/prod01/channel_2/media/university-of-south-wales/site-assets/images/04-profiles/41-undergraduate-student/profile-ug-fashion-dylan-williams-57215.jpg)
Mae cyfleusterau PDC, yn enwedig y stiwdios ffotograffiaeth, wedi bod yn wych i fy musnes, sy’n fy ngalluogi i gynhyrchu delweddau o ansawdd uchel ar gyfer ein gwefan.
Dewis PDC a chael profiad ymarferol
Nid oeddwn yn bwriadu mynd i’r brifysgol i ddechrau, ond ar ôl rhedeg busnes yn gwerthu dillad o dras ar-lein a gwneud yn dda yn fy arholiadau Lefel A, cefais fy annog gan fy mam i’w ystyried. Fe es i sawl Diwrnod Agored ac yn y pen draw dewisais PDC ar ôl teimlo fy mod i wedi cysylltu â’r cwrs ac yn enwedig gydag un o’r darlithwyr. Roedd mynychu’r Diwrnod Profiad Ymgeiswyr ymarferol wedi fy argyhoeddi ymhellach mai dyma’r lle iawn i mi.
Cefais gyfle i weithio gydag Wythnos Ffasiwn Caerdydd wrth iddynt ail-lansio ar ôl degawd. Arweiniais dîm o fyfyrwyr marchnata, a oedd yn brofiad gwych ar gyfer rhwydweithio a dod i ddeall y diwydiant. Er na allwn i gymryd rhan yn llawn, cefais hefyd gynnig cyfle i weithio ar friff byw gyda Salomon, yn marchnata esgid newydd. Roedd y profiad ymarferol yn amhrisiadwy, hyd yn oed os na allwn ei gwblhau.
Dewch o hyd i'ch cwrsCymuned, creadigrwydd, a nodau’r dyfodol
Fy hoff ran o'r cwrs yw'r gymuned. Mae pawb yn frwdfrydig ac o'r un anian, gan ei gwneud hi'n hawdd meithrin cyfeillgarwch. Mae byw yng Nghaerdydd wedi bod yn wych hefyd; mae'n ddinas greadigol amrywiol gyda phensaernïaeth hardd sy'n tanio fy nghreadigrwydd.
Ar ôl graddio, byddwn i wrth fy modd yn ehangu fy musnes dillad o dras. Mae cyfleusterau PDC, yn enwedig y stiwdios ffotograffiaeth, wedi bod yn wych i fy musnes, sy’n fy ngalluogi i gynhyrchu delweddau o ansawdd uchel ar gyfer ein gwefan. Mae’r dosbarthiadau bach a’r gefnogaeth bersonol gan ddarlithwyr yn gwneud i PDC deimlo fel cymuned glos, gefnogol, sy’n unigryw yn fy marn i.
Gyrfaoedd a Chyflogadwyedd/prod01/channel_2/media/university-of-south-wales/site-assets/images/08-subjects/fashion/subject-fashion-facilities-53380.jpg)
Diddordeb mewn Ffasiwn?
Mae graddau ffasiwn ym Mhrifysgol De Cymru yn archwilio ac yn meithrin y cysylltiad rhwng masnacholdeb a chreadigedd. Ein nod yw cynhyrchu graddedigion ffasiwn â gweledigaeth sy'n barod ar gyfer gyrfaoedd llwyddiannus yn y byd manwerthu a ffasiwn.