BSc (Anrh)

Gwyddor Gyfrifiadurol gan gynnwys Blwyddyn Sylfaen

Mewn oes a ddiffinnir gan arloesedd technolegol a thrawsnewid digidol, mae mynd ar drywydd gradd Cyfrifiadureg israddedig yn agor y drws i fydysawd o bosibiliadau.

Sut i wneud cais Gwneud cais drwy UCAS Archebu lle ar Ddiwrnod Agored Sgwriwch â Ni

Manylion Cwrs Allweddol

  • Côd UCAS

    G59F

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,790*

  • Myfyrwyr rhyngwladol

    £17,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Wedi'i hachredu gan Gymdeithas Gyfrifiaduron Prydain a'i chreu mewn partneriaeth â diwydiant a myfyrwyr, mae'r rhaglen hon yn sicrhau bod graddedigion yn greadigol ac yn fedrus, ac yn gallu adeiladu'r dyfodol gyda systemau deallus, effeithiol, effeithlon a dibynadwy. Mae'r flwyddyn sylfaen yn darparu ffordd o gael mynediad i'r maes cyffrous hwn i'r rheini sydd efallai'n dychwelyd i astudio, neu sydd angen magu hyder fel arall.

CYNLLUNIWYD AR GYFER

Bydd y rheini sydd â diddordeb yn y ffordd y mae cyfrifiaduron yn gweithio a sut y gellir eu defnyddio’n greadigol i ddatrys problemau yn y byd go iawn mewn ffordd ddiogel a dibynadwy yn elwa o’r cwrs rhagorol hwn. Mae sgiliau ymarferol a gwybodaeth ddamcaniaethol, gyda ffocws cryf ar ddatblygu graddedigion fel gweithwyr proffesiynol sydd â’r potensial i ragori yn eu gyrfaoedd, yn nodweddion amlwg o’r rhaglen.

Wedi’i achredu gan

  • BCS, Y Sefydliad Siartredig ar gyfer TG

Llwybrau Gyrfa

  • Datblygu Meddalwedd
  • Peirianneg Meddalwedd
  • Gwyddor Data
  • DevOps
  • Astudio a gwaith ymchwil pellach

Y sgiliau a addysgir

  • Llythrennedd TG
  • Cymhwysedd ym maes llythrennedd yn y cyfryngau
  • Cyfathrebu a chydweithio
  • Ysgolheictod digidol a llythrennedd gwybodaeth
  • Rheoli gyrfa a hunaniaeth

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

A computing student smiles while working on a desktop PC in a USW computer workshop
Computer Science lecturer Jennifer Whewell looks sincere while explaining work to a student in front of a laptop at a desk in a USW computer workshop
A cyber security student in a grey hoodie smiles while listening to a course mate who is off camera in a grey USW computer room
Nia Harris working on a computer wiring smiling to camera

Uchafbwyntiau’r Cwrs

Ffocws Ymarferol

Mae enghreifftiau ac ymarferion sy'n seiliedig ar broblemau'r byd go iawn yn helpu myfyrwyr i roi'r hyn y maent wedi'i ddysgu mewn cyd-destun sy'n barod am yrfa.

Yn Barod ar gyfer y Dyfodol

Mae'r cwrs hwn yn esblygu ac yn datblygu i aros ar flaen y gad o ran datblygiadau technegol; a chaiff ei lywio gan waith ymchwil ein staff a chofleidio technolegau sy'n dod i'r amlwg.

Ymarfer Proffesiynol

Wedi'i hachredu gan Gymdeithas Cyfrifiaduron Prydain a'i datblygu yn unol â chanllawiau'r Gymdeithas Peiriannau Cyfrifiadura (ACM), mae'r rhaglen hon yn sicrhau bod myfyrwyr yn barod i ymarfer.

Meithrin Arloesedd

Mae asesiadau a phrosiectau yn galluogi myfyrwyr i fynegi eu creadigrwydd wrth ddatblygu datrysiadau newydd i broblemau yn y byd go iawn.

