HEDDLUA GWEITHREDOL
Mae Prifysgol De Cymru yn cefnogi hyfforddiant swyddogion heddlu mewn nifer o Heddluoedd ledled Cymru a Lloegr gan sicrhau y bydd swyddogion wedi eu haddysgu at lefel gradd erbyn diwedd eu hyfforddiant, pa bynnag lwybr y maent yn ei ddewis.
Prentisiaethau Gradd Addysg Heddlua/prod01/channel_2/media/university-of-south-wales/site-assets/images/08-subjects/policing-and-security/subject-policing-and-security-generic-33121-1.jpg)
Gan ddibynnu ar eu cymwysterau wrth ymuno â'r heddlu, bydd yn ofynnol i swyddogion heddlu newydd a swyddogion cymorth cymunedol yr heddlu ymrwymo i astudio trwy lwybr gwaith ac astudio cyfun yn eu cwnstabliaeth leol.
I fod yn gymwys i astudio'r brentisiaeth gradd neu ddiploma graddedig mewn plismona proffesiynol, rhaid i chi fod yn swyddog heddlu sy'n gwasanaethu yn un o'n cwnstabliaid partner. Mae swyddogion heddlu sy'n gwasanaethu yn bodloni'r gofynion mynediad academaidd gan eu bod wedi pasio'r broses recriwtio a dethol i ymuno â'r heddlu.
Mae yna opsiwn hefyd i astudio gradd cyn-ymuno cyn gwneud cais i wasanaeth yr heddlu.
Mae'r Coleg Heddlua, sydd â'r diben o ddatblygu safonau'r heddlu, wedi dechrau gweithredu Fframwaith Cymwysterau Addysg Heddlua sy'n cynnwys cymwysterau sy’n cael eu hachredu a’u cydnabod yn genedlaethol ar gyfer y gwasanaeth heddlu.
Pa gymwysterau a hyfforddiant sydd eu hangen yn yr heddlu?
Mae Prifysgol De Cymru wedi ei thrwyddedu i ddarparu'r cymwysterau hyn yn y gweithle, sy'n cynnwys prentisiaeth gradd a diploma graddedig mewn Ymarfer Heddlua Proffesiynol ar gyfer y sawl sydd eisoes yn Swyddogion Heddlu Gweithredol a'r Dystysgrif Heddlua Cymunedol ar gyfer y sawl sy’n gyflogedig fel Swyddogion Cymorth Cymunedol yr Heddlu.
/prod01/channel_2/media/university-of-south-wales/site-assets/images/01-campus-and-facilities/16-pontypridd-facilities/162-glyntaff-facilities/campus-facilities-glyntaff-policing-hydra-32959.jpg)
/prod01/channel_2/media/university-of-south-wales/site-assets/images/08-subjects/policing-and-security/Devon-and-Cornwall-Police.jpg)
/prod01/channel_2/media/university-of-south-wales/site-assets/images/08-subjects/policing-and-security/Dorset-Police.jpg)
/prod01/channel_2/media/university-of-south-wales/site-assets/images/08-subjects/policing-and-security/subjects-policing-security-heddlu-dyfed-powys-police-logo.png){kind=logo}
/prod01/channel_2/media/university-of-south-wales/site-assets/images/08-subjects/policing-and-security/Gloucestershire-Police.jpg)
/prod01/channel_2/media/university-of-south-wales/site-assets/images/08-subjects/policing-and-security/Wiltshire-Police.jpg)
/prod01/channel_2/media/university-of-south-wales/site-assets/images/08-subjects/policing-and-security/Gwent-Police.jpg)
/prod01/channel_2/media/university-of-south-wales/site-assets/images/08-subjects/policing-and-security/South-Wales-Police.jpg)
Prentisiaeth Gradd
Prentisiaeth Gradd Cwnstabliaid Yr Heddlu (PGCH/PCDA)
Os byddwch yn ymuno â'r heddlu heb gymhwyster lefel gradd, gallwch ddilyn prentisiaeth gradd broffesiynol tair blynedd a elwir yn Brentisiaeth Gradd Cwnstabliaid yr Heddlu (PGCH/PCDA).
