Pwyllgor Cyllid ac Adnoddau
Cyfansoddiad ac Aelodaeth
3 i 9 aelod (ac eithrio staff a myfyrwyr-lywodraethwyr), gan gynnwys: - hyd at 6 aelod annibynnol neu gyd-etholedig o'r Bwrdd, gyda 2 ohonynt yn aelodau annibynnol ac un yn Gadeirydd - hyd at 3 aelod cyd-etholedig o'r Pwyllgor.
Aelodaeth
- David Francis (Cadeirydd)
- Richard Lloyd-Owen (Cadeirydd y Bwrdd ex officio)
- Dr James Gravelle (Is-Ganghellor Dros Dro)
- Michael Stevens
- Irfan Fahim (Llywydd Undeb y Myfyrwyr)
- Geraint Evans (Staff Academaidd)
- Ian Morgan (Cyfetholedig)
- Helen Thomas (Cyfetholedig)
- Swydd wag (Cyfetholedig)
Cworwm
O leiaf 3 aelod, gan gynnwys dau aelod lleyg a'r Is-Ganghellor neu aelodau eraill o'r Weithrediaeth.
Presenoldeb mewn cyfarfodydd
Gellir hefyd gofyn i'r Prif Swyddog Cyllid a swyddogion perthnasol y Brifysgol a'r colegau i fynychu fel bo'n briodol.
Amlder cyfarfodydd
Dim llai na tair gwaith y flwyddyn.
Dyletswyddau
Dyletswyddau'r Pwyllgor tuag at y Brifysgol a'i is-gyrff yw:
- ystyried a chynghori'r Bwrdd ar strategaethau ariannol hir dymor
- cymeradwyo'r Rheoliadau Ariannol gan gynnwys unrhyw bolisïau cyd-gysylltiedig (bob tair blynedd yn ffurfiol neu pan gaiff newidiadau sylweddol eu gwneud)
- adolygu a chymeradwyo yswiriant a threfniadau bancio'r Brifysgol (i'w hystyried bob pum mlynedd neu pan gaiff newidiadau sylweddol eu gwneud)
- adolygu ac argymell cyllidebau refeniw a chyfalaf blynyddol a rhagolygon mwy hir dymor i'r Bwrdd
- derbyn adroddiadau rheolaidd ar berfformiad ariannol (refeniw a chyfalaf) a'r sefyllfa ariannol a monitro'r adroddiadau hyn yn erbyn y gyllideb
- datblygu a chynnal Polisi Trysorfa a Buddsoddiad priodol. Monitro lefelau a gofynion benthyca, hylifedd a'r buddsoddiad o gronfeydd gormodedd yn unol â'r polisi hwnnw ac adrodd i'r Bwrdd o leiaf unwaith y flwyddyn
- derbyn adroddiadau a chyfrifon rheolaidd ar weithrediad unrhyw is-gwmni masnachol
- cymeradwyo cyllideb Undeb y Myfyrwyr ar gyfer bob blwyddyn ymlaen llaw a monitro ei wariant trwy dderbyn adroddiadau ar y ffurf a nodir yn y Cod Ymarfer ar Weithrediad Undeb y Myfyrwyr
- cymeradwyo neu argymell cynigion gwariant, cytundebau a cheisiadau grant yn unol â Rheoliadau Ariannol
- argymell Rhaglen Ystadau blynyddol gan gynnwys gwaith cynnal a chadw adeiladau a phrosiectau adeiladu am gymeradwyaeth gan y Bwrdd
- adolygu'r Strategaeth TGCh a'r Strategaeth Ystadau gan gynnwys monitro agweddau ariannol gweithgareddau TGCh ac Ystadau rhoi prosiectau mawr ar waith
- gwneud argymhellion i'r Bwrdd ar gaffaeliad, gwerthiant neu brydlesi arfaethedig eiddo a thir
- ystyried unrhyw drafodion arwyddocaol eraill a gwneud argymhellion i'r Bwrdd
- adolygu agweddau ariannol gweithgarwch ymchwil
- adolygu'r risgiau strategol sy'n effeithio ar y Brifysgol ar gyfer yr ardaloedd hynny a ddaw o fewn cylch gorchwyl y Pwyllgor ac unrhyw risgiau penodol a chaiff eu haseinio iddo gan y Bwrdd
- cynghori'r Bwrdd ar unrhyw fater a gyfeirir ato gan y Bwrdd.
- ystyried, mewn perthynas â'r Pwyllgor Archwilio, datganiadau ariannol cyfunol blynyddol y Brifysgol a'i is-gyrff, wedi'u paratoi a'u harchwilio yn unol ag Atodlen 7 o'r Ddeddf Diwygio Addysg ym mhresenoldeb archwilwyr allanol a sicrhau bod;
- polisïau cyfrifeg addas yn cael eu dethol ac yn cael eu defnyddio'n gyson;
- y dulliau ac egwyddorion mewn perthynas â'r Datganiad o Arferion a Argymhellir: Cyfrifeg ar gyfer Sefydliadau Addysg Uwch ac Addysg Bellach yn cael eu dilyn;
- penderfyniadau ac amcangyfrifon rhesymol a phwyllog yn cael eu gwneud;
- safonau cyfrifeg perthnasol i'r DU wedi cael eu dilyn, yn amodol ar unrhyw ddeunydd ymadael a ddatgelir ac a esbonnir yn y datganiadau ariannol;
- datganiadau ariannol yn cael eu paratoi ar sail busnes gweithredol oni bai ei bod yn anaddas rhagdybio y bydd y Brifysgol yn parhau i weithredu.
Gweithdrefnau adrodd
Bydd cofnodion (neu adroddiad) cyfarfodydd y Pwyllgor Cyllid ac Adnoddau'n cael eu cylchredeg i holl aelodau Bwrdd y Llywodraethwyr ac i archwilwyr allanol.
Trefniadau clercio
Y Clerc i'r Pwyllgor fydd y Clerc i Fwrdd y Llywodraethwyr (neu unigolyn annibynnol arall priodol a gymeradwyir gan y Cadeirydd).