Wassam Almadi

Ffocws yr ymchwil

Fel rhan o fy ymchwil doethurol, llwyddais i ddatblygu concrit hydraidd cryf iawn sy'n cynnal hydreiddedd rhagorol.

Mae'r concrit arloesol hwn yn ddatblygiad sylweddol mewn deunyddiau adeiladu cynaliadwy, i’w ddefnyddio mewn pethau fel ffyrdd, meysydd parcio, systemau dŵr storm, rheoli llifogydd, a hybu ail-lenwi dŵr daear.

Mae'r hyn a greais yn cynnig dewis arall cryf, ecogyfeillgar ar gyfer seilwaith adeiladu, gan ei wneud yn fwy gwydn ac yn well i'r amgylchedd.

Cyfleoedd ymchwil

Roedd cwblhau fy PhD ym Mhrifysgol De Cymru yn brofiad cyfoethog. Chwaraeodd y gyfadran gefnogol a'r cyfleusterau uwch ran hanfodol yn llwyddiant fy ymchwil.

Mae ennill fy ngradd ymchwil ôl-raddedig wedi rhoi hwb sylweddol i'm cymwysterau proffesiynol, gan agor cyfleoedd newydd yn y diwydiant adeiladu. Mae hefyd wedi fy mharatoi gyda’r wybodaeth a'r hyder i arloesi ac arwain yn fy maes.

Ers gorffen fy PhD, rydw i wedi dechrau rheoli cwmni contractio cyffredinol gyda rhai contractau mawr. Rydw i'n edrych ymlaen at barhau i gymhwyso fy ymchwil i greu atebion mwy cynaliadwy mewn adeiladu.