Mae'r llwybr astudio hwn yn cynnwys dysgu yn y gwaith a’r tu allan i’r gwaith. Ar ôl cwblhau'r cwrs, byddwch yn ennill gradd BSc (Anrh) Ymarfer Heddlua Proffesiynol.
Bydd eich taith ddysgu yn cynnwys modiwlau academaidd sydd ag elfennau ymarferol wedi'u hintegreiddio ynddynt. Bydd gofyn i chi ddangos cymhwysedd ymarferol drwy gwblhau Portffolio Cymwyseddau Gweithredol (PCG/OCP) o'r sgiliau rydych wedi'u harddangos yn y gweithle.
Bydd angen i chi ennill Statws Patrol Annibynnol (SPA/IPS) erbyn diwedd eich blwyddyn gyntaf a chwblhau'r portffolio erbyn diwedd blwyddyn 2. Er mwyn cwblhau eich cyfnod prawf 3 blynedd yn llwyddiannus ac ennill y cymhwyster bydd angen i chi fod wedi dangos tystiolaeth o'r holl gymwyseddau'n seiliedig ar ymarfer, pasio'r holl fodiwlau academaidd a (lle nad yw hyn eisoes wedi digwydd) wedi ennill yr hyn sy’n cyfateb i Sgiliau Gweithredol Lefel 2 mewn Saesneg a Mathemateg fel y'u nodir yng ngofynion y Coleg Heddlua ar gyfer y cymhwyster hwn.
- Gwybodaeth Plismona
- Ymddygiadau Plismona
- Sgiliau Plismona
- Plismona Gweithredol
Sylwer: Mae pob modiwl yn werth 30 credyd oni nodir fel arall.
- Gwelliant Sefydliadol
- Trawsnewid Cymunedau
- Meddwl yn Feirniadol yn y Gweithle (40 credyd)
- Cymhwysedd Gweithredol (40 credyd)
Sylwer: Mae pob modiwl yn werth 20 credyd oni nodir fel arall.
- Prosiect Ymchwil sy’n Seiliedig ar Dystiolaeth (40 credyd)
- Arddangosfa Ymchwil
- Arbenigeddau Plismona (40 credyd)
- Rheoli mewn Plismona
Sylwer: Mae pob modiwl yn werth 20 credyd oni nodir fel arall.
/prod01/channel_2/media/university-of-south-wales/site-assets/images/03-courses/policing-and-security/bsc-professional-policing-including-foundation-year.jpg)
Os oes gennych radd eisoes pan fyddwch yn ymuno â'r heddlu, gallwch ymuno a dilyn rhaglen ddwy flynedd yn seiliedig ar waith a elwir yn Rhaglen Mynediad Deiliad Gradd (RhMDG/DHEP).
Cefnogir y llwybr astudio hwn gan ddysgu y tu allan i’r gwaith. Ar ôl cwblhau'r cwrs, byddwch yn ennill Diploma Graddedig mewn Ymarfer Heddlua Proffesiynol.
Bydd eich taith ddysgu yn cynnwys modiwlau academaidd sydd ag elfennau ymarferol wedi'u hintegreiddio ynddynt. Bydd gofyn i chi ddangos cymhwysedd ymarferol drwy gwblhau Portffolio Cymwyseddau Gweithredol (PCG/OCP) o'r sgiliau rydych wedi'u harddangos yn y gweithle.
Bydd angen i chi ennill Statws Patrol Annibynnol (SPA/IPS) erbyn diwedd eich blwyddyn gyntaf a chwblhau'r portffolio erbyn diwedd blwyddyn 2. Er mwyn cwblhau eich cyfnod prawf 2 flynedd yn llwyddiannus ac ennill y cymhwyster bydd angen i chi fod wedi dangos tystiolaeth o'r holl gymwyseddau sy'n seiliedig ar ymarfer a phasio'r holl fodiwlau academaidd.
- Gwybodaeth Plismona (DHEP)
- Sgiliau plismona (DHEP)
- Ymddygiadau Plismona (DHEP) (20 credyd)
- Plismona Gweithredol (DHEP) (20 credyd)
Sylwer: Mae pob modiwl yn werth 10 credyd oni nodir fel arall.
