Cyfweliadau

Ydych chi erioed wedi clywed y dyfyniad, ‘Methu â pharatoi, paratoi i fethu’ neu’r ‘5P – Mae Paratoi Perffaith yn Atal Perfformiad Gwael’ (Perfect Preparation Prevents Poor Performance yn Saesneg)?

Nid oes angen i gyfweliadau fod yn frawychus os ydych chi’n paratoi. Byddwch yn ymwybodol o’r swydd, y sefydliad a’r hyn y gallwch chi ei gynnig.

Awgrymiadau Defnyddiol

• Byddwch yn gadarnhaol ac yn hyderus ynglŷn â'ch galluoedd. Ewch i'r cyfweliad gyda'r bwriad o gael cynnig y swydd.
• Byddwch â dealltwriaeth glir o'ch sgiliau, eich profiad a'r hyn y gallwch ei gynnig. Mae cyrraedd y cyfweliad yn arwydd clir bod y cyflogwr yn hoffi'r hyn maen nhw'n ei weld. Y cyfweliad yw eich cyfle i fynegi'n hyderus pam y dylen nhw eich cyflogi!
• Mae cyfweliad yn broses ddwyffordd, nid proses holi drylwyr, felly ystyriwch yr hyn rydych chi am ei wybod am y sefydliad a'r rôl.
• Gall ystyried y cyfweliad fel sgwrs strwythuredig helpu i dawelu'ch nerfau!
• Bydd y sefydliad yn chwilio am rywun sy'n personoli proffesiynoldeb, sy'n ymwybodol ohono'i hun ac sydd ag agwedd gadarnhaol.
• Mae proffesiynoldeb yn seiliedig ar eich Ymddygiad, Gwybodaeth a Sgiliau mewn perthynas â'r rôl. Bydd deall y rhain a'ch addasrwydd - eich cryfderau, gwendidau a nodweddion personol - yn eich helpu i nodi sut rydych chi'n addas ar gyfer y rôl.