PGDip

Cwrs Ymarfer Cyfreithiol

Mae’r Cwrs Ymarfer Cyfreithiol (LPC) yn arwain at Ddiploma Ôl-raddedig mewn Ymarfer Cyfreithiol (LPC).

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £14,000*

  • Myfyrwyr rhyngwladol

    £17,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Cwrs ymarfer cyfreithiol sydd wedi’i gymeradwyo gan yr Awdurdod Rheolaidd Cyfreithwyr (ARC), sy’n cwmpasu cyfraith busnes a phrofiad, achosion cyfreithiol, gweithdrefn llys ac ymchwil – yn eich arfogi a’r sgiliau a’r wybodaeth sydd eu hangen i gymhwyso fel cyfreithiwr.

Wedi’i gynllunio ar gyfer

Mae’r cwrs hwn wedi’i gynllunio ar gyfer unigolion sy’n dyheu am fod yn gyfreithwyr ac sydd am gymhwyso drwy’r Arholiadau Cymhwyso i Gyfreithwyr. Mae’n gwrs delfrydol ar gyfer unigolion brwdfrydig sy’n chwilio am hyfforddiant cyfreithiol ymarferol a datblygiad academaidd uwch.

Llwybrau gyrfa: 

  • Cyfreithiwr dan hyfforddiant
  • Paragyfreithiol
  • Cynghorydd ariannol 
  • Gwasanaeth Sifil 
  • Heddlu 

Sgiliau a ddysgir:

  • Cynghori cleientiaid
  • Rheoli perthynas a chleientiaid 
  • Drafftio cyfreithiol 
  • Ymchwil gyfreithiol 
  • Cyfathrebu 

Uchafbwyntiau’r Cwrs

Clinig Cyngor Cyfreithiol

Gweithiwch ar friffiau cleientiaid go iawn o dan oruchwyliaeth cyfreithwyr cymwysedig yn ein Clinig Cyngor Cyfreithiol.

Cysylltiadau cryf a’r diwydiant

Ehangu eich rhwydwaith cyfreithiol drwy’r Clinig Cyngor Cyfreithiol, sgyrsiau gan gyflogwyr a phartneriaethau gyda chwmnïau lleol.

Dysgu gan Arbenigwyr Cyfreithiol

Cael mewnwelediad gan gyfreithwyr profiadol – llawer ohonynt yn dal i weithio yn y diwydiant.

Cymeradwyo gan yr Awdurdod Rheoleiddio Cyfreithwyr (ARC)

Mae elfennau’r LPC o’r rhaglen astudio ac asesu LLM Ymarfer Cyfreithiol wedi’u cymeradwyo gan yr Awdurdod Rheoleiddio Cyfreithwyr.

Trosolwg o’r Modiwl

Byddwch yn astudio amrywiaeth o fodiwlau sydd wedi’u cynllunio i wella eich sgiliau cyfreithiol ac i roi’r wybodaeth sydd ei hangen arnoch i gymhwyso fel cyfreithiwr. Mae ein gradd yn cyfuno modiwlau penodedig a modiwlau dewisol y gallwch eu hastudio mewn meysydd sydd o ddiddordeb i chi.

Cyfraith ac Ymarfer Busnes a Threth
Bydd myfyrwyr yn dysgu sut i roi cyngor i gleientiaid mewn cyd-destun busnes ar faterion sy’n ymwneud â chontractau, partneriaethau a threthiant.

Cyfraith ac Ymarfer Eiddo
Mae’r modiwl hwn wedi’i gynllunio i alluogi myfyrwyr i werthfawrogi natur trafodion eiddo domestig neu fasnachol, adnabod y camau allweddol a’u cyflawni, gan gynnwys mewn perthynas ag eiddo rhydd-ddaliad ac eiddo prydlesol.

Ymgyfreitha ac Eiriolaeth
Byddwch yn gallu adnabod y camau allweddol yn y broses ymgyfreitha ac yn datblygu’r sgiliau sydd eu hangen i ddelio ag achos sifil neu droseddol yn ymarferol.

