Ein haddewid data

Mae’r Brifysgol, trwy ei gweithrediadau Alumni, yn casglu data personol at y diben cyffredinol o hysbysu a chefnogi ei chymuned o gyn-fyfyrwyr ar newyddion, datblygiadau a chyfleoedd ym Mhrifysgol De Cymru.

Gellir casglu’r wybodaeth bersonol ganlynol: enw, manylion cyswllt (cyfeiriad, rhif ffôn a chyfeiriad e-bost), gwybodaeth addysg, hanes cyflogaeth, manylion perthnasoedd â staff ac eraill yn y gymuned cyn-fyfyrwyr, gwybodaeth yn ymwneud ag amser graddedigion ym Mhrifysgol De Cymru, gwybodaeth ymgysylltu gyda’r Tîm Cyn-fyfyrwyr, tueddiad i wirfoddoli a/neu gefnogi’r Brifysgol yn ariannol trwy roddion elusennol, erthyglau cyfryngau, cofnodion rhoddion, gwybodaeth yn ymwneud â chymorth rhodd fel sy’n ofynnol gan CThEM.

Mae swm sylweddol o'r wybodaeth ar eich cofnod cyn-fyfyrwyr fel y darparoch chi ar gyfer mynediad i'r Brifysgol fel myfyriwr. Mae angen gwybodaeth ychwanegol drwy eich rhyngweithiadau â ni, naill ai o ganlyniad i chi ddiweddaru eich cofnod, neu drwy ymgysylltu â ni mewn rhyw ffordd e.e. cofrestru ar gyfer digwyddiad neu gytuno i rannu data pan fyddwch yn darparu proffil cyn-fyfyrwyr.

Gall y Brifysgol ddefnyddio gwasanaethau trydydd parti/data sydd ar gael i’r cyhoedd o bryd i’w gilydd i sicrhau bod data sydd gennym yn cael ei gadw’n gyfredol ac i sicrhau ein bod yn osgoi cyfathrebu camgyfeiriedig a allai achosi gofid personol neu arwain at wastraff adnoddau ariannol.

Mae data personol yn cael ei brosesu er mwyn helpu'r Brifysgol i gynnal cymuned gyn-fyfyrwyr ymgysylltiedig; gellir defnyddio gwybodaeth:

• I ddarparu gwasanaethau i chi y gall y Brifysgol eu cynnig i raddedigion 
• Er mwyn rhoi buddion i chi y gall y Brifysgol eu cynnig fel cymorth gyrfaoedd neu wybodaeth astudio ôl-raddedig
• At ddibenion gweinyddol

Gallai'r rhain gynnwys:

• Cyhoeddiadau cyn-fyfyrwyr
• Gwahoddiadau i ddigwyddiadau ac aduniadau Alumni
• Hysbysiad am fuddion a gwasanaethau i gyn-fyfyrwyr
• Arolygon Alumni
• E-gyfathrebu cyn-fyfyrwyr
• Newyddion y Brifysgol
• Opsiynau ar gyfer astudiaeth bellach
• Opsiynau'n ymwneud â Gyrfaoedd, Cyflogadwyedd ac Entrepreneuriaeth
• Gwybodaeth am grwpiau daearyddol neu grwpiau diddordeb arbennig
• Unrhyw wybodaeth sydd o fudd i chi neu'r Brifysgol

Efallai y byddwch hefyd yn derbyn apeliadau codi arian gennym ni, a allai fod o ganlyniad i ddadansoddi cyfoeth mewnol ac allanol ac ymchwil sy'n llywio strategaeth codi arian y Brifysgol a chyfathrebu cysylltiedig.

Gellir anfon gohebiaeth atoch drwy'r post, dros y ffôn neu drwy ddulliau electronig yn dibynnu ar y manylion cyswllt a gedwir a'r dewisiadau a fynegir gennych. Os byddwch yn rhoi manylion cyswllt i ni ar gyfer dull penodol o gyfathrebu, bydd hyn yn cael ei gymryd fel eich caniatâd i ni ddiweddaru eich cofnod a chyfathrebu â chi gan ddefnyddio'r wybodaeth hon oni nodir yn wahanol.

Lle mae unigolyn wedi nodi yr hoffai dderbyn gwybodaeth bellach gan y Brifysgol mewn perthynas â buddion a chynigion, caiff y wybodaeth hon ei phrosesu gyda chaniatâd.

Gallwch dynnu eich caniatâd yn ôl unrhyw bryd drwy gysylltu â’r Tîm Cyn-fyfyrwyr [email protected]

Mae'r Brifysgol yn cynnal dadansoddiad i fonitro ac asesu effaith y gweithgaredd y mae'n ei wneud. Mae hyn yn angenrheidiol ar gyfer cyflawni tasgau a gyflawnir er budd y cyhoedd.

