PDC yn penodi Is-Ganghellor a Phrif Weithredwr newydd

Mae'n bleser gan Brifysgol De Cymru gyhoeddi penodiad yr Athro Osama Khan fel ei Is-Ganghellor a'i Phrif Weithredwr newydd. Bydd yr Athro Khan yn ymuno â'r brifysgol fis Mai nesaf.

Mae'r Athro Khan yn ymuno â ni o Brifysgol Aston, lle bu'n gwasanaethu fel Dirprwy Is-Ganghellor (Academaidd). Mae'r Athro Khan yn dod â phrofiad helaeth mewn arweinyddiaeth addysg uwch ac ymrwymiad cryf i arloesi'r cwricwlwm, profiad myfyrwyr, rhagoriaeth addysgu, a thrawsnewid digidol.

Ar ei benodiad, dywedodd yr Athro Khan:

"Mae'n fraint cael fy mhenodi'n Is-Ganghellor Prifysgol De Cymru. Rwy'n cael fy ysbrydoli'n fawr gan ymrwymiad diwyro y Brifysgol i addysg gynhwysol a'i rôl ganolog wrth yrru cynnydd cymdeithasol ac economaidd ledled Cymru a thu hwnt. Edrychaf ymlaen at weithio ar y cyd â chymuned PDC - myfyrwyr, staff a phartneriaid - i adeiladu ar gyflawniadau trawiadol y Brifysgol a llunio dyfodol beiddgar ac uchelgeisiol gyda'n gilydd."

Dywedodd Richard Lloyd-Owen, Cadeirydd Bwrdd y Llywodraethwyr:

"Mae'r Athro Khan yn arweinydd eithriadol y mae ei ymagwedd sy'n seiliedig ar werthoedd a'i weledigaeth strategol yn atseinio'n ddwfn â chenhadaeth Prifysgol De Cymru i drawsnewid bywydau drwy addysg. Mae ei ymrwymiad i ragoriaeth gynhwysol, arloesi mewn addysgu a dysgu, a grymuso cymunedau yn cyd-fynd yn berffaith â'n blaenoriaethau sefydliadol. Rydym wrth ein bodd i gael ei groesawu i PDC ac edrychwn ymlaen at bennod newydd ddeinamig o dan ei arweinyddiaeth—un a fydd yn ysbrydoli cynnydd, cydweithredu, ac effaith ystyrlon ar draws ein prifysgol a thu hwnt."