Sgiliau ar gyfer Ymarfer Cyfreithiol
Mae’r modiwl hwn yn cyflwyno’r sgiliau allweddol sydd eu hangen ar gynghorydd cyfreithiol, gan gynnwys ymchwil gyfreithiol ymarferol, cyfweld, rhoi cyngor, drafftio, a moeseg broffesiynol. Mae’r modiwl hwn yn cynnwys y Clinig Cyngor Cyfreithiol.

Tri modiwl dewisol*
*Mae modiwlau dewisol fel arfer yn cynnwys: Cyfraith ac Ymarfer Teulu, Cyfraith ac Ymarfer Cyflogaeth, Eiddo Masnachol, Anafiadau Personol ac Ymgyfreitha Esgeulustod Clinigol, Cyfraith ac Ymarfer Busnes a Chorfforaethol Uwch, Ewyllysiau a Chynllunio Ystadau, ac Ymgyfreitha Troseddol Uwch.

Blwyddyn Un

  • Cyfraith Busnes ac Ymarfer a Threthi
  • Cyfraith Eiddo ac Ymarfer
  • Sgiliau ar gyfer Ymarfer Cyfreithiol (gan gynnwys Drafftio, Ymchwil Gyfreithiol Ymarferol, Cyfweld a Chynghori ac Ysgrifennu)
  • Modiwlau dewisol* (rhaid i fyfyrwyr rhan-amser astudio cyfanswm o dri modiwl dewisol dros y ddwy flynedd o astudio)

Blwyddyn Dau

  • Prosiect Ymchwil Ymarfer Cyfreithiol
  • Ymgyfreitha ac Eiriolaeth
  • Sgiliau ar gyfer Ymarfer Cyfreithiol (gan gynnwys Ewyllysiau a Gweinyddu Ystadau, Cyfrifon Cyfreithwyr ac Ymddygiad a Rheoleiddio Proffesiynol)
  • Modiwlau dewisol* (rhaid i fyfyrwyr rhan-amser astudio cyfanswm o dri modiwl dewisol dros y ddwy flynedd o astudio)

General Content

Sut byddwch chi’n dysgu

Bydd myfyrwyr yn dysgu drwy gymysgedd o ddarlithoedd a gweithdai, gyda’r cyfle rhagorol i weithio yn ein Clinig Cyngor Cyfreithiol lle cânt roi eu sgiliau ar waith wrth gefnogi cleientiaid go iawn gyda chyngor cyfreithiol, o dan oruchwyliaeth cyfreithiwr cymwysedig.

O ran y dull o gyflwyno, mae myfyrwyr amser llawn yn mynychu’r campws ddwywaith yr wythnos (9am–6pm) o fis Medi tan fis Chwefror ar gyfer gweithdai modiwlau craidd, gyda chefnogaeth o ddarlleniadau rhagarweiniol a darlithoedd wedi’u recordio. Mae gweithdai’n canolbwyntio ar gymhwyso gwybodaeth gyfreithiol ac yn rhoi cyfle i chi gwblhau cwestiynau arddull asesu.

Mae modiwlau dewisol yn rhedeg o fis Chwefror i fis Ebrill yn yr un fformat, gyda myfyrwyr yn dewis tri opsiwn (mae dyddiau ar y campws yn amrywio). Mae myfyrwyr rhan-amser yn mynychu un diwrnod yr wythnos, gan astudio dau fodiwl dewisol yn y flwyddyn gyntaf ac un yn yr ail flwyddyn.

Staff addysgu

Byddwch yn cael eich addysgu a’ch cefnogi gan weithwyr proffesiynol cyfeillgar a gwybodus sy’n deall realiti ymarfer cyfreithiol. Mae gan ein tîm addysgu cyfoeth o brofiad diwydiannol ar draws amrywiaeth o feysydd cyfraith, ac mae nifer ohonynt wedi gweithio fel cyfreithwyr neu ymgynghorwyr cyfreithiol. Mae’r mewnwelediad ymarferol hon yn cysylltu damcaniaeth â gwaith cyfreithiol go iawn, gan ddefnyddio achosion a sefyllfaoedd go iawn i ddangos sut mae’r gyfraith yn cael ei chymhwyso yn ymarferol.

