Celf a Dylunio

Bydd myfyrwyr yn gweithio mewn timau ar friff dylunio. Bydd hyn yn herio eu sgiliau cyfathrebu gweledol a datrys problemau. Mae'r gweithdy hwn yn annog myfyrwyr i ymchwilio i broblem gyfathrebu sy'n bodoli eisoes a chynnig syniadau, cysyniadau dylunio ac atebion arloesol.

Oes gennych chi ddiddordeb mewn defnyddio eich sgiliau celf er budd lles eraill? Os ydych chi'n angerddol am gelfyddydau mynegiannol ac yn credu ym mhotensial arferion creadigol i wella lles, mae'r radd unigryw mewn Celfyddydau Creadigol a Therapiwtig yn rhoi'r cyfle i ddatblygu eich ymarfer yn y dyfodol mewn lleoliadau cymunedol ac addysgol. 

P'un a oes gennych ddiddordeb mewn celfyddyd gain, dylunio, crefft neu ymgysylltu cymunedol creadigol, mae'r radd BA (Anrh) Celfyddydau Creadigol a Therapiwtig yn cwmpasu amrywiaeth eang o ddisgyblaethau creadigol. Byddwch yn cael eich addysgu gan arbenigwyr sydd ar flaen y gad o ran gweithlu'r celfyddydau creadigol a therapiwtig, a fydd yn rhoi platfform rhagorol i chi ennill profiad o weithio'n greadigol gydag eraill. Mae gan y radd hon dair maes astudio penodol - ymarfer celf, lleoliad ymarfer proffesiynol a mewnbwn damcaniaethol. Byddwch yn cael eich annog i wneud cysylltiadau ystyrlon rhwng pob pwnc craidd i ddod yn ymarferydd celfyddydau creadigol. 

Gall ein hymarferwyr arbenigol ymweld â'ch ysgol neu goleg i ddweud mwy wrthych! 

Yn ystod y sesiwn hon, byddwch chi'n dysgu'r sgiliau a'r dulliau dylunio allweddol sydd eu hangen i greu ymateb creadigol i brosiect dylunio mewnol.

Byddwch chi'n dysgu sut i fesur a dadansoddi gofod wrth gofnodi eich darganfyddiadau gan ddefnyddio technegau lluniadu amrywiol. Hefyd, fe gewch chi greu eich dyluniad eich hun mewn ymateb i'ch syniadau ar gyfer y defnydd newydd o'r gofod.

Yn ystod y sesiwn byddwch yn creu digonedd o waith darlunio drwy’r gweithdy ymarferol hwn, felly dewch â'ch llyfr braslunio!

Wrth arbrofi gyda deunyddiau, byddwch chi'n creu model o strwythur sydd yn ffordd o gyflwyno’r sgìl hanfodol o ddatblygu unrhyw fath o ddyluniad tri dimensiwn. Drwy chwarae gyda ffurf a chyfansoddiad, byddwch chi'n gallu gweld beth yw'r posibiliadau creadigol ar gyfer creu gwrthrych hardd.

Bydd y sesiwn hon yn archwilio rôl y Dylunydd Cynhyrchiad a rolau eraill mewn adran gelf broffesiynol.

Bydd myfyrwyr yn darganfod beth sydd ei angen i sefydlu gyrfa yn y diwydiant, yn darganfod y lleoliadau gwaith amrywiol y mae myfyrwyr wedi'u profi gyda chynyrchiadau fel; Doctor Who, Aladdin Disney, Mission Impossible 6 a Luther, a dysgu mwy am sut mae Prifysgol De Cymru’n creu graddedigion sy'n barod ar gyfer gyrfa yn y diwydiant.