Trosolwg o’r Cwrs

Yn eich Blwyddyn Sylfaen, byddwch yn datblygu sgiliau rhaglennu, data a datrys problemau, yn archwilio heriau byd go iawn trwy dechnoleg, ac yn meithrin hyder, gwaith tîm a sylfeini academaidd ar gyfer astudiaeth yn y dyfodol.

Dechrau eich Taith yn y Brifysgol 
Mae'r modiwl hwn yn eich helpu i ddatblygu sgiliau academaidd, personol a phroffesiynol ar gyfer astudio yn y brifysgol. Byddwch yn myfyrio ar eich cynnydd, yn meithrin hyder, ac yn creu portffolio sy'n seiliedig ar dystiolaeth i gefnogi eich dysgu yn y dyfodol. 

Hanfodion Rhaglennu: Camau Cyntaf i Ddatblygu Meddalwedd 
Mae'r modiwl hwn yn cyflwyno cysyniadau rhaglennu craidd ac arferion datblygu meddalwedd, gan eich helpu i gynllunio, ysgrifennu, profi a mireinio cod wrth feithrin sgiliau datrys problemau a hyder, gan ddefnyddio amgylcheddau a methodolegau datblygu modern. 

Datrysiadau Data Sy'n Gyrru Newid 
Mae'r modiwl hwn yn cyflwyno systemau gwybodaeth a chronfeydd data, gan ddangos i chi sut i gasglu, trefnu a diogelu data. Trwy enghreifftiau o'r byd go iawn, byddwch yn darganfod sut mae data yn pweru penderfyniadau clyfar, diogel a chyfrifol sy'n gyrru newid go iawn. 

Her Effaith 
Byddwch chi'n gweithio mewn timau gyda myfyrwyr Blwyddyn Sylfaen eraill i fynd i'r afael â heriau'r byd go iawn, gan ddatblygu atebion trwy ymchwil, chwilfrydedd, cydweithio a datrys problemau cyfrifol, wrth feithrin sgiliau a fydd yn cefnogi eich astudiaethau yn y dyfodol. 

Uchafbwyntiau’r Cwrs

Sut byddwch chi’n dysgu

Byddwch chi'n dysgu drwy wneud, drwy weithgareddau byd go iawn a fydd yn eich helpu i ddeall sut mae dysgu'n gweithio yn y brifysgol. Byddwch chi'n cael eich annog i ofyn cwestiynau, archwilio syniadau newydd a gweithio gydag eraill, yn ogystal ag yn annibynnol. Mae addysgu'n meithrin hyder, meddwl beirniadol a myfyrio, gyda chefnogaeth offer digidol. Mae adborth rheolaidd yn eich helpu i olrhain cynnydd, cynllunio'r camau nesaf ac adeiladu gwydnwch a theimlad cryf o berthyn wrth i chi baratoi ar gyfer astudiaeth lefel uwch. 

Sut byddwch chi'n cael eich asesu

Byddwch yn cael eich asesu mewn gwahanol ffyrdd, gan gynnwys tasgau byr, gwaith cwrs, cyflwyniadau, a gwaith grŵp. Mae asesiadau cynnar wedi'u cynllunio i gefnogi eich dysgu a'ch helpu i ddeall beth a ddisgwylir yn y brifysgol. Mae'r rhan fwyaf o asesiadau'n seiliedig ar waith cwrs ac yn eich helpu i ddatblygu sgiliau allweddol fel ymchwil, ysgrifennu academaidd, gwaith tîm, a chyfathrebu. Byddwch hefyd yn myfyrio ar eich cynnydd ac yn defnyddio systemau ac offer digidol y brifysgol. Bydd adborth clir ac amserol yn eich helpu i ddeall sut i wella a chefnogi eich camau nesaf. 

Lleoliadau gwaith a phrofiad gwaith

Unwaith i chi symud ymlaen i'r cwrs gradd, cynigir y rhaglen ar ffurf Rhyngosod lle mae myfyrwyr yn cwblhau o leiaf naw mis o leoliad gwaith dan oruchwyliaeth. Rhoddir cymorth i fyfyrwyr gael lleoliad, ac mae goruchwyliaeth yn sicrhau bod ganddo werth profiadol. 

