Ffilm

Mae BA (Anrh) Ffilm yn manteisio ar ein cysylltiadau â gweithwyr proffesiynol presennol yn y diwydiant trwy ddarlithoedd gwadd, dosbarthiadau meistr, ymweliadau allanol, a chyfleoedd ymgynghori.

Byddwn yn eich dysgu sut i wneud ffilm, gyda pha bynnag stori rydych chi am ei hadrodd. Mae ein modiwlau wedi'u creu i ddatblygu sgiliau crefft, meddwl yn feirniadol ac ymarfer proffesiynol sy'n cyd-fynd â safonau a disgwyliadau'r diwydiant.   

Mae'r asesiad yn seiliedig yn gyfan gwbl ar waith cwrs, heb arholiadau. Byddwch yn cael eich gwerthuso trwy ystod o brosiectau gwneud ffilmiau ymarferol, o gysyniadau a sgriptiau cychwynnol hyd at ffilmiau gorffenedig. Mae hyn yn cynnwys portffolios, cynyrchiadau, cyflwyniadau a gwaith ysgrifenedig fel traethodau a phrosiectau ymchwil. Mae dysgu'n cyfuno darlithoedd, gweithdai a chynhyrchu cydweithredol, gan adlewyrchu arfer go iawn yn y diwydiant ffilm. Byddwch hefyd yn cymryd rhan mewn beirniadaethau a hunanfyfyrio i ddatblygu eich llais creadigol a'ch sgiliau proffesiynol. Mae adborth rheolaidd yn cefnogi eich cynnydd drwy gydol y cwrs. Yn eich blwyddyn olaf, byddwch yn cynhyrchu prosiect ffilm mawr sy'n arddangos eich galluoedd, gan eich paratoi am yrfaoedd mewn diwydiannau ffilm, teledu a sgrin ehangach. 

Rydym yn falch o weithio gydag ystod eang o sefydliadau diwydiant yng Nghymru a thu hwnt, gan gynnwys Channel 4, BBC Cymru, BAFTA Cymru, Cymdeithas Deledu Frenhinol Cymru (RTS), Ffilm Cymru, a Llywodraeth Cymru. Fel partner addysg i Gynghrair Sgrin Cymru, byddwch yn cael y cyfle i wneud cais am gyfleoedd lleoliad gwaith yn ystod eich gradd, sy’n amrywio o swyddi gwirfoddol mewn gwyliau ffilm i rolau cynhyrchu ar ffilmiau a rhaglenni teledu. 

Bydd cyfle gennych i ennill cymwysterau ychwanegol drwy Sefydliad Mark Milsome, Partneriaeth Dysgu Avid, ac Ysgol Ffilm Arri. Mae'r rhain yn gymwysterau dewisol nad ydynt yn rhan o'r cwrs ond a gynigir i helpu i wella'ch CV. 

Rydym yn cynnig cyfleusterau o safon y diwydiant yn ein Campws Caerdydd sydd newydd gael ei ddiweddaru, sy'n cynnwys sinema ar y safle lle gallwch chi arddangos eich gwaith a gwylio eich hoff ffilmiau.

Fel myfyriwr ffilm, gallwch elwa o'n stiwdio ffilm llawn offer gan gynnwys Arri Alexa, Black Magic Ursa, a chamerâu Sony, amrywiaeth o ficroffonau proffesiynol, goleuadau LED, traciau, dolis ac offer gafael. Popeth sydd ei angen arnoch i wneud ffilmiau mewn man diogel.

Rydym hefyd yn cynnig ystafelloedd gorffen o'r radd flaenaf ar gyfer golygu fideo proffesiynol, cymysgu sain, a graddio lliw. Gan gynnwys Avid Media Composer, Pro Tools a Celtx.