Diwrnodau Agored

Mae'r Bwrsariaeth Teithio PDC yn talu am gostau rhesymol sy'n gysylltiedig ag ymweld â Phrifysgol De Cymru i fynychu diwrnod agored israddedig, cyfweliad neu ddiwrnod ymgeisio.

Ewch i'n tudalen we bwrsariaeth i gael rhagor o wybodaeth am gymhwysedd a sut i wneud cais.

Pan fyddwch yn ymuno â ni ar y campws:

Cynhelir digwyddiadau ar y campws trwy gydol y flwyddyn. Dyma’ch cyfle i archwilio ein campysau a’n lleoliadau cyfagos, cael gwybodaeth a chyngor manwl ar y cwrs neu bwnc y mae gennych ddiddordeb ynddo, mynd ar deithiau tywys o amgylch ein cyfleusterau, gofyn llawer o gwestiynau am yrfaoedd, arian a chymorth, a chael blas ar sut beth yw bywyd ym Mhrifysgol De Cymru.

Gyda phum campws ar draws tri lleoliad, gallwch brofi’r amrywiaeth sydd gan Dde Cymru i’w gynnig – bwrlwm y dinasoedd, harddwch yr arfordir, a llonyddwch cefn gwlad.

Pan fyddwch yn ymuno â ni ar-lein:

Mae digwyddiadau ar-lein yn ffordd ddelfrydol o brofi sut beth yw astudio ym Mhrifysgol De Cymru o gysur eich cartref eich hun. Trwy feddalwedd rhithwir a fideos, gallwch archwilio'r campws, darganfod ein cyrsiau, a siarad â staff a myfyrwyr.

Pan fyddwch yn mynychu digwyddiad ar-lein, anfonir amserlen atoch yn nodi sut y bydd y noson yn rhedeg. Nodwch y cwrs a’r sgyrsiau pwnc y mae gennych ddiddordeb ynddynt, ochr yn ochr ag unrhyw bynciau allweddol yr hoffech gael rhagor o wybodaeth amdanynt, megis cyllid a chymorth i fyfyrwyr, ac wrth glicio botwm, byddwch yn galw heibio ac allan o sgyrsiau, cyflwyniadau , fideos llif byw a llawer mwy!