Addysg

BA (Anrh) Sut i wneud cais Gwneud cais trwy UCAS Archebu lle ar Ddiwrnod Agored Sgwrsio gyda ni

Côd UCAS

X300
Dyddiad Cychwyn

Medi
Lleoliad

Casnewydd
Côd y Campws

C

Ffioedd

Myfyrwyr cartref

£9,250*
Myfyrwyr rhyngwladol

£16,200*
Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Trosolwg
Trosolwg Modiwlau
Gofynion Mynediad
Ffioedd a Chyllid
Uchafbwyntiau'r Cwrs
Camau Nesaf

Agorwch ddrysau i gyfleoedd gyrfa yn datblygu plant mewn amgylcheddau cyffrous sy’n amrywio o chwaraeon i amgueddfeydd, ac o sŵau i’r awyr agored, a mwynhewch lwybr di-dor i fyd addysg.

Llwybrau gyrfa

Athrawes ysgol gynradd
Swyddog addysg
Gweithiwr cymorth ysgol
Cymorth y Blynyddoedd Cynnar
Gweithiwr ieuenctid

Sgiliau a addysgir

Deall y Cwricwlwm i Gymru
Cymhwysedd digidol
Datblygiad plant
Arweinyddiaeth
Ymchwil a myfyrio

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

teacher and students smiling while teacher holds classroom utensils. They are all sat at a table.

Childrens books sitting neatly on a bookshelf

teacher looking at young pupil as she interacts with a digital whiteboard with stylus pen

Uchafbwyntiau'r Cwrs

Lleoliadau amrywiol

Blwyddyn 1: Ysgol gynradd. Blwyddyn 2: Y tu hwnt i'r ystafell ddosbarth. Blwyddyn 3: Dewiswch eich lleoliad delfrydol.

Siapio gyrfaoedd

Bydd yr elfen hon o’r cwrs yn gwella'ch dealltwriaeth o'r Cwricwlwm i Gymru, yn rhoi hwb i’ch rhagolygon gyrfa, ac yn eich paratoi i lwyddo ym myd addysg.

Dysgu blaengar

Mae cymwyseddau digidol wedi'u gwreiddio ym mhob rhan o’r cwrs er mwyn sicrhau eich bod yn parhau ar flaen y gad gyda'r offer a'r technegau addysgol diweddaraf.

Archwilio eich diddordebau

Byddwch yn datblygu ac yn mireinio eich sgiliau ymchwil, a daw’r rhan o’r cwrs i ben gyda phrosiect terfynol lle byddwch yn archwilio pwnc sydd o ddiddordeb ichi.

Trosolwg o'r Modiwl

Rydyn n canolbwyntio ar ddatblygiad plant o bob oed ac yn blaenoriaethu eich twf personol. Mae’r lleoliadau yn hollbwysig, gan gyfuno profiadau o ysgolion coedwig i therapi cerddoriaeth a chlybiau chwaraeon i dimau ymddygiadol er mwyn gwella dysgu. Byddwch chi’n datblygu eich sgiliau drwy eu hymarfer yn ystod y lleoliadau.

Blwyddyn Un
Ymarfer Proffesiynol 1
Cyflwyniad i Strategaethau Ymchwil
Plentyn y Byd
Cwricwlwm Creadigol

Blwyddyn Dau
Ymarfer Proffesiynol 2
Iechyd a Hapusrwydd
Dysgu Creadigol
Taith Ymchwil Addysg

Blwyddyn Tri
Ymarfer Proffesiynol 3
Dinasyddiaeth Fyd-eang
Arweinyddiaeth Effeithiol
Cyflawni Gwaith Ymchwil Addysgol

Cyflwyniad i sut mae plant yn dysgu a beth yw’r ffordd orau o’u haddysgu. Archwilio datblygiad plant, cymhwysedd digidol, a chreadigrwydd yn y cwricwlwm. Bydd eich lleoliad ysgol gynradd yn cynnwys cefnogi athrawon a phlant. Addysgir y Gymraeg a hunaniaeth ddiwylliannol er mwyn cefnogi dysgwyr yn y dosbarth.

Ymarfer Proffesiynol 1
Mae’r modiwl hwn yn cynnwys lleoliad saith wythnos mewn ysgol gynradd sy’n canolbwyntio ar sgiliau ysgol hanfodol, datblygu’r Gymraeg, ac adnoddau ar gyfer addysgu Cymraeg yn yr ystafell ddosbarth.

