Mynd i’r afael ag anghydraddoldebau iechyd hirsefydlog yng Nghymru

Mae gwydnwch teuluol yn hollbwysig wrth hybu iechyd a datblygiad plant cyn oed ysgol.

Mae gwydnwch teuluol yn hollbwysig wrth hybu iechyd a datblygiad plant cyn oed ysgol.  Yn 2014, datblygodd ymchwilwyr ym Mhrifysgol De Cymru (PDC) adnodd asesu yn seiliedig ar dystiolaeth i helpu ymwelwyr iechyd i ganfod y teuluoedd hynny.   

Cafodd yr Offeryn ac Adnodd Asesu Gwydnwch Teulu (FRAIT) ei ymgorffori yn rhan o ‘Raglen Plant Iach Cymru’ Llywodraeth Cymru (2016), a chael mandad ym mis Hydref 2017.  Mae pob ymwelydd iechyd yng Nghymru (n=1086) yn defnyddio FRAIT wrth ymweld â phob teulu sy’n rhan o’u llwyth achosion (isafswm o 250 o deuluoedd), a hynny ar 7 achlysur, sef dros 1.8 miliwn o gysylltiadau teuluol. Bydd teuluoedd yn elwa o asesiad gan Ymwelydd Iechyd sy’n seiliedig ar dystiolaeth, a hynny’n arwain at ymyriadau amserol sydd wedi’u targedu.  

Bellach, ar ôl y pandemig, ystyrir defnyddio FRAIT yn India lle nad oes gan nyrsys cymunedol adnodd safonol i asesu gwydnwch mewn teuluoedd. Mae gan y gwaith ymchwil hwn y potensial i effeithio’n gadarnhaol ar fywydau 158 miliwn o blant dan chwech oed yn India.