Gweithdai Cyngor Prifysgol

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Rydyn ni'n cynnig amrywiaeth o weithgareddau pwrpasol yn benodol ar gyfer y myfyrwyr hynny sy'n gwneud cais am gyrsiau nyrsio a bydwreigiaeth. 

O ysgrifennu'r datganiad personol, i baratoi ar gyfer cyfweliad, bydd ein tîm o arbenigwyr yn darparu cyngor ac arweiniad diduedd i gynorthwyo myfyrwyr drwy'r broses ymgeisio. 

Sylwer bod angen o leiaf 10 o fyfyrwyr ar gyfer y sesiynau. 

Bydd y sesiwn yn eich galluogi i gyflawni Meincnodau Gatsby 3, 4 a 7. 

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Yn y sesiwn hon gall myfyrwyr ddarganfod sut gallan nhw ennill gradd, cael 5 mlynedd o brofiad gwaith a dim dyled myfyrwyr drwy ein rhaglen radd noddedig. 

Gyda graddau mewn Cyfrifeg, Busnes, Cyfrifiadura, Peirianneg, y Gyfraith a Thirfesur, gall myfyrwyr gymhwyso eu gwybodaeth academaidd i waith go iawn mewn cwmni.

Mae'r sesiwn oddeutu 30 munud o hyd. Rydyn ni'n gallu mynychu Nosweithiau Rhieni, Nosweithiau Agored a Ffeiriau Gyrfaoedd a gynhelir gan eich ysgol neu goleg hefyd. 

Bydd y sesiwn yn eich galluogi i gyflawni Meincnodau Gatsby 2, 3, 5 a 7. 

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Sesiwn ar gael i rieni/gwarcheidwaid hefyd

Mae'r sesiwn hon yn rhoi cyfle i fyfyrwyr nodi math a swm y cymorth ariannol y gallen nhw ei gael, yn ogystal â mynd i'r afael ag unrhyw bryderon ariannol sydd ganddyn nhw.

Bydd y sesiwn yn eich galluogi i gyflawni Meincnodau Gatsby 2, 3 a 7. 

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Bydd y gweithdy rhyngweithiol hwn yn rhoi set o sgiliau i fyfyrwyr sy'n hanfodol ar gyfer astudio lefel 3 a thu hwnt. 

Yn ystod y gweithdy, bydd myfyrwyr yn ystyried amrywiaeth eang o sgiliau astudio, gan gynnwys:

• Darllen ac ysgrifennu effeithiol
• Technegau adolygu
• Deall cyfeirio a llên-ladrad
• Rheoli amser

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Sesiwn ar gael i rieni/gwarcheidwaid hefyd

O gofrestru a dewis cwrs i ddiwrnod y canlyniadau a chlirio, mae'r sesiwn hon yn mynd â myfyrwyr drwy'r broses UCAS lawn ac yn dangos sut gall myfyrwyr wneud y gorau o'u cais UCAS.

Bydd y sesiwn yn eich galluogi i gyflawni Meincnodau Gatsby 1 a 7. 

Dyddiad: ar gais

Addas ar gyfer myfyrwyr blwyddyn 12 neu fyfyrwyr cyfatebol

Ar gael ar y campws yn PDC neu yn eich ysgol/coleg, bydd ein staff profiadol yn arwain eich myfyrwyr drwy broses ymgeisio ar-lein UCAS. 

Sylwer os hoffech chi drefnu'r sesiwn hon yn eich ysgol/coleg, bydd angen i bob myfyriwr gael mynediad at gyfrifiadur personol.

Bydd y sesiwn yn eich galluogi i gyflawni Meincnodau Gatsby 3 a 7. 

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Trafodaeth ryngweithiol sy'n cynnig strategaethau i ddysgwyr er mwyn sicrhau llesiant cadarnhaol.

Gallwch fynd i'n tudalen Lles i Bawb hefyd am ffynonellau cymorth ychwanegol.

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Mae'r sesiwn ryngweithiol hon yn ateb tri chwestiwn sylfaenol: 

• Yw prifysgol yn werth chweil?
• Yw prifysgol yn gyraeddadwy?
• Yw prifysgol yn fforddiadwy?

Bydd y sesiwn yn tynnu sylw at y gwahanol ddulliau o ymchwilio a darganfod y brifysgol gywir a'r cwrs cywir. 

Bydd y sesiwn yn annog myfyrwyr i ystyried sut gallan nhw gael y budd gorau o ddiwrnodau agored a chynulliadau addysg uwch hefyd.

Bydd y sesiwn yn eich galluogi i gyflawni Meincnodau Gatsby 1, 2, 3, 4 a 7. 

Dyddiad: ar gais

Addas ar gyfer myfyrwyr blwyddyn 12 a 13 neu fyfyrwyr cyfatebol

Gall y sesiwn hon amrywio o fod yn ganllaw defnyddiol byr i weithdy ymarferol awr o hyd. Bydd pob sesiwn yn helpu myfyrwyr i ddeall yr hyn mae prifysgolion yn chwilio amdano, sut i gyflwyno eu hunain yn y ffordd orau posibl a sut i ganfod y cymhelliant i ‘gyflawni’. 

Bydd y sesiwn yn eich galluogi i gyflawni Meincnodau Gatsby 3 a 7. 

Dyddiad: Ar Gais

Addas ar gyfer myfyrwyr blwyddyn 11 a 12 neu gyfwerth. 

Mae'r gweithdy rhyngweithiol hwn yn helpu myfyrwyr Blwyddyn 12 (neu gyfwerth) i addasu i'r newid o'r ysgol uwchradd i'r chweched dosbarth neu'r coleg. Gan ganolbwyntio ar ddysgu annibynnol, rheoli amser a hunangymhelliant, mae'n tynnu sylw at sgiliau hanfodol ar gyfer llwyddiant mewn addysg a gyrfaoedd yn y dyfodol. Yn fan cychwyn perffaith ar gyfer mis Medi neu Hydref, mae'n darparu awgrymiadau ymarferol i helpu myfyrwyr i ffynnu. 

Bydd y sesiwn hon yn eich galluogi i gyflawni Meincnodau Gatsby 1, 2, 3, 4 a 7.   

Dyddiad: Ar Gais (fel arfer rhwng mis Mawrth a mis Mehefin) 

Addas ar gyfer myfyrwyr blwyddyn 13 neu gyfwerth sydd wedi gwneud cais i brifysgol. 

Mae'r sesiwn hon yn helpu myfyrwyr i baratoi ar gyfer y newid i'r brifysgol, gan ymdrin â phynciau allweddol fel ymateb i gynigion, diwrnodau ymgeisio, cyllidebu, llety ac ymgartrefu i fywyd prifysgol. Yn llawn cyngor ymarferol, mae'n ddelfrydol ar gyfer myfyrwyr sy'n cynllunio eu camau nesaf ac yn paratoi ar gyfer mis Medi. 

Dyddiad: Ar gais

Addas ar gyfer myfyrwyr Addysg Uwch PDC blwyddyn 1 a 2 sy'n astudio yn ein colegau partner.

Mae'r sesiynau hyn wedi'u teilwra i gefnogi myfyrwyr addysg uwch yn ein colegau partner, i'w galluogi i gael mynediad at gyfleusterau ac adnoddau PDC, yn ogystal â'u cyflwyno i gymhellion a buddion dilyniant. Gall sesiynau amrywio o ymweliadau campws i sesiynau yn y coleg a gellir eu teilwra i anghenion eich grŵp.