Cyflwyniad i Strategaethau Ymchwil
Byddwch chi’n mynd ati i wneud gwaith ymchwil, dysgu am sawl math o fethodoleg, archwilio ystyriaethau moesegol, a dysgu sut i ddethol ffynonellau, darllen yn feirniadol ac ysgrifennu yn yr arddull academaidd.

Plentyn y Byd
Byddwch yn dysgu’r wybodaeth a’r cysyniadau sylfaenol y tu ôl i theori datblygiad plant, gan gwmpasu twf cymdeithasol, emosiynol, corfforol a deallusol drwy bolisïau ac ymarfer.

Cwricwlwm Creadigol
Modiwl ymarferol yw hwn sy’n cyflwyno Cwricwlwm i Gymru ac yn eich helpu i ddatblygu’r wybodaeth a’r sgiliau sydd eu hangen i gynllunio profiadau dysgu creadigol a dilys yn yr ystafell ddosbarth.

Byddwch chi’n ymdrin â’r sgiliau a’r wybodaeth sydd eu hangen i gefnogi dysgu ym mhob lleoliad, megis addysgu’n greadigol, a’r sgiliau personol sydd eu hangen yn y gweithle. Cynhelir y lleoliadau y tu hwnt i’r ysgol yn unig, gan gynnwys ysgolion anghenion dysgu ychwanegol, amgueddfeydd, ac amrywiaeth o gyfleusterau chwaraeon.

Ymarfer Proffesiynol 2
Byddwch yn gwella’ch sgiliau a’ch gwybodaeth ar gyfer lleoliadau addysgol eraill, gan bwysleisio ar gyfathrebu’n effeithiol. Mae'r Gymraeg a diwylliant Cymreig wedi’u cynnwys yn y lleoliadau hyn.

Iechyd a Hapusrwydd
Byddwch yn archwilio sut mae ymyrryd yn gynnar yn effeithio ar iechyd a llesiant plant a theuluoedd yn y dyfodol ac yn ymchwilio i ddamcaniaethwyr sy'n pwysleisio pwysigrwydd ymyrryd yn gynnar i unigolion a’r gymdeithas. Byddwch hefyd yn ystyried pwysigrwydd gofalu am eich hun wrth weithio ym myd addysg.

Dysgu Creadigol
Byddwch yn astudio sut mae dysgu drwy chwarae – dan do ac yn yr awyr agored – yn hybu datblygiad corfforol, deallusol, emosiynol a chymdeithasol pobl ifanc.

Taith Ymchwil Addysg
Mae’r modiwl hwn yn cyflwyno dulliau ymchwil ar gyfer cynllunio ymholiad annibynnol wrth ddatblygu sgiliau ymchwil beirniadol, dadansoddol a gwerthusol.

Rydym yn canolbwyntio ar sgiliau ar gyfer y dyfodol, megis arweinyddiaeth a chynaliadwyedd. Yn ogystal â hyn, byddwch chi’n mynd ati i gwblhau prosiect ymchwil sy’n seiliedig ar eich profiadau yn ystod eich lleoliad. Byddwch chi’n datblygu eich sgiliau digidol drwy brosiectau ymarferol a thrwy wreiddio’r defnydd o dechnoleg yn eich arfer. Cewch chi’r cyfle i ddewis lleoliadau sy'n gweddu i’ch diddordebau, gan gynnwys opsiynau tramor.

Ymarfer Proffesiynol 3
Byddwch yn datblygu sgiliau, gwybodaeth a dealltwriaeth mewn lleoliad addysgol o'ch dewis chi, gan gynnwys lleoliadau ysgol tramor.

Dinasyddiaeth Fyd-eang
Byddwch yn mynd i'r afael â pholisïau cenedlaethol a rhyngwladol ar gynaliadwyedd a dinasyddiaeth ac yn gweld sut maent yn llywio addysg a’r gymdeithas.

Arweinyddiaeth Effeithiol
Byddwch yn datblygu dealltwriaeth o rôl arweinyddiaeth mewn cyd-destunau addysg wrth ganolbwyntio hefyd ar eich twf personol a phroffesiynol.

Cyflawni Gwaith Ymchwil Addysgol
Byddwch yn mireinio eich sgiliau ymchwil, gan eich galluogi i gynnal prosiect ymchwil annibynnol a chyflwyno eich canfyddiadau mewn fformat academaidd.