Yn ogystal, gall Swyddogion Lleoliadau'r Brifysgol gynorthwyo myfyrwyr i gael lleoliadau haf a phenwythnos i bob myfyriwr ar y cwrs. 

Mae heriau diwydiant a lleoliadau rhithwir hefyd wedi'u hintegreiddio i'r rhaglen. 

Mae lleoliadau yn caniatáu i fyfyrwyr nid yn unig ennill profiad a thrwy hynny gael y blaen ar eu gyrfaoedd, ond hefyd helpu i osod eu hastudiaethau mewn cyd-destun a helpu i feithrin hyder yn eu galluoedd. Maent yn rhoi'r cyfle i gymhwyso'r hyn sy'n cael ei ddysgu a dysgu elfennau a allai fod yn anodd eu hennill fel arall. 

Cyfleusterau

Cefnogir y cwrs gan labordai cyfrifiadurol arbenigol sy’n cynnwys cyfrifiaduron personol a chyfrifiaduron Macintosh, ac sy'n cefnogi'r gwaith o gyflwyno ein modiwlau. Mae'r rhain ar gael y tu allan i oriau addysgu i'ch galluogi i astudio'n hyblyg. Cefnogir modiwlau penodol gan y labordy Deallusrwydd Robotig, sy’n cynnwys ystod o freichiau, robotiaid symudol a thechnolegau cysylltiedig.
Mae'r rhaglen hefyd yn cael ei chefnogi gan ofod dysgu hyblyg sy'n darparu canolbwynt cymunedol ar gyfer myfyrwyr BSc Cyfrifiadureg lle gallant weithio gyda'i gilydd mewn awyrgylch hamddenol.
Darperir mannau ar gyfer prosiectau i’w defnyddio’n unig gan fyfyrwyr y cwrs hwn, gan ddarparu mannau tawel lle gall myfyrwyr gymryd rhan mewn astudio unigol neu waith tîm.

Wedi'i achredu gan

Wedi'i achredu gan
Computer science students concentrate while working at desktop PCs in a USW Computer Science workshop at USW Treforest

  • Mae Gwyddor Gyfrifiadurol a Systemau Gwybodaeth yn PDC ar y brig yng Nghymru ar gyfer ansawdd addysgu (Canllaw Prifysgolion y Guardian 2025) 

Mae Gwyddor Gyfrifiadurol yn PDC ar y brig yng Nghymru am fodlonrwydd cyffredinol myfyrwyr ac ansawdd addysgu. 

Arolwg Cenedlaethol o Fyfyrwyr 2025

  • Mae Gwyddor Gyfrifiadurol a Systemau Gwybodaeth yn PDC ar y brig yng Nghymru ar gyfer ansawdd addysgu (Canllaw Prifysgolion y Guardian 2025) 

Gyrfaoedd a Chyflogadwyedd

Gyrfaoedd graddedigion

Mae graddedigion y rhaglen BSc Cyfrifiadureg yn symud ymlaen i ystod eang o yrfaoedd ar draws diwydiannau fel awyrenneg, amddiffyn, chwaraeon, busnes a thechnoleg. Mae cyflogwyr, gan gynnwys contractwyr amddiffyn a sefydliadau chwaraeon proffesiynol, yn gwerthfawrogi'r arbenigedd technegol a dadansoddol a ddatblygir trwy'r cwrs hwn. Mae rolau nodweddiadol yn cynnwys peiriannydd neu ddatblygwr meddalwedd, dadansoddwr systemau, dadansoddwr data neu wyddonydd data, ac arbenigwyr mewn symud data a systemau digidol. Mae llawer o raddedigion hefyd yn symud i swyddi arweinyddiaeth a rheolaeth wrth i'w gyrfaoedd ddatblygu. Gyda phob diwydiant yn dibynnu ar dechnoleg, mae'r rhaglen hon yn eich paratoi â’r sgiliau, yr hyder a'r gallu i addasu, sydd eu hangen i lwyddo nawr ac yn y dyfodol. 