- Arbenigeddau Plismona (DHEP)
- Gwelliant Sefydliadol (DHEP)
- Meddwl yn Feirniadol yn y Gweithle (DHEP) (20 credyd)
- Cymhwysedd Gweithredol (DHEP) (20 credyd)
Sylwer: Mae pob modiwl yn werth 10 credyd oni nodir fel arall.
/prod01/channel_2/media/university-of-south-wales/site-assets/images/16-other/about-us/our-strategy/about-us-our-strategy-crime-security-and-justice-accelerator.jpg)
Tystysgrif Addysg Uwch
Tystysgrif Addysg Uwch Lefel 4 Ymarfer Heddlua Cymunedol
Yng nghyd-destun proffesiynol cyffredinol Gweledigaeth Heddlua 2025, mae'r Coleg Heddlua, fel corff proffesiynol y gwasanaeth heddlu, wedi datblygu llwybrau mynediad newydd i'r proffesiwn heddlua ar gyfer rôl Swyddog Cymorth Cymunedol yr Heddlu (SCCH/PCSO), fel rhan o ddatblygiad parhaus Fframwaith Cymwysterau Addysg yr Heddlu (FfCAH/PEQF). Mae'r FfCAH yn fframwaith cenedlaethol safonedig sy'n pennu lefelau cymwysterau proffesiynol ar gyfer y gwasanaeth heddlu, yn ôl lefel y rôl neu’r safle cyfrifoldeb mewn sefydliad.
- Rhaglen mynediad Prentisiaeth SCCH Lefel 4 (Cymru a Lloegr), a
- Rhaglen mynediad Ddi-brentisiaeth SCCH Lefel 4 (Cymru a Lloegr)
Pwysig: Er mwyn cofrestru ar y cwrs hwn bydd angen i chi fod yn gyflogedig fel SCCH gydag un o'n lluoedd partner. Mae manylion prosesau recriwtio a meini prawf cymhwysedd SCCH ar gael ar wefannau ein partner-heddluoedd.
Bydd eich taith ddysgu yn cynnwys modiwlau academaidd sydd ag elfennau ymarferol ynddynt. Bydd gofyn i chi ddangos cymhwysedd ymarferol drwy gwblhau Portffolio Cymwyseddau Gweithredol (PCG/OCP) o'r sgiliau rydych wedi'u harddangos yn y gweithle.
Er mwyn cwblhau eich cyfnod prawf yn llwyddiannus ac ennill y cymhwyster bydd angen i chi fod wedi dangos tystiolaeth o'r holl gymwyseddau sy'n seiliedig ar ymarfer a phasio'r holl fodiwlau academaidd. Bydd angen i brentisiaid ennill Sgiliau Gweithredol Lefel 2 mewn Saesneg a Mathemateg (lle nad ydynt eisoes wedi ennill cymwysterau cyfatebol) fel y’u nodir yng ngofynion y Coleg Heddlua ar gyfer y llwybr prentisiaeth.
- Egwyddor a Safonau mewn Heddlua
- Sgiliau ac Arferion Personol
- Ymgysylltu â’r Gymuned
- Heddlua Cyfoes
- Patrol Diogel a Chyfreithlon
- Project yn y Gymuned
- Cymhwysedd Gweithredol Llawn
/prod01/channel_2/media/university-of-south-wales/site-assets/images/08-subjects/policing-and-security/bsc-professional-policing-accelerated.jpg)
MAE DEFNYDDIO ISGONTRACTWYR
Mae defnyddio isgontractwyr wrth ddarparu prentisiaethau gradd weithiau'n hanfodol er mwyn sicrhau bod y dysgu a'r profiad yn bodloni gofynion y deilliannau a'r safonau perthnasol. Dim ond pan fyddant mewn sefyllfa well i ddarparu cyfleoedd dysgu penodol neu os oes ganddynt arbenigedd i wella'r modd y cyflwynir y rhaglen y defnyddir isgontractwyr.