Addysg
Paratowch ar gyfer amrywiaeth o yrfaoedd sy'n cefnogi dysgu, datblygiad a lles plant. Trwy heriau byd go iawn a ddatblygwyd ar y cyd â gweithwyr proffesiynol ym maes addysg a phartneriaid cymunedol, byddwch yn ennill sgiliau ar gyfer gweithio mewn amgylcheddau addysgol ac yn creu sylfaen ar gyfer astudiaethau ôl-raddedig, gan gynnwys llwybrau cwrs TAR.
Sut i wneud cais Gwneud gais drwy UCAS Trefnu Diwrnod Agored Sgwrsio gyda ni/filters:format(webp)/prod01/channel_2/media/university-of-south-wales/site-assets/images/08-subjects/education/_R5_0871.jpg)
Côd UCAS
X303
Dyddiad Cychwyn
Medi 2027
Lleoliad
Casnewydd
Côd y Campws
C
Pwyntiau UCAS
104
Myfyrwyr rhyngwladol: £17,600*
Trosolwg o'r Cwrs
Mae gradd BA(Anrh) mewn Addysg yn cyfuno heriau byd go iawn, profiad proffesiynol a dysgu sy'n seiliedig ar ymchwil i archwilio sut mae plant yn dysgu, yn datblygu ac yn ffynnu, gan eich paratoi i fynd i'r afael â materion cyfoes ym maes addysg heddiw.
Yn ystod y cwrs, byddwch yn archwilio materion cyfredol ym maes addysg drwy heriau a ddatblygwyd gyda phartneriaid proffesiynol; yn cysylltu damcaniaeth ag ymarfer, yn ymchwilio i greadigrwydd ac adrodd straeon, ac yn datblygu sgiliau trosglwyddadwy ar gyfer gyrfaoedd sy'n cefnogi dysgu plant. Mae graddedigion yn cael gwarant o gyfweliad ar gyfer cwrs TAR Cynradd PDC, ynghyd â chyfleoedd i ddilyn astudiaethau ôl-raddedig eraill.
Pam astudio'r cwrs hwn?
Beth fyddwch chi'n ei astudio
Archwiliwch sylfeini dysgu drwy greadigrwydd, adrodd straeon ac addysg blynyddoedd cynnar.
Mae heriau ymarferol yn eich galluogi i archwilio damcaniaethau sy’n ymwneud â datblygiad ac yn cynnig cyfle i chi ddatblygu eich sgiliau academaidd a phroffesiynol eich hun.
Archwiliwch sut y gall creadigrwydd gefnogi lles plant a phobl ifanc. Byddwch yn gweithio ar y cyd i droi ymchwil yn adnoddau a syniadau ymarferol, gan ddatblygu dulliau creadigol y gallwch eu defnyddio mewn lleoliadau addysgol.
Darganfyddwch sut y gall adrodd straeon roi bywyd i ddysgu a helpu pob disgybl i deimlo bod eu llais yn cael ei glywed. Byddwch yn meithrin eich hyder yn cyfathrebu wrth i chi greu eich gweithgaredd adrodd straeon eich hun ar gyfer lleoliad addysgol.
Darganfyddwch sut mae plant yn dysgu ac yn tyfu yn ystod 1,000 diwrnod cyntaf eu bywydau. Byddwch yn archwilio rôl chwarae, creadigrwydd a gofal ymatebol wrth greu sylfeini cadarn ar gyfer dysgu a lles gydol oes.
Archwiliwch sut y gall gwrthdaro, tlodi, dadleoli ac iechyd gwael lunio bywydau a phrofiadau plant. Byddwch yn ystyried sut y gall addysg gefnogi gwydnwch, adferiad ac amgylcheddau dysgu diogel a chynhwysol.
Ehangwch eich dealltwriaeth o addysg, cynhwysiant a phlentyndod o safbwynt byd-eang.
Byddwch yn cwestiynu anghydraddoldebau, yn archwilio safbwyntiau amrywiol ac yn rhoi eich dysgu ar waith drwy brofiadau addysgol go iawn.
Darganfyddwch sut y gall plentyndod edrych yn wahanol iawn ledled y byd. Byddwch yn archwilio'r ffactorau cymdeithasol, diwylliannol ac economaidd sy'n llunio bywydau plant, cyn defnyddio'ch syniadau i fynd i'r afael â phroblem yn y byd go iawn.
Archwiliwch sut y gall addysg lunio'r dyfodol a sut mae pŵer ac anghydraddoldeb yn dylanwadu ar bwy sy'n cael cyfleoedd. Byddwch yn cwestiynu gwahanol weledigaethau o addysg ac yn datblygu syniadau ar gyfer mynd i'r afael â heriau'r byd go iawn.
