/prod01/channel_2/media/university-of-south-wales/site-assets/images/04-profiles/41-undergraduate-student/profile-ug-sport-cameron-bailey-57500.jpg)
Mae'r radd wedi rhoi'r gallu i mi weithio gydag unrhyw oedran, unrhyw gamp, ac mewn unrhyw fath o leoliad.
Newid gyrfa gyda phwrpas
Roeddwn i'n gweithio 70 awr yr wythnos yn rhedeg tafarn yn Iwerddon pan es i i ffisiotherapi gyda chefn gwael. Roedd yn wastad gen i ddiddordeb yn y gampfa, ond gwnaeth y foment honno i mi sylweddoli fy mod i eisiau dilyn gyrfa mewn ffisiotherapi. Wrth ymchwilio i gyrsiau yn y DU, darganfyddais Therapi Chwaraeon ac Ymarfer Corff yn PDC. Roedd ganddo'r cyfuniad perffaith o driniaeth anafiadau a chryfder a chyflyru – yr union beth ro’n i’n chwilio amdano. Symudais o Iwerddon yn benodol ar gyfer y cwrs a dydw i ddim wedi edrych yn ôl.
Er nad oeddwn yn mynychu Diwrnod Agored, profodd y cwrs yn gyflym i fod y dewis cywir. Fe wnaeth sgwrs gyda'n harweinydd cwrs roi popeth yn ei le. Pan ddysgais am yr amrywiaeth o lwybrau gyrfa y gallai'r cwrs arwain atynt, roeddwn i'n gwybod fy mod yn y lle iawn.
Dewch o hyd i'ch cwrsProfiadau ymarferol a chynlluniau ar gyfer y dyfodol
Rydw i wedi bod yn lwcus gyda lleoliadau. Ar hyn o bryd rwy'n gweithio ym Mharc yr Arfau Caerdydd gyda Chlwb Rygbi Caerdydd a'r Academi Rygbi, ac yn cael cysylltiad â phob lefel - o dimau ieuenctid i dimau hŷn. Fe wnes i hefyd ennill cymhwyster trawma trwy URC. Ar ben hynny, rwy'n gweithio mewn lleoliad ffisiotherapi o fewn gampfa yn Aspire Fitness yng Nghaerdydd, lle rwy'n trin pawb o fynychwyr campfa cyffredinol i redwyr uwchfarathonau. Mae'r ystod o brofiad wedi bod yn amhrisiadwy.
Mae ffocws y radd ar bresgripsiynu ymarfer corff, wedi'i gefnogi gan gymwysterau fel Hyfforddwr Ffitrwydd Lefel 2 a Hyfforddwr Personol Lefel 3, wedi fy helpu i ddod yn hyfforddwr personol llawn amser yn Pure Gym. Mae wedi fy sefydlu i weithio gyda chleientiaid sy'n delio ag anafiadau, adferiad ar ôl llawdriniaeth, neu gyflyrau cronig fel arthritis. Rwy'n bwriadu agor fy nghlinig fy hun un diwrnod, ond am y tro, rwy'n ennill profiad mewn gwahanol feysydd - gan gynnwys tymor mewn clinig ffisiotherapi chwaraeon yn yr Alpau.
Cyflogadwyedd a Gyrfaoedd/prod01/channel_2/media/university-of-south-wales/site-assets/images/08-subjects/sport/subject-sport-classroom-3095247836.jpg)
Diddordeb mewn Chwaraeon?
Mae gan Brifysgol De Cymru gefndir chwaraeon cryf, enw rhagorol am raddau chwaraeon, a chyfleusterau trawiadol i’n myfyrwyr astudio a hyfforddi ynddynt.