Asesiad

Asesir y modiwlau craidd drwy arholiadau ysgrifenedig a thasgau asesu sgiliau ymarferol, gan gynnwys cael eich asesu ar lythyrau cyngor a gynhyrchir ar gyfer cleientiaid go iawn yn ein Clinig Cyngor Cyfreithiol. Asesir y modiwlau dewisol drwy arholiadau ysgrifenedig.

Cyfleusterau

Cewch eich dysgu a’ch cefnogi gan gyfleusterau astudio o’r radd flaenaf, gan gynnwys ystafell llys wedi’i chyfarparu â’r offer fideo digidol diweddaraf, llyfrgell ymarfer gyfreithiol, ac ystafelloedd addysgu ac ymarfer pwrpasol. Mae’r holl weithgareddau’n seiliedig ar senarios dilys, a chewch eich cynorthwyo i wneud ymchwil a pharatoi gan gyfleusterau mewn ystafelloedd TG modern. Byddwch hefyd yn cael cyfleoedd i roi eich gwybodaeth ar waith drwy weithio yn y Clinig Cyngor Cyfreithiol, gan ddarparu cyngor, gofalu am gleientiaid, a rhyngweithio â gweithwyr proffesiynol cyfreithiol.

Gyrfaoedd a Chyflogadwyedd

Gyrfaoedd i Raddedigion

Fel arfer, mae graddedigion y cwrs hwn yn mynd ymlaen i ddod yn gyfreithwyr dan hyfforddiant neu’n bargyfreithwyr. Mae graddedigion diweddar wedi sicrhau swyddi gyda chwmnïau megis Hugh James, Capital Law, y GIG a Llywodraeth Cymru.

Mae’r cwrs hefyd yn meithrin sgiliau trosglwyddadwy gwerthfawr – gan gynnwys cyfathrebu, gofal cleientiaid ac ymchwil – sy’n agor drysau at yrfa y tu hwnt i’r gyfraith, megis cynghorwyr ariannol neu rolau mewn diwydiannau sy’n canolbwyntio ar gleientiaid.

Cysylltiadau a’r Diwydiant

Mae ein cysylltiadau cryf a’r diwydiant yn sicrhau bod myfyrwyr yn elwa o brofiad o’r byd go iawn a chyfleoedd rhwydweithio o’r diwrnod cyntaf. Mae cyflogwyr lleol megis Capital Law, Howells Solicitors, Watkins a Gunn, a Citizens Advice yn cefnogi ein Clinig Cyngor Cyfreithiol yn weithredol, gan roi cyfle i fyfyrwyr ryngweithio a chyfreithwyr sy’n ymarfer ac adeiladu rhwydweithiau proffesiynol gwerthfawr. Yn ogystal, mae sgyrsiau rheolaidd gyda chyflogwyr yn cynnig mewnwelediadau i’r proffesiwn cyfreithiol a chyfle i gysylltu’n uniongyrchol ag arbenigwyr yn y diwydiant. 

Cefnogaeth Gyrfa

Mae ein staff addysgu’n ymfalchïo yn eu polisi drws agored, gan gynnig cefnogaeth barhaus i fyfyrwyr drwy gydol eu hastudiaethau. Mae’r tîm i gyd yn gymwysedig yn y diwydiant ac yn gallu cynnig adborth personol, cyngor a chymorth wedi’i deilwra i’ch cefnogi ar hyd eich taith.

Mae Gwasanaeth Gyrfaoedd Prifysgol De Cymru hefyd wrth law i’ch cynorthwyo trwy gydol eich astudiaethau, gan gynnwys arweiniad ar ysgrifennu CV, gwneud ceisiadau am swyddi, llwyddo mewn cyfweliadau a llywio’r broses recriwtio. Rydym yn cynnal gweithdai sgiliau a ffeiriau gyrfaoedd yn rheolaidd i’ch cysylltu â chyflogwyr ac i’ch arfogi â’r offer i symud ymlaen.