Dysgwch beth sydd ei angen i greu amgylcheddau dysgu lle gall pawb ffynnu. Byddwch yn edrych ar wahanol Anghenion Dysgu Ychwanegol ac yn ennill profiad ymarferol o ddefnyddio dulliau cynhwysol sy'n cefnogi lles, hygyrchedd a pherthyn.
Rhowch eich dysgu ar waith mewn lleoliadau addysgol a chymunedol go iawn. Byddwch yn ennill profiad ymarferol, yn myfyrio ar yr hyn a welwch ac a wnewch, ac yn meithrin eich hyder ar gyfer gyrfa mewn addysg.
Datblygu eich hyder fel gweithiwr proffesiynol addysg drwy arweinyddiaeth, ymarfer digidol a chynaliadwyedd.
Byddwch yn dod â'ch dysgu at ei gilydd mewn prosiect terfynol, gan greu syniadau ar gyfer dyfodol addysg.
Datblygwch eich hyder fel arweinydd sy'n dod i'r amlwg mewn addysg. Byddwch yn mynd i'r afael â heriau byd go iawn fel cynhwysiant, anghydraddoldeb a Deallusrwydd Artiffisial (DA), wrth ddatblygu eich dull eich hun o arweinyddiaeth foesegol ac effeithiol.
Dewch â thechnoleg i'ch addysgu mewn ffyrdd creadigol a phwrpasol. Byddwch yn creu adnoddau digidol, yn ystyried materion fel cynhwysiant a diogelwch ar-lein, ac yn datblygu'r hyder i ddefnyddio technoleg yn effeithiol mewn addysg.
Llywiwch eich syniadau ar gyfer dyfodol mwy cynaliadwy yng Nghymru. Byddwch yn edrych ar sut y gall addysg ymateb i newid hinsawdd, pryder ecolegol a chyfrifoldeb amgylcheddol, cyn creu eich syniadau eich hun ar gyfer newid cadarnhaol.
Dewch â phopeth rydych chi wedi'i ddysgu at ei gilydd yn eich prosiect terfynol. Byddwch yn dewis her addysgol sy'n bwysig i chi, yn gweithio gydag eraill i ddatblygu ateb creadigol, ac yn troi eich syniadau yn rhywbeth ystyrlon.
Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.
Addysgu ac asesu
Cyflwynir ein dysgu ar ein campws yng Nghasnewydd, yng nghanol y ddinas. Arweinir y sesiynau gan staff academaidd ymroddedig sydd â Statws Athro Cymwysedig (SAC).
Byddwch yn dysgu drwy fynd i'r afael â heriau go iawn sy'n wynebu plant, addysgwyr a chymunedau. Mewn gweithdai a phrosiectau grŵp, byddwch yn archwilio syniadau, yn profi datrysiadau ac yn dysgu o arfer proffesiynol. Bydd efelychiadau, gweithgareddau creadigol a thrafodaethau yn eich helpu i gysylltu damcaniaeth â phrofiad. Wrth i chi symud ymlaen drwy'r radd, bydd adborth rheolaidd ym mhob cam yn eich helpu i feithrin hyder, annibyniaeth a sgiliau proffesiynol.
Cewch eich asesu mewn amrywiaeth o ffyrdd, gan gynnwys cyflwyniadau, podlediadau, ysgrifennu myfyriol, prosiectau creadigol, astudiaethau achos a gweithgareddau cymhwysol. Bydd yr asesiadau’n gofyn am fwy o annibyniaeth wrth i chi symud ymlaen, gan eich helpu i feithrin hyder, sgiliau meddwl yn feirniadol a sgiliau proffesiynol. Bydd gennych hefyd gyfleoedd i dderbyn adborth, myfyrio ar eich gwaith a gwella eich syniadau, gyda chymorth i ddatblygu eich sgiliau ymchwil, cyfeirio a defnyddio offer digidol yn gyfrifol.
Yn ystod Blwyddyn 2, mae modiwl lleoliad pwrpasol yn rhoi cyfle i chi brofi addysg ar waith. Gallwch archwilio lleoliadau sy'n cyd-fynd â'ch diddordebau, o ysgolion ac amgueddfeydd i ymddiriedolaethau bywyd gwyllt, gan gynnwys cyfleoedd ar gyfer lleoliadau tramor. Wrth weithio ochr yn ochr â gweithwyr proffesiynol, byddwch yn arsylwi dulliau gwahanol o ddysgu ac yn myfyrio ar sut mae'r syniadau rydych chi'n eu hastudio yn berthnasol mewn lleoliadau go iawn. Gall eich lleoliad eich helpu i adnabod eich cryfderau, datblygu sgiliau proffesiynol a darganfod yr ystod o lwybrau sydd ar agor i raddedigion Addysg.
Camwch i mewn i mannau addysgu modern sydd wedi'u cynllunio ar gyfer addysgu ymarferol. Byddwch yn defnyddio offer arloesol, gan gynnwys realiti estynedig (AR) a realiti rhithwir (VR), ac yn ymarfer mewn ystafelloedd dosbarth realistig. O sesiynau stiwdio ddawns i lyfrgelloedd â stoc dda, mae popeth wedi'i adeiladu i'ch helpu i ennill sgiliau ymarferol, archwilio syniadau, a thyfu mewn hyder.
