Buddsoddiad parhaus USW mewn ynni adnewyddadwy

Mae Prifysgol De Cymru (PDC) yn parhau i fuddsoddi mewn ynni adnewyddadwy, gyda channoedd o baneli solar ychwanegol wedi'u gosod ar draws ei hystâd i helpu i leihau allyriadau carbon, gwella gwydnwch ynni a gostwng costau trydan.

Yn ystod blwyddyn academaidd 2024/25, cynhyrchodd systemau solar ffotofoltaidd (PV) PDC 410,228 kWh o drydan, gan ddarparu arbedion trydan o tua £110,761.56 ar draws y Brifysgol. 

Mae hyn yn cyfateb i: 

• 1,261 o baneli solar ar waith yn ystod 2024/25 
• Cyfartaledd o 325.32 kWh o drydan wedi'i gynhyrchu fesul panel 
• Arbediad cyfartalog o £87.84 fesul panel 

Gan adeiladu ar y llwyddiant hwn, mae PDC wedi ehangu ei ddarpariaeth solar yn ystod blwyddyn academaidd 2025/26. 

'Mae 317 o baneli solar pellach wedi'u gosod ar draws y Ganolfan Adnoddau Dysgu a llety myfyrwyr Llys Morgannwg (blociau C, D a M). Bydd 266 o baneli ychwanegol yn cael eu gosod fel rhan o ddatblygiad newydd Calon, gan ddod â chyfanswm y Brifysgol i 1,844 o baneli solar ar draws yr ystâd. 

Cynlluniwyd y gosodiad ar Floc M Llys Morgannwg yn ofalus i ddiwallu galw ynni'r adeilad tra hefyd yn amddiffyn bywyd gwyllt lleol. Cynhaliwyd y gwaith ym mis Ebrill o fewn gofynion trwydded ecolegol lym oherwydd adar yn nythu. 

Mae ein hehangiad sylweddol o baneli solar ar draws ein hystâd yn un rhan o strategaeth amlochrog i leihau ein costau ynni a gyrru Prifysgol De Cymru tuag at ei hamcan o fod yn sefydliad net sero erbyn 2040. Ynghyd â mentrau lleihau ynni eraill, rydym wedi lleihau ein defnydd ynni blynyddol £1.2m yn flynyddol, gan ddangos ymrwymiad y Brifysgol i gynaliadwyedd ariannol ac amgylcheddol. Mae gallu cydweithwyr i gyflawni'r mentrau hyn yn ddi-dor yn dystiolaeth wirioneddol o'u proffesiynoldeb, ac mae'n helpu i sicrhau bod ein hystâd yn chwarae rhan bwysig wrth leihau ôl troed carbon PDC.’ Mike Bessell, Cyfarwyddwr Ystadau a Chyfleusterau

Amcangyfrifir yr arbedion gan ddefnyddio'r gyfradd drydan cyfartalog ar draws blwyddyn academaidd 2024/25. Mae'r arbedion gwirioneddol yn amrywio yn dibynnu ar brisiau trydan a threfniadau cyflenwi ynni.