Dylanwadu a datblygu polisi entrepreneuriaeth menywod yng Nghymru a’r DU

Nid yw menywod yn cael eu cynrychioli’n ddigonol mewn entrepreneuriaeth. Mae ymchwil gan Brifysgol De Cymru (PDC) i entrepreneuriaeth ymysg menywod wedi cyfrannu at ddatblygu polisi’r llywodraeth a chymorth busnes yng Nghymru a'r Deyrnas Unedig.   

Er bod entrepreneuriaeth wedi cael ei hyrwyddo gan Lywodraeth Cymru yn y gorffennol, nid oedd polisi penodol yn bodoli o’r blaen ar gyfer entrepreneuriaeth ymysg menywod.   

Gan ddatblygu ar hanes 20 mlynedd o ymchwil yn y maes hwn, comisiynwyd academyddion PDC gan Lywodraeth Cymru i ymchwilio i’r heriau sy’n wynebu entrepreneuriaid benywaidd a’r cymorth busnes sydd ar gael iddyn nhw.  

Mae’r gwaith ymchwil hwn wedi cyfrannu'n uniongyrchol at ddatblygu a chyhoeddi dau bolisi: Cefnogi Menywod Entrepreneuraidd yng Nghymru: Ffordd Ymlaen i Gymru a Cefnogi Menywod Entrepreneuraidd yng Nghymru: Cynllun Gweithredu Dwy Flynedd a gymeradwywyd gan Lywodraeth Cymru yn 2019.  

Mae ymchwil ac arbenigedd PDC hefyd wedi bod o fudd uniongyrchol i dros 400 o entrepreneuriaid benywaidd yng Nghymru ac wedi cefnogi’r gymuned cymorth busnes.