeth academaidd
- Gwasanaethau cymorth myfyrwyr gan gynnwys sgiliau astudio os oes angen
Diddordeb mewn Ymgeisio?
Os oes gennych unrhyw gwestiynau pellach, neu os hoffech wneud cais am y cwrs hwn, cysylltwch â rheolwr y modiwl, Michelle Panniers.
E-bost cyswllt: [email protected]