Partneriaid diwydiant

Wrth i chi symud ymlaen i'ch gradd, byddwch yn cael y cyfle i gymryd rhan mewn rhaglen gyfnewid dramor yn eich ail flwyddyn o astudio. Mae hwn yn opsiwn gwych ar gyfer rhwydweithio a meithrin cysylltiadau ar gyfer eich gyrfa yn y dyfodol. 

Rydym yn gweithio gydag amrywiaeth o bartneriaid diwydiant gan gynnwys y Swyddfa Ystadegau Gwladol, systemau OLM, World Connect, IPO, a rhai cwmnïau mwy arbenigol, fel Thermix. 

Mae gennym hefyd brosiectau ymchwil gydag Iechyd a Gofal Digidol Cymru. 

Cymorth gyrfaoedd

Mae'r cwrs nid yn unig yn datblygu'r sgiliau sydd eu hangen arnoch i symud ymlaen yn eich gyrfaoedd, ond mae hefyd yn darparu sawl dull o'ch cefnogi ar hyd y ffordd.
Mae cynghorwyr gyrfaoedd yn darparu cefnogaeth ac arweiniad ymarferol, tra bod lleoliadau a heriau yn meithrin sgiliau a phrofiad, a darperir cyfleoedd i rwydweithio drwy leoliadau, siaradwyr gwadd a heriau diwydiant.
Ar ôl i chi raddio, bydd y gefnogaeth yn parhau drwy gymuned Cyfrifiadureg Prifysgol De Cymru.
Gallwn hefyd gefnogi’r rheini sy’n dymuno dilyn eu cynlluniau eu hunain, boed hynny yn eu cwmnïau eu hunain neu fel gweithwyr llawrydd.

Gofynion mynediad

Gofynion cymhwyster nodweddiadol:

  • Lefel A: DD
  • Bagloriaeth Cymru: Amherthnasol
  • BTEC: Pas Pas Diploma Estynedig BTEC neu Bas Pas Diploma BTEC
  • Mynediad i AU: Llwyddo Mynediad i Ddiploma AU gydag o leiaf 48 pwynt Tariff UCAS.
  • Safon T: P

 

Gofynion ychwanegol:

Mae'r Brifysgol fel rheol yn gofyn am o leiaf 3 TGAU gan gynnwys Mathemateg a Saesneg ar Radd C / Gradd 4 neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,790

fesul blwyddyn*
Ffi Llawn Amser Rhyngwladol

£17,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer deunydd ysgrifennu, argraffu neu offer yn ystod eich blwyddyn sylfaen. Gweler y rhestr isod sy'n cynnwys costau ar ôl i chi symud ymlaen i flwyddyn 1 eich rhaglen radd.

student-25
Datblygu Campysauein Hwb STEM Newydd

Cyflwyno Calon

Rydym yn buddsoddi yn nyfodol STEM gydag adeilad Calon newydd a chyffrous ynghanol ein Campws Pontypridd.

Cyflwyno Calon Campws Pontypridd

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

RWYF BELLACH WEDI FY ARDYSTIO GAN NCSC, FELLY MAE CYFLOGWYR YN EDRYCH AR HYNNY, AC MAE'N RHOI'R AGWEDD BROFFESIYNOL HONNO I'R CWRS.

Niamh McConville

Graddedig BSc Gwyddor Gyfrifiadurol

DYDYCH CHI DDIM JYST YN EISTEDD I LAWR AC YN CODIO DRWY'R DYDD; RYDYCH CHI'N DYSGU SUT MAE POBL YN GWEITHIO AC YN DOD I ARFER Â GWEITHIO GYDAG ERAILL.

Niamh McConville

Graddedig BSc Gwyddor Gyfrifiadurol

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Cyrsiau Cysylltiedig

Gwyddor Gyfrifiadurol - BSc (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni