Trawsnewid arferion ymchwil data archaeolegol

Mae gwaith ymchwil ym maes cyfrifiadura a wnaed ym Mhrifysgol De Cymru (PDC) wedi edrych ar sut y gall systemau trefnu gwybodaeth helpu i oresgyn y problemau rhyngweithredu semantig o fewn treftadaeth ddigidol. Problemau yw’r rhain sy’n arwain at ddiffyg cysylltiad ystyrlon rhwng setiau data, ac at chwiliadau sy’n anwybyddu deunydd perthnasol neu sy’n dychwelyd cyfatebiadau ffug.  

Yn genedlaethol, arweiniodd y gwaith ymchwil hwn at welliant mawr yn ansawdd gwasanaethau (gwell chwilio a chofnodi data) yn y fersiwn newydd o OASIS (Mynediad Ar-lein i'r Mynegai Ymchwiliadau Archaeolegol), sef y gronfa ddata ar-lein ar gyfer archaeolegwyr ac ymarferwyr treftadaeth yn y Deyrnas Unedig.  

Yn rhyngwladol, cynigiodd PDC eirfa asgwrn cefn ar gyfer seilwaith archaeolegol Ewropeaidd, a datblygodd offer, templedi a chanllawiau mapio ffynonellau agored. Arweiniodd hyn at allu chwilio semantig amlieithog sy’n seiliedig ar gysyniadau, gan roi mynediad i adnoddau nad ydyn nhw ar gael yn Saesneg ar gyfer y prif ganolfannau data archaeolegol Ewropeaidd a’r gymuned archaeolegol ehangach.