Billy Liptrot
Mae'r cwrs hwn wedi fy helpu i ddatblygu'r sgiliau yr oeddwn eu hangen i ddod yn hyfforddwr chwaraeon
Chwaraeon/prod01/channel_2/media/university-of-south-wales/site-assets/images/14-features/features-billy-liptrot.jpg)
Dysgais gymaint am hyfforddi a datblygu y gallwn ei gymhwyso yn fy ngwaith fy hun.
O chwaraewr i hyfforddwr
Cyn astudio'r radd sylfaen, roeddwn yn chwaraewr a chapten ar gyfer tîm rygbi cynghrair addysg Wigan Warriors am dair blynedd, ac yn ddiweddarach fe ddes i'n hyfforddwr cynorthwyol. Roeddwn hefyd yn chwarae i fy nhîm amatur lleol, Shevington Sharks.
Fy nod oedd dod yn hyfforddwr mewn ysgolion ac ar gyfer timau rygbi lleol, felly manteisiais ar y cyfle hwn i astudio er mwyn ennill y wybodaeth berthnasol nid yn unig i ddod yn hyfforddwr gwell, ond hefyd yn berson gwell. Roeddwn i wedi ennill gwybodaeth gan hyfforddwyr roeddwn i wedi gweithio gyda nhw yn y gorffennol, yn ogystal â datblygu fy syniadau fy hun am hyfforddi, ond roeddwn i eisiau adeiladu ar hynny gyda mwy o wybodaeth a hyder i'm helpu i gyrraedd y lefel nesaf. Mae'r cwrs hwn wedi fy helpu i ddatblygu'r sgiliau yr oeddwn eu hangen i gyflawni fy nodau.
Cefais gyfle i gwblhau'r cwrs hwn diolch i'r cysylltiad rhwng Prifysgol De Cymru ac academi addysg Wigan Warriors, ac roedd fy mhrofiad yn wych. Dysgais gymaint am hyfforddi a datblygu y gallwn ei gymhwyso yn fy ngwaith fy hun. Fe wnaeth hefyd fy helpu i ennill mwy o hyder wrth hyfforddi plant o wahanol oedrannau.
Dewch o hyd i'ch cwrsMeithrin sgiliau ar gyfer gyrfa lwyddiannus
Yr her fwyaf wrth ddechrau'r cwrs hwn oedd y cam sylweddol i fyny o ran safon y gwaith a'r astudiaeth annibynnol. Roedd yn newid mawr, ond fe wnaeth fy helpu i ddod yn fwy annibynnol wrth weithio ar aseiniadau a fy annog i wella fy ngramadeg i gyflawni'r marciau gorau posibl.
Er nad oeddem wedi'n lleoli ar gampws PDC, roedd y gefnogaeth a gawsom yn ardderchog. Dim ond e-bost i ffwrdd oedd ein harweinwyr modiwlau ac fe wnaethant greu fideos defnyddiol yn esbonio popeth yr oedd angen i ni ei wybod, y gallem eu gwylio ar-lein trwy Blackboard. Roedd hyn yn arbennig o ddefnyddiol gan y gallwn ailymweld â'r fideos pan fo angen i wella ein dealltwriaeth a'u trafod fel grŵp.
Y cyngor y byddwn i'n ei roi i fyfyrwyr sydd eisiau gwneud y cwrs hwn yw cyflwyno gwaith ar amser a chofio tynnu llun o'r dderbynneb fel bod arweinwyr y modiwl yn gwybod ei fod wedi'i gyflwyno. Byddwn hefyd yn argymell creu amserlen sy'n cydbwyso gwaith prifysgol, diddordebau, ac unrhyw ymrwymiadau swydd, gan fod hyn yn helpu i gadw trefn ar bopeth.
/prod01/channel_2/media/university-of-south-wales/site-assets/images/08-subjects/sport/subject-sport-classroom-3095247836.jpg)
Diddordeb mewn Chwaraeon?
Mae gan Brifysgol De Cymru gefndir chwaraeon cryf, enw rhagorol am raddau chwaraeon, a chyfleusterau trawiadol i’n myfyrwyr astudio a hyfforddi ynddynt.