Efallai y bydd y Brifysgol am gysylltu â chi i gynnig cymorth neu arweiniad neu ofyn am wybodaeth i'ch helpu chi fel myfyriwr graddedig neu'r Brifysgol. Mae'r wybodaeth hon yn cael ei phrosesu ar y sail ei bod er budd cyfreithlon y myfyriwr graddedig a/neu'r Brifysgol.

Mae’r Tîm Datblygu Alumni yn gweithio’n agos gyda Gyrfaoedd PDC i ddarparu cymorth gyrfaoedd a hyrwyddo cyfleoedd gyrfa i raddedigion i’n cyn-fyfyrwyr. 

Mae'r Tîm Datblygu Alumni yn gweithio gyda'r Asiantaeth Ystadegau Addysg Uwch (HESA) i gefnogi'r arolwg o Ganlyniadau Graddedigion o raddedigion newydd. Mae cwblhau'r arolwg yn galluogi llunwyr polisi i ddeall y sector addysg uwch a chyflwr y farchnad lafur i raddedigion. Gan fod hwn yn arolwg statudol, mae'n ofynnol yn ôl y gyfraith i'r Brifysgol ddarparu'r manylion cyswllt diweddaraf ar gyfer ein holl raddedigion fel y gall HESA anfon yr arolwg atoch. Mae rhagor o wybodaeth am Ganlyniadau Graddedigion ar gael ar eu tudalennau gwe.

Mae'r Brifysgol yn defnyddio cwmnïau trydydd parti i ymgymryd â gweithgareddau prosesu penodol ar ei rhan. Lle mae'n gwneud hynny, mae'r Brifysgol yn sicrhau bod hyn yn cael ei wneud yn unol â chyfreithiau diogelu data a bod contractau priodol a gwiriadau diwydrwydd dyladwy yn cael eu cwblhau.

Mae’r Brifysgol yn prosesu data personol sy’n ymwneud â gweithgareddau alumni yn y DU a’r Undeb Ewropeaidd.

Os bydd gweithgarwch prosesu yn y dyfodol yn cael ei drosglwyddo y tu allan i'r DU ac Ewrop, bydd y Brifysgol yn sicrhau bod unrhyw broseswyr yn darparu lefel debyg o amddiffyniad i ddata personol trwy sicrhau bod y mesurau diogelu canlynol yn eu lle:

Byddwn ond yn trosglwyddo eich data personol i wledydd y mae’r DU wedi’u hystyried i fod â lefel ddigonol o amddiffyniad ar gyfer data personol gan y DU neu lle mae mesurau diogelu priodol ar waith (Asesiad Risg Trosglwyddo a Chymalau Cytundebol Safonol neu Gytundeb Trosglwyddo Data Rhyngwladol lle ceir. cytundeb cyfreithiol rwymol yn ei le.

Ni fyddwn byth yn trosglwyddo eich data i unrhyw wlad lle bernir bod risg uchel i'ch preifatrwydd.

Bydd y wybodaeth o fewn eich cofnod Alumni yn cael ei chadw am gyfnod amhenodol neu nes y byddwn yn derbyn cais i’w ddileu.

Byddwch cystal â mynd i Record Retention Schedule y Brifysgol (am fwy o wybodaeth).

Cadw Eich Gwybodaeth Yn Ddiogel

Mae'r Brifysgol wedi ymrwymo i gadw eich gwybodaeth bersonol yn ddiogel. Mae hyn yn golygu y bydd cyfrinachedd yn cael ei barchu, a bydd pob cam priodol yn cael ei gymryd i atal mynediad, datgeliad, newid neu golled heb awdurdod. Dim ond aelodau o staff sydd wedi derbyn hyfforddiant diogelu data ac sydd angen mynediad at rannau perthnasol neu holl gofnod unigolyn fydd yn cael eu hawdurdodi i wneud hynny. Bydd gwybodaeth a gedwir ar ffurf electronig yn destun amddiffyniad cyfrinair a chyfyngiadau diogelwch technegol eraill.

Eich Hawliau

Mae gwybodaeth am yr hawliau a roddir i wrthrychau data o dan y ddeddfwriaeth Diogelu Data ar gael yma.

Dylid gwneud unrhyw geisiadau neu wrthwynebiadau yn ysgrifenedig i Swyddog Diogelu Data’r Brifysgol:

Swyddfa Ysgrifennydd y Brifysgol
Prifysgol De Cymru
Pontypridd
CF37 1DL

E-bost: [email protected]

Os hoffech gysylltu ag unrhyw un ynglŷn â’ch data personol, neu os oes gennych unrhyw bryderon mewn perthynas â’ch data personol, cysylltwch â Swyddog Diogelu Data’r Brifysgol gan ddefnyddio’r manylion cyswllt uchod.

Os ydych yn dal yn anfodlon, yna mae gennych yr hawl i wneud cais yn uniongyrchol i’r Comisiynydd Gwybodaeth am benderfyniad. Gellir cysylltu â’r Comisiynydd Gwybodaeth yn:

Information Commissioner’s Office
Wycliffe House
Water Lane
Wilmslow
Cheshire
SK9 5AF

www.ico.org.uk