Kirija Visvalingam

Angerdd yn troi’n ymarfer 

Dechreuodd fy angerdd dros gyfrifiadura yn Sri Lanka, lle cwblheais gwrs sylfaen dwy flynedd mewn Technoleg Gwybodaeth. Wrth benderfynu ble i barhau â’m hastudiaethau, cefais fy nenu at Brifysgol De Cymru oherwydd ei chyfleusterau rhagorol a’i hagwedd ymarferol at ddysgu. Apeliodd Cymru ataf hefyd oherwydd ei hawyrgylch tawel a chroesawgar, a oedd yn teimlo fel yr amgylchedd perffaith ar gyfer fy astudiaethau. 

Mae PDC wedi darparu profiadau ymarferol anhygoel, fel gweithio gyda dyfeisiau Raspberry Pi a Chrome Pi. Daeth y prosiectau hyn â theori yn fyw, gan fy helpu i ddeall sut mae cysyniadau'n berthnasol mewn lleoliadau byd go iawn. Mae'r cyfleusterau labordy yma o'r radd flaenaf, gan gynnig popeth sydd ei angen arnaf i archwilio ochr dechnegol cyfrifiadura yn fanwl. 

Mae'r gefnogaeth bersonol gan ddarlithwyr wedi newid y gêm. Yn fy nhrydedd flwyddyn, fi oedd yr unig fyfyriwr ar fy llwybr penodol, ond doeddwn i byth yn teimlo'n unig. Aeth fy narlithwyr allan o’u ffordd i sicrhau fy mod yn aros ar y trywydd iawn, gan ddarparu arweiniad un-i-un a’m hannog i ragori.

Hyder, profiad, ac edrych ymlaen 

Un o’r uchafbwyntiau oedd fy lleoliad yn Technocamp PDC, lle bûm yn gweithio fel cynorthwyydd technegol ac addysgu. Rhoddodd hyn y cyfle i mi gyflwyno myfyrwyr ysgol i roboteg a thelathrebu wrth wella fy sgiliau fy hun. Fe wnaeth y profiad fy helpu i fagu hyder, yn enwedig wrth i mi symud o fod yn fewnblyg i fod yn gyfforddus yn ymgysylltu ag eraill. 

Gan edrych ymlaen, rwy'n bwriadu dilyn gyrfa mewn busnes a dadansoddi TG, gan gyfuno fy arbenigedd technegol â datrys problemau creadigol. Mae PDC wir wedi fy mharatoi ar gyfer llwyddiant.