Ceisiadau

• Gwybodaeth bersonol – rhowch fanylion sylfaenol fel enw a chyfeiriad e-bost.
• Cefndir addysgol – rhowch fanylion am eich addysg mewn trefn gronolegol o chwith (y mwyaf diweddar yn gyntaf). Cynhwyswch y sefydliadau rydych chi wedi mynychu, cyrsiau a gymerwyd a chymwysterau a enillwyd.
  E.e. Rhowch enghraifft o amser pan wnaethoch chi weithio fel rhan o dîm? Beth wnaethoch chi i sicrhau llwyddiant?
  E.e. Eglurwch sut rydych chi'n bodloni'r meini prawf dethol gan roi tystiolaeth o'ch addasrwydd.
• Profiad gwaith – rhowch fanylion am eich profiad gwaith mewn trefn gronolegol o chwith (y mwyaf diweddar yn gyntaf). Rhestrwch eich prif ddyletswyddau a chyfrifoldebau, gan bwysleisio'r rhai sy'n cyfateb i'r swydd rydych chi'n gwneud cais amdani.
• Cwestiynau seiliedig ar gymhwysedd – efallai y bydd yn rhaid i chi ateb cwestiynau arddull cymhwysedd. Rhowch enghreifftiau penodol pan fyddwch chi wedi dangos y sgil, yr ymddygiad neu'r cymhwysedd.
• Datganiadau personol – efallai y gofynnir i chi ysgrifennu datganiad i gefnogi eich cais.
  Defnyddiwch y lle i esbonio pam rydych chi'n gwneud cais am y swydd a darparu tystiolaeth eich bod chi'n bodloni'r gofynion.
  Mae gan rai cyflogwyr derfyn geiriau penodol; bydd eraill yn hapus i chi barhau ar dudalennau ychwanegol.
• Ewch i’r afael â HOLL ofynion y cyflogwr gan ddefnyddio’r penawdau allweddol neu’r pwyntiau bwled a nodir ym manyleb yr unigolyn. 

• Argraffwch y ffurflen gais a'r cyfarwyddiadau neu lawrlwythwch nhw. Darllenwch nhw'n ofalus fel eich bod chi'n glir ynglŷn â'r hyn a ddisgwylir a'r broses y mae angen i chi ei dilyn. Cadwch lygad am derfynau nifer geiriau a chyfarwyddiadau cyflwyno penodol.
• Casglwch yr holl wybodaeth sydd ei hangen arnoch, gan gynnwys cyflawniadau academaidd, hanes cyflogaeth a manylion cyswllt eich canolwyr.
• Deallwch y rôl. Mae angen i chi fod yn glir ynglŷn â'r sgiliau a'r rhinweddau penodol maen nhw'n chwilio amdanynt, a sut rydych chi'n bodloni eu gofynion.
• Ymchwiliwch i'r cwmni a'r sector. Mae gan Target Jobs ganllawiau gwych ar sut i gynnal ymchwil ar gyflogwyr.
• Meddyliwch am yr enghreifftiau penodol y byddwch chi'n eu defnyddio i ddarparu tystiolaeth o'r sgiliau a'r profiad sydd eu hangen.

• Gweithiwch all-lein gan ddrafftio'ch atebion i'r cwestiynau sydd angen yr ymatebion hiraf yn gyntaf – peidiwch â gadael y rhain tan y diwedd.
• Ysgrifennwch am brofiadau penodol sy'n dangos eich addasrwydd ar gyfer y rôl.
• Mae angen i'ch atebion fod yn fyr ac yn gryno. Defnyddiwch y dechneg STAR a berfau grymus fel 'cyflwynais', 'cyflawnais' a 'threfnais', a geiriau disgrifiadol fel 'effeithiol', 'hyblyg' a 'chyson' i greu argraff.
• Argraffwch eich atebion a'u gwirio gan ei bod hi'n haws nodi camgymeriadau ar bapur. Mae sillafu a gramadeg dda yn hanfodol i greu argraff gyntaf wych.
• Gwiriwch eich bod o fewn unrhyw derfynau geiriau penodedig.
• Gofynnwch i rywun arall wirio'ch ffurflen gais – efallai y byddant yn gweld rhywbeth nad ydych chi wedi sylwi arno.
• Gludwch eich atebion i'r system ar-lein, gan gadw'ch gwaith wrth i chi fynd ymlaen. Gwiriwch nad ydych wedi methu unrhyw gynnwys wrth ludo.
• Argraffwch gopi o'r cais i gyfeirio ato pan gewch eich gwahodd i gyfweliad.

• Mae'r dechneg STAR yn ffordd ddefnyddiol o strwythuro'ch atebion i unrhyw gwestiynau sy'n seiliedig ar gymhwysedd, h.y. y rhai sy'n gofyn i chi ddangos sgil.
• Mae'n golygu Sefyllfa Tasg Gweithred Canlyniad (Situation Task Action Result yn Saesneg). Gallwch hefyd ychwanegu 'R' arall am Myfyrio (Reflection) os ydych am siarad am yr hyn a ddysgoch o'r broses neu'r hyn y gallech ei wneud yn wahanol yn y dyfodol.
• Mae hon yn dechneg ddefnyddiol wrth gyfleu'ch ateb ar lafar mewn cyfweliad yn ogystal ag ar ffurf ysgrifenedig ar ffurflen gais.

Dyma enghraifft o rywun yn defnyddio STAR i ddadansoddi achlysur pan wnaethon nhw ymdopi â chwsmer anodd. Gofynnodd y cyflogwr y cwestiynau canlynol - "Dywedwch wrthym am sefyllfa neu broblem anodd ddiweddar y daethoch chi ar ei thraws, sut wnaethoch chi ei datrys a beth wnaethoch chi ei ddysgu ohoni?"

Sefyllfa: wrth weithredu fel goruchwyliwr wrth gefn mewn bwyty pitsa adnabyddus, dechreuodd cwsmer gwyno'n uchel bod y gwasanaeth yn araf.

Tasg (neu darged yr oeddech am ei gyflawni): Bodloni'r unigolyn heb gynhyrfu cwsmeriaid eraill a oedd hefyd yn aros am eu bwyd ac a oedd wedi cyrraedd yn gynharach

Gweithrediadau (a gymerwyd gennych i gyflawni hyn): Gwrando'n ofalus ar safbwynt y cwsmer. Eglurwyd yn dawel ac yn ddiplomatig fod diffyg staff oherwydd salwch. Sicrhawyd y cwsmer bod yr archeb yn cael sylw a chynigiwyd diodydd am ddim wrth aros.

Canlyniad (boed hyn yn ganlyniad pendant neu'r gwersi personol a ddysgwyd): Tawelodd y cwsmer a gwerthfawrogi'r sefyllfa yr oeddem yn ei hwynebu. Fe sylweddolodd nad oedd yn fwriadol a phenderfynodd aros yn dawel, gyda'r diodydd am ddim. Dysgais bwysigrwydd gwrando ar bobl a gweld eu safbwynt.

• Sicrhewch ei fod wedi'i gwblhau a'i gyflwyno ymhell o fewn y terfyn amser, rhag ofn y byddwch yn cael unrhyw broblemau technegol gyda'r cyflwyniad.
• Gwnewch yn siŵr eich bod wedi atodi unrhyw dudalennau ychwanegol os caniateir / os oes angen.
• Gwiriwch fod y cais wedi'i gyflwyno. Yn aml, byddwch yn cael e-bost yn cadarnhau ei fod wedi'i dderbyn.