Uchafbwyntiau'r Cwrs

Sut y byddwch yn dysgu

Cyflwynir ein dysgu ar ein campws yng Nghasnewydd, yng nghanol y ddinas. Arweinir y sesiynau gan staff academaidd ymroddedig sydd â Statws Athro Cymwysedig (SAC). Mae ein hystafelloedd dosbarth a'n mannau ymarferol wedi'u cynllunio ar gyfer gweithio mewn grwpiau bach a chael trafodaethau difyr, gan ddarparu dysgu ymarferol. Nid oes unrhyw arholiadau. Cynhelir asesiadau o wahanol fathau, gan gynnig cyfleoedd i chi arddangos eich sgiliau trwy draethodau, cyflwyniadau, portffolios, a thrwy greu adnoddau addysgol. Cewch eich asesu ar eich lleoliad ar sail eich portffolio, a byddwch yn cael digon o gefnogaeth gan aelod o'r tîm addysg a'ch mentor lleoliad.

Staff addysgu

Mae pob aelod o’n tîm yn athro cymwysedig – ac mae pob un ohonynt yn cyfrannu amrywiaeth o safbwyntiau, profiadau a gwybodaeth ymarferol at eich dysgu. Yn ogystal â hyn, rydym yn cydweithio’n agos ar draws yr holl gyrsiau gradd addysgu a blynyddoedd cynnar, gan gynnig dealltwriaeth, cysylltiadau a chyfleoedd gwerthfawr ichi rhwng llwybrau. Mae myfyrwyr yn dweud wrthym eu bod nhw wir yn gwerthfawrogi amgylchedd cefnogol y cwrs radd Addysg. Caiff yr amgylchedd cefnogol hwn ei gynnal drwy gefnogaeth a mentoriaeth bersonol, amgylchedd dysgu cydweithredol a thrwy helpu myfyrwyr i ddatblygu eu hangerdd tuag at leoliadau, llwybrau gyrfa a diddordebau ymchwil.

Cyfleusterau

Mae ein gofodau modern yn cynnwys y dechnoleg a'r adnoddau diweddaraf, sy'n ddelfrydol ar gyfer dysgu ac addysgu mewn modd rhyngweithiol. Bydd gennych chi fynediad at offer arloesol ar gyfer ymarfer dulliau realiti estynedig a dulliau realiti rhithwir. Byddwch yn profi amgylcheddau ystafell ddosbarth realistig mewn ystafelloedd arbenigol a fydd yn eich helpu i gael profiad ymarferol mewn lleoliad diogel. Byddwch yn defnyddio ein stiwdio ddawns i gefnogi llythrennedd corfforol a gweithgareddau amser cylch, ymhlith gweithgareddau eraill. Mae ein llyfrgelloedd yn llawn adnoddau ar theori addysg, datblygiad plant, ac arferion addysgu a fydd yn eich helpu chi i fanteisio i’r eithaf ar eich astudiaethau.

Lleoliadau a phrofiad gwaith

Mae rhestr y lleoedd y mae ein myfyrwyr yn ennill profiadau gwerthfawr yn un hirfaith ac yn cynnwys ymddiriedolaethau bywyd gwyllt, unedau ymddygiad, therapi cerddoriaeth, clybiau criced. Mae'r cymysgedd hwn yn eich helpu i ddarganfod eich cryfderau a'ch diddordebau ac yn codi’ch ymwybyddiaeth o gyfleoedd newydd sydd ar gael i raddedigion Addysg. Byddwch chi’n treulio saith wythnos ar leoliad bob blwyddyn, gan symud bob yn ail rhwng y brifysgol a’r gwaith er mwyn myfyrio ar eich datblygiad a’i gryfhau. Byddwch yn treulio lleoliad y flwyddyn gyntaf mewn ysgol gynradd er mwyn sicrhau eich bod yn deall y Cwricwlwm i Gymru. Bydd lleoliad yr ail flwyddyn mewn lleoliad addysgol y tu allan i ysgolion prif ffrwd. Eich dewis chi fydd y lleoliad ym mlwyddyn 3, a byddwn ni’n gweithio’n agos gyda chi i drefnu lleoliad sy’n gweddu i’ch anghenion a’ch diddordebau. Gallwch hyd yn oed ddewis lleoliad rhyngwladol tair wythnos.

A primary initial teacher education student smiles while standing in a primary education classroom.

