Griff
Dechrau Newydd Drwy’r Flwyddyn Sylfaen
/prod01/channel_2/media/university-of-south-wales/site-assets/images/04-profiles/41-undergraduate-student/profile-foundation-year-griff.jpg)
Tydi hi byth yn rhy hwyr i fynd i'r brifysgol – rhoddodd y flwyddyn sylfaen yr hyder i mi ddechrau eto.
Dod o Hyd i Gyfeiriad Newydd
Cyn dechrau’r Flwyddyn Sylfaen, roeddwn i wedi cyrraedd pwynt yn fy mywyd lle roeddwn i angen dechrau o’r newydd, yn enwedig ar ôl colli fy stiwdio tatŵ. Ar ôl gadael yr ysgol heb ddigon o gymwysterau i fynd yn syth ymlaen i radd prifysgol lawn, rhoddodd y cwrs hwn y cyfle i mi adeiladu fy sgiliau hyd at lefel gradd a dilyn maes arall rwy’n frwd drosto, sef seicoleg ac ymddygiad dynol. Roedd yn gyfle perffaith i ddychwelyd i addysg gyda meddwl agored ac ailddarganfod fy hyder mewn dysgu.
Drwy gydol y flwyddyn, cefais fy nenu at seicoleg. Roedd y modiwlau’n ddiddorol ac yn rhoi cipolwg i mi ar sut mae pobl yn meddwl ac yn ymddwyn, a daniodd fy chwilfrydedd yn fawr. Hefyd, mwynheais ddatblygu fy ngallu digidol yn fawr, gan sicrhau fy mod â sgiliau TG cyfredol, gan nad oeddwn i wedi defnyddio meddalwedd benodol ers nifer o flynyddoedd.
Dewch o hyd i'ch cwrsMyfyrio ac Edrych Ymlaen
Wrth edrych yn ôl, y rhan fwyaf gwerthfawr o'r Flwyddyn Sylfaen oedd faint roeddwn i'n gallu gwneud synnwyr o'r rhyngweithiadau a gefais yn y gorffennol. Fel artist tatŵ, treuliais lawer o amser yn gwrando ar bobl yn siarad am eu bywydau, ac rydych chi'n canfod eich hun yn trafod eu problemau gyda nhw. Rwyf bellach yn deall yn well pam mae pobl yn ymateb mewn ffordd benodol a'r canfyddiadau academaidd y tu ôl i'n hymddygiad. Mae wedi bod yn gyfnod o hunanfyfyrio ac mae'r gefnogaeth gan ddarlithwyr wedi bod yn wych. Roeddent yn amyneddgar, yn garedig, ac yn gwneud i mi deimlo fy mod i'n perthyn yma o'r diwrnod cyntaf.
Nawr fy mod i wedi symud ymlaen i'r cwrs gradd llawn, gan edrych ar Seicoleg a Throseddeg, rwy'n teimlo'n barod ar gyfer yr hyn sydd o'm blaen ac mae wedi fy helpu i sefydlu nod gyrfa clir, sef gweithio gyda phobl yn y system garchardai mewn swyddogaeth adsefydlu. Rwy'n edrych ymlaen at adeiladu ar yr hyn rydw i wedi'i ddysgu, ac yn y pen draw i gefnogi eraill gyda'u hiechyd meddwl a'u lles. I unrhyw un sy'n ystyried astudio Blwyddyn Sylfaen, mae fy nghyngor yn syml: peidiwch â gadael i oedran na hunan-amheuaeth eich dal yn ôl. Tydi hi byth yn rhy hwyr i ddechrau eto ac mae PDC yn rhoi'r gefnogaeth i chi wireddu eich uchelgais.
Gyrfaoedd a Chyflogadwyedd