Rydym yn annog dull ymarferol o addysgu. Mae myfyrwyr yn dysgu drwy wneud, gan roi eu damcaniaethau ar waith mewn amgylcheddau trochi a senarios go iawn. Yn hytrach na dim ond darllen gwerslyfrau a gwrando ar ddarlithoedd, byddwn yn sicrhau eich bod yn cael nifer fawr o brofiadau uniongyrchol a chyfleoedd i gymryd rhan weithredol yn y proffesiwn a ddewisoch, gan ennill sgiliau ymarferol a fydd yn eich paratoi ar gyfer eich gyrfa yn y dyfodol.
O brosiectau ymarferol ac efelychiadau o'r byd go iawn i gydweithrediadau â'r diwydiant, gan weithio gyda chleientiaid go iawn, mynd i'r afael â phroblemau go iawn, a datblygu'r sgiliau y mae cyflogwyr yn chwilio amdanynt. Rydym yn meithrin graddedigion sy'n barod ar gyfer y dyfodol; pobl sy'n barod i adeiladu eu gyrfaoedd.
Arweinydd y Cwrs
Philippa Watkins
Philippa Watkins yw Arweinydd y Cwrs ar gyfer y rhaglen BA Addysg. Dechreuodd ei gyrfa fel athrawes Saesneg mewn ysgol uwchradd, gan weithio mewn sawl ysgol a gwasanaethu fel Pennaeth Saesneg am bedair blynedd cyn symud i addysg uwch. Mae ganddi ddiddordeb brwd mewn adrodd straeon a chreadigrwydd ac mae wedi cyfrannu at ymchwil sydd wedi archwilio a gwerthuso sut y gellir defnyddio'r ddau i hwyluso dysgu effeithiol a lles. Mae hi'n dod â'i harbenigedd yn yr ystafell ddosbarth i'w haddysgu, gan ddefnyddio dulliau creadigol i gefnogi, ysbrydoli a gwella dysgu myfyrwyr.
Gofynion Mynediad
Gofynion ychwanegol
TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond efallai y rhoddir ystyriaeth i amgylchiadau unigol.
Mae angen gwiriad manylach gan y Gwasanaeth Datgelu a Gwahardd (DBS) ar Restr y Gweithlu Plant a Gwahardd Plant a thanysgrifiad i Wasanaeth Diweddaru’r DBS. (Mae angen cyfwerth o dramor ar gyfer ymgeiswyr nad ydynt yn dod o'r DU).
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Sut i wneud caisDatganiad Derbyniadau Cyd-destunolGofynnwch gwestiwn i ni104 Pwyntiau UCAS neu'n uwch
Gofynion cymhwyster nodweddiadol
Lefel A:
BCC i eithrio Astudiaethau Cyffredinol
Bagloriaeth Cymru:
Pasio Diploma Bagloriaeth Uwch Cymru gyda Gradd B yn y Dystysgrif Her Sgiliau a CC ar Lefel A i eithrio Astudiaethau Cyffredinol
BTEC:
Diploma Estynedig BTEC Rhagoriaeth Teilyngdod Teilyngdod
Mynediad i AU:
Pasio'r Diploma Mynediad i AU a chael o leiaf 104 pwynt tariff UCAS.
Safon T:
P (C ac uwch)
Ffioedd a Chyllid
Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).
*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.
Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
iPad / Gliniadur
Bydd angen i fyfyrwyr brynu iPad i gael mynediad i'r cwrs. Bydd opsiynau ar gyfer prynu iPad ar gael drwy'r Brifysgol os oes angen.
Cost: I fyny at £465
Fesul blwyddyn
Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).
*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.
Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
iPad / Gliniadur
Bydd angen i fyfyrwyr brynu iPad i gael mynediad i'r cwrs. Bydd opsiynau ar gyfer prynu iPad ar gael drwy'r Brifysgol os oes angen.
Cost: I fyny at £465
/filters:format(webp)/prod01/channel_2/media/university-of-south-wales/site-assets/images/18-campaign-assets/built-to-shape-futures/campaign-built-to-shape-futures-58868.jpg)
/filters:format(webp)/prod01/channel_2/media/university-of-south-wales/site-assets/images/01-campus-and-facilities/12-campus-spaces/campus-spaces-cardiff-library-pod.jpg)
Sut i Wneud Cais
Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.
Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).
-
Apply direct
Addysg
-
Llawn Amser, 3 blynedd
-
Medi
-
Casnewydd
-
Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.
Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.
Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.
/filters:format(webp)/prod01/channel_2/media/university-of-south-wales/site-assets/images/07-student-life/72-students-union/student-life-students-union--52621.jpg)