Y gorau yng Nghymru o ran Rhagolygon i Raddedigion ym myd Addysg – Tabl Cynghrair y Guardian 2023
Ar y brig yng Nghymru o ran rhagolygon graddedigion mewn Addysg.(Complete University Guide 2023)

Mae addysg ym Mhrifysgol De Cymru ar y brig yng Nghymru o ran cymorth academaidd, cyfleoedd dysgu, adnoddau dysgu, asesu ac adborth (Arolwg Cenedlaethol o Fyfyrwyr 2024)

Y gorau yng Nghymru o ran Rhagolygon i Raddedigion ym myd Addysg – Tabl Cynghrair y Guardian 2023
Ar y brig yng Nghymru o ran rhagolygon graddedigion mewn Addysg.(Complete University Guide 2023)

Gyrfaoedd a Chyflogadwyedd

Gyrfaoedd graddedigion

Mae ein cwrs gradd yn rhoi’r sgiliau, yr wybodaeth a’r profiadau ymarferol i chi y bydd eu hangen arnoch i ddechrau ar yrfa gwerth chweil y tu allan i leoliadau ystafell ddosbarth traddodiadol, gan gael effaith gadarnhaol ar fywydau plant o bob oedran. Mae'n rhoi boddhad gweld plant yn magu hyder a chyffro ar gyfer dysgu yn y byd go iawn. Mae’r cyfleoedd yn cynnwys ysgolion, orielau celf, canolfannau dysgu awyr agored, ac unedau atgyfeirio disgyblion, ac mae hyd yn oed rhai archfarchnadoedd yn cyflogi swyddogion addysg. P'un a ydych chi'n mynd ar drywydd dod yn swyddog addysg, darparu cymorth i ysgol, cymryd rhan mewn gwaith ieuenctid, neu'n dechrau ar yrfa ym maes addysg, byddwch chi'n chwarae rhan hanfodol mewn llywio twf a datblygiad y genhedlaeth nesaf.

Cymorth gyrfaoedd

Fel myfyriwr ym Mhrifysgol De Cymru, bydd gennych fynediad at gyngor gan y Gwasanaeth Gyrfaoedd a Chyflogadwyedd drwy gydol eich astudiaethau ac ar ôl i chi raddio. Mae’r gwasanaeth hwn yn cynnwys apwyntiadau un-i-un gyda chynghorwyr gyrfa yn y gyfadran, sydd ar gael wyneb yn wyneb, dros y ffôn, drwy gyfrwng Skype, a thrwy e-bost drwy'r gwasanaeth “Gofyn Cwestiwn”. Rydym hefyd yn cynnig adnoddau helaeth ar-lein i'ch helpu i ystyried eich opsiynau gyrfa a gwneud argraff gyntaf wych ar gyflogwyr.

Partneriaid diwydiant

Mae gennym gysylltiadau cryf ag ysgolion ac amrywiaeth o sefydliadau sy'n cynnig elfennau addysgol, gan ddarparu lleoliadau ymarferol a chyfleoedd dysgu ymarferol i chi. Mae'r rhain yn amrywio o ysgolion a sefydliadau diwylliannol i elusennau a busnesau. Drwy ein cysylltiadau â sefydliadau ym Maastricht, Prague, y Ffindir, Budapest, a Qatar, gallwn gynnig lleoliad rhyngwladol yn y flwyddyn olaf.

GOFYNION MYNEDIAD

Pwyntiau UCAS: 104 (neu uwch)

Gofynion cymhwyster nodweddiadol:

Lefel A: BCC i eithrio Astudiaethau Cyffredinol
Bagloriaeth Cymru: Pasio Diploma Bagloriaeth Uwch Cymru gyda Gradd B yn y Dystysgrif Her Sgiliau a CC ar Lefel A i eithrio Astudiaethau Cyffredinol
BTEC: Diploma Estynedig BTEC Rhagoriaeth Teilyngdod Teilyngdod
Mynediad i AU: Pasio'r Diploma Mynediad i AU a chael o leiaf 104 pwynt tariff UCAS.

Gofynion ychwanegol

TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond efallai y rhoddir ystyriaeth i amgylchiadau unigol.

Mae angen gwiriad manylach gan y Gwasanaeth Datgelu a Gwahardd (DBS) ar Restr y Gweithlu Plant a Gwahardd Plant a thanysgrifiad i Wasanaeth Diweddaru’r DBS. (Mae angen cyfwerth o dramor ar gyfer ymgeiswyr nad ydynt yn dod o'r DU).

Sut i wneud cais

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Polisi Derbyniadau Cyd-destunol

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

Ffioedd a Chyllid

Ffi Llawn Amser y DU

£9,250

fesul blwyddyn*

Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

* Rhwymedig

Bydd angen i fyfyrwyr brynu iPad i gael mynediad i'r cwrs. Bydd opsiynau ar gyfer prynu iPad ar gael drwy'r Brifysgol os oes angen.

Cost: I fyny at £465

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.