Paige Leach

O enillydd cystadleuaeth i fod yn intern yn Givenchy 

Mae’r myfyriwr ffasiwn Paige Leach wedi ennill cystadleuaeth sy’n cael ei rhedeg gan Gyngor Ffasiwn Prydain ac wedi ymgymryd â chontract chwe mis gyda’r tŷ ffasiwn Givenchy.  

Curodd Paige gronfa enfawr o fyfyrwyr o bob rhan o’r DU i ennill y wobr a bu’n gweithio o ganolbwynt Givenchy ym Mharis. 

Dywedodd Paige, sydd ym mlwyddyn olaf ei gradd dylunio ffasiwn ym Mhrifysgol De Cymru, ei bod ar ben ei digon gyda'i buddugoliaeth. 

"Roeddwn wrth fy modd o gael fy nghyhoeddi fel enillydd cystadleuaeth Dylunio Ffasiwn Givenchy mewn cydweithrediad â Chyngor Ffasiwn Prydain. Gwireddwyd breuddwyd," meddai. 

“Hefyd, roedd y cyfle i gyflwyno fy ngwybodaeth ymchwil a dylunio i rai o’r bobl allweddol sy’n arwain y diwydiant yn un o’r profiadau gorau hyd yma. 

Pennod newydd, gyffrous i Ffasiwn yn PDC 

Ychwanegodd Steven Wright, Pennaeth Pwnc, Ffasiwn, Marchnata a Ffotograffiaeth: “Mae’r llwyddiant hwn yn nodi lefel newydd gyffrous i Ffasiwn yn PDC. 

“Mae ein cysylltiad â Chyngor Ffasiwn Prydain a’r diwydiant ffasiwn byd-eang wedi rhoi cipolwg newydd i ni ar y posibiliadau sydd ar gael i ddylunwyr ffasiwn ifanc heddiw.  

“Mae’r cwrs dylunio ffasiwn wedi datblygu’n sylweddol yn ystod y blynyddoedd diwethaf i ganolbwyntio ar ddatblygu dylunwyr sy’n gallu mynd i’r afael â thrylwyredd tirwedd diwydiant sy’n newid. Gwneir hyn trwy ddull addysgol radical sy’n canolbwyntio ar annibyniaeth myfyrwyr, y wybodaeth ddiweddaraf am y diwydiant a meddwl o ran dylunio. 

“Mae buddugoliaeth Paige yn dangos y dalent enfawr yng Nghymru a sut y gall gystadlu’n genedlaethol ac yn rhyngwladol.”