GOFYNION MYNEDIAD

Gofynion cymhwyster nodweddiadol:

  • LLB Gradd (Anrh) fel arfer o ddosbarth 2:2 neu'n uwch, neu bob pwnc yr Arholiad Proffesiynol Cyffredin, neu radd astudiaethau cyfun gan gynnwys y pynciau cyfraith craidd a ragnodir gan yr Awdurdod Rheoleiddio Cyfreithwyr (SRA). Mae myfyrwyr sydd wedi cyrraedd y lefel briodol o gymhwyster gyda Sefydliad y Gweithredwyr Cyfreithiol hefyd yn gymwys i'w hystyried ar gyfer mynediad i'r cwrs.
  • Rhaid gwneud pob cais ar gyfer yr LPC amser llawn ar-lein trwy'r Bwrdd Ceisiadau Canolog yn www.lawcabs.ac.uk.
  • Gellir gwneud ceisiadau am yr LPC rhan-amser, Cam 1 a Cham 2 gan ddefnyddio ein ffurflen gais ar-lein.

Gofynion ychwanegol:

Mae'r cwrs yn croesawu ymgeiswyr rhyngwladol ac yn gofyn am lefel Saesneg o IELTS 6.0 gydag isafswm o 5.5 ym mhob cydran neu gymhwyster cyfatebol.

Er nad oes angen Gwiriad DBS i gael mynediad ar y cwrs hwn, ni fydd rhai proffesiynau’n ystyried ymgeiswyr sydd â mathau penodol o euogfarnau troseddol.    Felly, os oes gennych euogfarn droseddol a’ch bod yn ystyried llwybr gyrfa penodol, byddem yn argymell eich bod yn gwirio gyda’r corff proffesiynol perthnasol neu’n cyfeirio at ei bolisi recriwtio i sicrhau na fydd eich euogfarn yn eich rhoi dan anfantais.

Trefniadau Pontio’r Awdurdod Rheoleiddio Cyfreithwyr

Rydych ond yn gymwys i ennill cymhwyster trwy'r llwybr LPC os ydych chi'n bodloni un o'r trefniadau pontio canlynol:

  • Mae eisoes gennych Radd Ymgymhwyso yn y Gyfraith (QLD) neu Radd Eithriedig yn y Gyfraith (ELD) cyn 1 Medi 2021.
  • Fe wnaethoch chi ddechrau QLD neu ELD cyn 1 Medi 2021.
  • Fe wnaethoch chi dderbyn cynnig i astudio QLD neu ELD erbyn 21 Medi 2021 a dechrau'r cwrs cyn 31 Rhagfyr 2021.
  • Fe wnaethoch chi ohirio QLD neu ELD ar gyfer blwyddyn academaidd 2020/2021 ac yna dechreuwyd eich cwrs erbyn (a gan gynnwys) 31 Awst 2022. Bydd angen i chi gadw tystiolaeth o'ch gohiriad i gael eich derbyn i'r LPC.

Naill ai cyn, ochr yn ochr neu ar ôl y LPC, rhaid i chi gwblhau cyfnod o ddwy flynedd o hyfforddiant cydnabyddedig (PRT). Rhaid i chi gwblhau'r LPC a'r PRT erbyn 31 Rhagfyr 2032 er mwyn cymhwyso trwy'r LPC.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£14,000

fesul blwyddyn*
Ffi Llawn Amser Rhyngwladol

£17,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Mae angen i fyfyrwyr daly am unrhyw argraffu sydd ei angen arnyn nhw.

Cost: I fyny at £300

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
The University's Ty Crawshays building at Treforest, Pontypridd.
Campws Pontypridd, Trefforest
A member of staff is smiling and chatting with an open evening visitor.
Digwyddiadau Agored Ôl-raddedig

Camau Nesaf

Sut i Wneud Cais
Archebwch Noson Agored
Sariad â ni