NatWest Cymru
Mewn partneriaeth â NatWest Cymru, fe wnaethom lansio’r rhaglen Datblygu Menywod Entrepreneuraidd – rhaglen bwrpasol sy’n ceisio mynd i’r afael â llawer o’r rhwystrau a amlygwyd yn Adolygiad Alison Rose o Entrepreneuriaeth Menywod.
Cysylltu â ni Gwasanaethau Busnes/prod01/channel_2/media/university-of-south-wales/site-assets/images/00-miscellaneous/Business-Services-NatWest.png)
Ym Mhrifysgol De Cymru, roeddem wrth law i helpu perchnogion busnesau bach a welodd gyfle yn ystod y cyfnod clo.
Cafodd pandemig Covid-19 ei ddisgrifio fel y dirywiad gwaethaf ers y Dirwasgiad Mawr, ac mae wedi cael effaith ddinistriol ar fusnesau a’r economi. Mae brandiau enwau mawr a busnesau bach a chanolig wedi cael trafferth yn goroesi. Fodd bynnag, mae un maes busnes wedi ffynnu dros y deunaw mis diwethaf. Arweiniodd Covid-19 at nifer o fusnesau newydd yn cael eu sefydlu. Gan fod pobl wedi cael mwy o amser i’w neilltuo i’w ‘diddordebau allgyrsiol’ ac i wneud arian o’u hobïau yn ystod y cyfnod clo, y canlyniad fu ffrwydrad o entrepreneuriaid. Yn ystod Wythnos Entrepreneuriaeth Fyd-eang, rydym yn dathlu ac yn grymuso cenhedlaeth newydd o entrepreneuriaid, entrepreneuriaid sydd wedi dod i’r amlwg yn ystod trychineb byd-eang mwyaf ein hoes ac sydd wedi parhau i fod yn gydnerth yn wyneb adfyd.
/prod01/channel_2/media/university-of-south-wales/site-assets/images/00-miscellaneous/misc-virtual-class.jpg)
Y rhaglen
Dywedodd Chris Wright, Rheolwr Cyfnewidfa Prifysgol De Cymru: “Mae'r rhaglen Datblygu Menywod Entrepreneuraidd wedi bod yn enghraifft wych o sut mae Prifysgol De Cymru yn defnyddio ei harbenigedd cyfunol, gan gynnwys Menter Myfyrwyr, Ysgol Busnes De Cymru, Rhwydwaith Graddedigion Cyn-fyfyrwyr, Datblygiad Proffesiynol, Cyfnewidfa Prifysgol De Cymru a'n rhwydwaith o gyfryngwyr cymorth busnes i gefnogi her adferiad economaidd ar ôl y pandemig.” Roedd y rhaglen yn cynnwys dosbarthiadau meistr rhithwir i egin fusnesau, hyfforddiant busnes bach a chyfleoedd datblygu personol, digwyddiadau panel a chymorth cyfeillio gan ein hentrepreneuriaid graddedig ein hunain o Rwydwaith Cyn-fyfyrwyr Prifysgol De Cymru, gan alluogi cyfranogwyr i weld eu syniadau busnes yn dod yn fyw.
PODLEDIAD YSBRYDOLI MENYWOD CYMRU - TYMOR 2
Dywedodd Cheryl Gourlay, Rheolwr Menywod mewn Busnes NatWest:
“Roeddem ni’n gwybod bod angen darparu ymyriadau ymarferol sy’n gwneud gwahaniaeth go iawn i lwyddiant ein cymuned fusnes wrth ailadeiladu ar ôl y pandemig, ac mae’r Rhaglen Datblygu Menywod Entrepreneuraidd wedi gwneud gwahaniaeth enfawr i’r menywod a gymerodd ran yn y rhaglen, gan roi’r adnoddau a’r hyder sydd eu hangen arnynt i gyflawni eu huchelgais."