JAMIE EVANS

Beth Mae Mis Hanes LHDTC+ Yn Ei Olygu i Fi 

Rhywbeth i’n hatgoffa yw Mis Hanes LHDTC+. Mae'n ddathliad o'n holl gyflawniadau, er gwaethaf pob adfyd.

Mae'n gyfle i gofio nad ydyn ni i gyd, ledled y byd, yn rhannu'r un rhyddid.

Mae'n gyfle i werthfawrogi'r rhai a ddaeth o’n blaen a pharatoi'r ffordd i gael ein derbyn gyda geiriau a gweithredoedd.

Ac yn olaf, mae'n foment i ddangos parch, yn wylaidd, at yr eneidiau di-rif a gollwyd ar hyd y ffordd.

Drwy ddathlu Mis Hanes LHDTC+, a thrwy fyw’n ddilys fel ni ein hunain, rydyn ni hefyd yn goleuo'r ffordd i'r rhai a ddaw ar ein hôl.

Efallai y bydd pobl yn meddwl bod y gwaith wedi ei gyflawni eisoes, ein bod yn mwynhau'r un hawliau a rhyddid â phawb arall.

Ond rydyn ni’n gwybod nad yw hyn yn wir, pan fo pobl yn cael eu harestio, eu cam-drin, a gwaeth, yn fyd-eang am y drosedd syml o fod yn nhw eu hunain.

Rydyn ni’n falch o gyhoeddi pwy ydyn ni bob mis Chwefror i'n hatgoffa o hyn, ac i ddangos nad ydyn ni’n mynd i ddiflannu.

A hyd yn oed pan fydd y gwaith i gyd wedi’i wneud, pryd bynnag y bydd hynny, bydd rhywun bob amser angen gwybod ei bod yn iawn bod yn nhw.

Bydd angen dybryd am oleuni bob amser i'w harwain ar eu llwybr.