Yasmine Ezzeddine

Roedd y daith i fy viva yn unrhyw beth ond syml. 

Fel mam am y tro cyntaf i fabi chwe mis oed ac yn fenyw Libanaidd yr effeithiwyd yn ddwfn arnaf gan y gwrthdaro parhaus yn fy mamwlad, cafodd y misoedd cyn fy viva eu nodi gan heriau personol ac aflonyddwch emosiynol. Ac eto, lluniodd y profiadau hyn fy ymagwedd at baratoi, gan ddysgu gwersi i mi mewn gwytnwch a ffocws a fydd, gobeithio, yn ysbrydoli ymchwilwyr ôl-raddedig yn y dyfodol.

Dechrau'r Daith

Pan gefais gadarnhad o ddyddiad fy viva, roeddwn i'n teimlo cyffro a phryder mewn rhannau cyfartal. Mae fy nhraethawd hir, "Artificial Intelligence in Law Enforcement Surveillance: Citizen Perspectives, Resistance and Counterstrategies," yn cynrychioli blynyddoedd o fuddsoddiad deallusol. Nawr, cefais y dasg o'i hamddiffyn gerbron dau arholwr: yr Athro Ruža Karlović a Dr. Jing Wang.

Roedd cydbwyso paratoi am viva wrth ofalu am fabi ifanc a llywio effaith emosiynol argyfwng parhaus Libanus yn golygu bod yn rhaid i mi fod yn strategol. Nid mater o feistroli deunydd yn unig oedd y paratoi; roedd yn ymwneud â rheoli fy amser, egni ac emosiynau.

Paratoi Strwythuredig

Roedd amser yn werthfawr, felly torrais y chwe wythnos cyn fy viva yn nodau hylaw:

1. Ailedrych ar fy nhraethawd hir: anodi adrannau allweddol, crynhoi dadleuon, a gwneud rhestr o gwestiynau posibl. Daeth pob pennod yn fap gyda chryfderau a meysydd wedi’u hamlygu lle roeddwn i'n rhagweld craffu.
2. Ffug viva: Drwy ymarfer gyda fy ngoruchwylwyr, fy nghydweithwyr a hyd yn oed fy ngŵr a'm babi, helpodd fi i fireinio fy ymatebion a magu hyder wrth fynegi fy nadleuon. Roedd y sesiynau hyn yn amhrisiadwy ar gyfer ymdrin â chwestiynau annisgwyl.
3. Crynhoi fy naratif: Paratoais grynodeb pum munud o'm traethawd ymchwil, gan ganiatáu imi gyflwyno fy ngwaith yn glir ac yn hyderus o'r cychwyn cyntaf.

Roedd magu plentyn yn gofyn i mi fod yn hyblyg. Daeth nosweithiau hwyr, pan oedd fy mabi yn cysgu, yn oriau euraidd i mi ar gyfer gwaith â ffocws. Roedd cefnogaeth a dealltwriaeth fy ngŵr yn amhrisiadwy.

Goresgyn Pryder

Roedd pwysau deuol disgwyliadau academaidd a brwydrau personol yn llethol ar adegau. Er mwyn llwyddo, roeddwn i'n cofleidio strategaethau bach ond effeithiol:

• Seibiau ymwybyddiaeth ofalgar: Roedd hyd yn oed deg munud o fyfyrdod tawel yn fy helpu.
• Rhwydwaith cymorth: Roedd sgyrsiau gyda ffrindiau, mentoriaid a theulu yn fy atgoffa nad oeddwn i ar fy mhen fy hun yn y daith hon. Ac yn bendant Coffi!!
• Persbectif: Atgoffa fy hun nad oedd y viva yn ymwneud â pherffeithrwydd ond am ymgysylltu ag arbenigwyr ar waith yr wyf wedi neilltuo blynyddoedd iddo.

Profiad y Viva

Cyrhaeddodd diwrnod y viva yn gynt na'r disgwyl. Gyda chymysgedd o nerfau a chyffro, es i mewn i'r ystafell arholi rithwir. Fel y dywedodd fy ngoruchwyliwr yn gyson, roedd y drafodaeth wir yn teimlo'n debycach i gyfnewid deallusol nag ymholiad.

Roedd yr arholwyr yn drylwyr ond yn deg. Fe wnaethon nhw fy ngwthio ar feysydd allweddol, fel y gydberthynas rhwng fy nghanfyddiadau a datblygwyr technoleg, llwybrau ar gyfer yr ymchwil hon yn y dyfodol ac yn y blaen. Ac roedd eu cwestiynau yn fy ngalluogi i ddangos dyfnder a pherthnasedd fy ymchwil. Roeddwn yn gwerthfawrogi eu chwilfrydedd gwirioneddol a'u hadborth adeiladol.

Erbyn y diwedd, teimlais ymdeimlad dwys o gyflawni - nid yn unig am basio ond am lywio carreg filltir mor arwyddocaol yn ystod cyfnod cymhleth yn fy mywyd. Dim ond i sylweddoli bod fy mabi a oedd yn aros amdanaf y tu allan wedi dwyn y sioe a'm sylw yn barod!

Gwersi a Ddysgwyd

Gan fyfyrio ar fy mhrofiad, dyma fy argymhellion gorau ar gyfer ymgeiswyr viva yn y dyfodol:

1. Gwybod eich traethawd ymchwil yn drylwyr: Dyma'ch gwaith, a chi yw'r arbenigwr. Mae hyder yn eich gwybodaeth yn allweddol.
2. Rhagweld cwestiynau: Meddyliwch pam y gwnaethoch chi ddewisiadau penodol a sut mae eich gwaith yn cyfrannu at y maes.
3. Ymarfer, ymarfer, ymarfer: Mae Ffug Viva yn eich helpu i fireinio'ch atebion ac addasu i fformat y viva.
4. Gofalwch amdanoch chi'ch hun: P'un a yw'n ymwybyddiaeth ofalgar, ymarfer corff, neu amser gydag anwyliaid, blaenoriaethwch weithgareddau sy'n cadw’ch traed ar y ddaear.
5. Cofleidiwch y broses: Mae'r viva yn gyfle i rannu eich taith ymchwil, ddim yn brawf i'w ofni.

Meddyliau Terfynol

Doedd paratoi ar gyfer viva wrth ofalu am fabi bach a mynd i'r afael â heriau personol ddim yn gamp fach. Ond fe ddysgodd werth gwytnwch, y gallu i addasu a grym cymuned gefnogol.

I'r rhai sy'n cychwyn ar y daith hon, dydych chi ddim ar eich pen eich hun. Gall bywyd daflu heriau i'ch ffordd, ond ymddiriedwch yn eich paratoadau, pwyswch ar eich rhwydwaith cymorth, a chofiwch: y viva yw eich eiliad i ddisgleirio.

Pob lwc - fe ddewch drwyddi!