Gwasanaeth Uwchsain Diagnostig MSK
Following appropriate referral, any ultrasound examinations will be carried out by a qualified musculoskeletal sonographer (MSK). The ultrasound room is located on the first floor of the Welsh Institute of Chiropractic outpatient clinic.
Gofyn am alwad yn ôl Clinig Ceiropracteg/prod01/channel_2/media/university-of-south-wales/site-assets/images/01-campus-and-facilities/16-pontypridd-facilities/161-treforest-facilities/campus-facilities-treforest-chiropractic-diagnostic-ultrasound-43550.jpg)
Amserau'r Clinig
Dydd Mercher 8.30yb tan 3.30yp
Dydd Iau 4.30yp tan 6.30yp
Dydd Gwener 2.00yp tan 3.30yp
/prod01/channel_2/media/university-of-south-wales/site-assets/images/08-subjects/chiropractic/subjects-chiropractic-students-with-facilities-52810.jpg)
APWYNTIADAU A CHOSTAU
Bydd yn rhaid i chi gael eich atgyfeirio ar gyfer y sgan gan ymarferydd gofal iechyd fel Meddyg Teulu, Ceiropractydd, Osteopath, Ffisiotherapydd neu Bodiatrydd.
Unwaith y bydd y ffurflen atgyfeirio yn cyrraedd y clinig, bydd yn cael ei hadolygu gan y gweithredwr.
Mae pris Gwasanaeth Uwchsain Diagnostig MSK yn dechrau o £65 i gleifion y clinig ac o £100 i gleifion a gyfeirir yn allanol.
Cwestiynau Cyffredin
Archwiliad diagnostig yw sgan uwchsain sy'n defnyddio seindonnau amledd uchel i greu delwedd du a gwyn o anatomeg fewnol. Mae'n bwysig nodi nad yw sgan uwchsain yn defnyddio ymbelydredd ïoneiddio (fel Pelydrau-X), felly nid yw'n achosi unrhyw niwed i chi.
Bydd eich sgan uwchsain yn cael ei wneud gan weithiwr gofal iechyd proffesiynol sydd ag addysg ôl-raddedig bellach a hyfforddiant ym maes uwchsain.
Mae'n bosib y bydd eich ymarferwr gofal iechyd yn eich cynghori i gael sgan uwchsain MSK er mwyn cynorthwyo i wneud diagnosis o gyflyrau / anafiadau'r system cyhyrysgerbydol.
Ni fydd angen i chi wneud unrhyw beth i baratoi cyn i chi gael eich sgan uwchsain MSK.
Mae Gwasanaeth Uwchsain MSK Prifysgol De Cymru yn rhan o ddarpariaeth addysg y Brifysgol. Mae PDC wedi ymrwymo at ddarparu addysg o'r ansawdd uchaf. Mae Gwasanaeth Uwchsain MSK yn rhan o raglen hyfforddiant uwchsain glinigol, felly mae'n bosib y bydd myfyriwr yn bresennol ac yn rhan o ddarparu'ch sgan uwchsain MSK. Mae'n bwysig cofio bod pob sgan uwchsain MSK yn cael eu goruchwylio gan weithiwr gofal iechyd proffesiynol cymwys.
Mae cyrff proffesiynol yn parhau i nodi nad yw tystiolaeth o ymchwil gyfredol yn dangos unrhyw ffactorau risg yn ymwneud ag uwchsain MSK.
Bydd angen i chi gael eich atgyfeirio ar gyfer y sgan gan ymarferwr gofal iechyd megis meddyg teulu, ceiropractydd, osteopath, ffisiotherapydd neu podiatregydd (gellir lawrlwytho ffurflenni atgyfeirio o'r wefan hon). Pan fydd WIOC yn derbyn y ffurflen atgyfeirio, bydd yn cael ei hadolygu gan y gweithredwr. Dylai'r clinigwr a atgyfeiriodd y claf gynghori'r claf i ffonio derbynfa'r WIOC ar 01443 483555 i drefnu apwyntiad, pan fyddant yn gwybod bod WIOC wedi derbyn y ffurflen atgyfeirio.
Os oes rhaid i chi ganslo apwyntiad oherwydd amgylchiadau lliniarol, dylech roi gwybod i staff derbynfa WIOC ar 01443 483555 cyn gynted â phosib. Byddant yn gallu eich helpu i drefnu dyddiad arall.
Gallwch naill ai ffonio'r clinig ar 01443 483555, neu gallwch chi siarad â'r sonograffydd ar ddiwrnod eich apwyntiad.
Dylech roi gwybod i staff y dderbynfa yn WIOC a fydd yn rhoi gwybod i'r gweithredwr eich bod wedi cyrraedd. Byddant yn gofyn i chi eistedd yn yr ardal aros tan i'r gweithredwr eich galw.
Bydd yr adroddiad fel arfer yn barod y diwrnod canlynol a dylai'r atgyfeiriwr ei derbyn o fewn 5 diwrnod gwaith.
TREFNWCH APWYNTIAD
Ffon
Ffoniwch y clinig yn uniongyrchol
01443 48355
Hyfforddiant Ôl-raddedig Uwchsain MSK
Cyfleoedd am Leoliad Clinigol Uwchsain MSK
Mae Uned Gwasanaethau Clinigol, Uwchsain Diagnostig Cyhyrysgerbydol Sefydliad Ceiropracteg Cymru ym Mhrifysgol De Cymru, Pontypridd yn falch o gyhoeddi cyfleoedd am leoliad clinigol ar gyfer unigolion sydd angen profiad mewn clinig er mwyn cwblhau eu cymhwyster MSK US.
Bydd tîm o uwch-sonograffyddion MSK cymwys gan gynnwys Dr Gareth Slade, Dr Monika Dowbrowolska a Dr Alf Turner yn rheoli'r gwasanaeth gan ddefnyddio offer o'r radd flaenaf.
Bydd y gwasanaeth yn gweithredu ar ddydd Mercher yn unig ar hyn o bryd gan ddarparu pedwar bloc dysgu o 3.5 awr fesul bloc. Rydym yn bwriadu ychwanegu clinigau pellach yn y dyfodol.
Cost y gwasanaeth fydd £25 yr awr fesul myfyriwr a bydd disgwyl i ymgeiswyr ymrwymo at fynychu am gyfnod penodol o amser (gellir trafod hwn). Bydd y gwasanaeth yn gallu cymryd dau fyfyriwr fesul bloc dysgu er mwyn gwella'r profiad dysgu. Yn amodol ar argaeledd, codir tâl o £35 yr awr ar sesiynau dysgu â ffocws 1 i 1.
Am ragor o fanylion, cysylltwch â Dr David Byfield Pennaeth Gwasanaethau Clinigol ar [email protected]