10 Mlynedd o Gael Effaith ar Bobl
Yn PDC, cewch fwy na gradd. Rydym yn cynnig cyfoeth o brofiad a chefnogaeth i fyfyrwyr, graddedigion a staff.
Amdanom ni Effaith Ein Gwaith/prod01/channel_2/media/university-of-south-wales/site-assets/images/04-profiles/44-alumni/profile-alumni-computing-dezire-mambule-48743.jpg)
Stori Dezire
Mae PDC yn darparu mwy na gradd yn unig, gan gynnig profiad gwaith, cymorth, a chymuned i bob myfyriwr.
Er nad oedd yn siŵr a fyddai byth yn mynd i’r brifysgol, graddiodd Dezire Mambule BA Anrhydedd Cymhwyso a Datblygu Cyfrifiadurol yn 2020 gyda gradd anrhydedd dosbarth cyntaf, gan gredydu hyn i’r gefnogaeth a ddarparwyd gan PDC. I Dezire, rhoddodd PDC yr offer yr oedd eu hangen arno i feddwl ar ei draed a bod mor hyblyg â phosibl.
Parhaodd y gefnogaeth gan PDC ar ôl i'w gwrs ddod i ben ac yr oedd yn chwilio am waith. Fe wnaeth e-bost gan dîm Springboard+ PDC ei ysgogi i wneud cais am interniaeth fel datblygwr meddalwedd yn PDC. Ar ôl cwblhau ei interniaeth chwe mis cynigiwyd swydd barhaol iddo yn nhîm TG y Brifysgol.
Mae PDC yn falch o groesawu llawer o gyn-fyfyrwyr yn ôl fel interniaid, ôl-raddedigion a staff.
Stori Joseph
Anogir myfyrwyr yn PDC i sylweddoli eu gallu i helpu i ehangu eu cyfleoedd ar ôl graddio.
Roedd Joseph Thomas yn cael trafferth yn yr ysgol ac nid oedd ganddo synnwyr cyfeiriad. Yn bwythwr brwd, cafodd ei ddenu i BA Dylunio Ffasiwn yn PDC oherwydd ei ffocws ar foeseg a chynaliadwyedd.
Ar ôl ymuno â'r Brifysgol, roedd yn teimlo ei fod yn cael ei ddeall yn syth gan y tiwtoriaid a'i fod yn gallu defnyddio'r cyfleusterau stiwdio oedd ar gael. Teimlai Joseph, sydd ag awtistiaeth, ei fod yn cael ei gefnogi gan ei ddarlithwyr, a sefydlodd ei frand ei hun yn ei ail flwyddyn, Haus of Androgyny - dewis o ddillad di-ryw gyda ffocws ar gynwysoldeb. Dechreuodd weld ei awtistiaeth fel rhywbeth y gallai ei sianelu i mewn i'w frand, yn hytrach na rhywbeth a oedd yn ei atal rhag cyflawni llwyddiant.
Helpodd PDC i roi'r hyder i Joseph gyflwyno ei waith ac ehangu ei rwydwaith. Bellach mae’n gobeithio datblygu ei frand, ac mae’n canolbwyntio ar gynhyrchu darnau creadigol, wedi’u gwneud yn dda i frenhinoedd a breninesau drag ar draws y wlad.