Cam-drin Domestig a menywod BME
Mae Dr Sarah Wallace, Uwch Gymrawd Ymchwil yn Sefydliad Iechyd a Gofal Cymdeithasol Cymru, wedi derbyn dros £300,000 o gyllid i ymchwilio i gymorth i fenywod BME a effeithir gan Drais yn Erbyn Menywod, Cam-drin Domestig a Thrais Rhywiol.
/prod01/channel_2/media/university-of-south-wales/site-assets/images/news/2024/10-october/Dr-Sarah-Wallace_47726.jpg)
Mae Prifysgol De Cymru (PDC) wedi derbyn dros £300,000 o gyllid gan Ymchwil Iechyd a Gofal Cymru ar gyfer prosiect ymchwil ar raddfa fawr sy’n canolbwyntio ar gymorth i fenywod Du a Lleiafrifoedd Ethnig (BME), sydd wedi’u heffeithio gan Drais yn Erbyn Menywod, Cam-drin Domestig a Thrais Rhywiol (VAWDASV).
Dros ddwy flynedd, bydd yr astudiaeth arloesol hon yn rhoi lle canolog i leisiau a phrofiadau menywod BME. Trwy ddulliau manwl fel cyfweliadau, adrodd straeon digidol a gweithdai, bydd y prosiect yn datblygu fframwaith cynhwysfawr wedi’i gynllunio i sicrhau bod gwasanaethau, sy’n rhychwantu gofal iechyd, gorfodi’r gyfraith, gwasanaethau cymdeithasol, a sefydliadau cymunedol, yn gallu diwallu anghenion defnyddwyr gwasanaeth yn well.
Dros ddwy flynedd, bydd yr astudiaeth arloesol hon yn rhoi lle canolog i leisiau a phrofiadau menywod BME. Trwy ddulliau manwl fel cyfweliadau, adrodd straeon digidol a gweithdai, bydd y prosiect yn datblygu fframwaith cynhwysfawr wedi’i gynllunio i sicrhau bod gwasanaethau, sy’n rhychwantu gofal iechyd, gorfodi’r gyfraith, gwasanaethau cymdeithasol, a sefydliadau cymunedol, yn gallu diwallu anghenion defnyddwyr gwasanaeth yn well.
Dan arweiniad Dr Sarah Wallace o PDC, mae’r astudiaeth mewn partneriaeth â Bawso, gwasanaeth sy’n darparu gwasanaethau atal, amddiffyn a chefnogi ymarferol ac emosiynol i unigolion BME a mudol sydd wedi dioddef cam-drin domestig, trais rhywiol, anffurfio organau cenhedlu benywod, priodas dan orfod, trais ar sail anrhydedd, caethwasiaeth fodern, a masnachu mewn pobl.
