Abi Pritchard

Newid llwybr a dod o hyd i'r mmgylchedd creadigol cywir 

Rydw i wedi bod â diddordeb mewn creadigrwydd erioed, ond am amser hir, fe wnes i ei anwybyddu. Ail-daniodd astudio drama ac astudiaethau cyfryngau ar Lefel A yr angerdd hwnnw, a phan sylweddolais nad daearyddiaeth oedd y cyfeiriad cywir i mi, des i i PDC drwy Glirio. Safodd y cwrs allan oherwydd ei fod yn cynnig cymysgedd mor eang o bynciau creadigol, gan roi cyfle i mi archwilio gwahanol feysydd a darganfod beth roeddwn i'n ei fwynhau fwyaf.  

Ers ymuno, rydw i wedi cael rhai rhyngweithiadau gwych gyda'r diwydiant. Yng Ngŵyl Ffilm Gwobr Iris, cynhyrchais bodlediad a oedd yn gysylltiedig â'r digwyddiad a chefais gyfle i gwrdd â phobl sy'n gweithio yn y meysydd rydw i eisiau mynd i mewn iddyn nhw. Hefyd, gwyliais gyd-ddisgyblion yn cyfweld â phobl greadigol a chlywais gyngor gwerthfawr gan weithwyr proffesiynol. Gwnaeth gweld pobl yn gwneud y math o waith rydw i'n anelu ato'r profiad hyd yn oed yn fwy ysgogol.  

Datblygu Hyder a Sgiliau Creadigol Technegol 

Un o'r syrpreisys mwyaf yw faint rwy'n mwynhau gwaith y tu ôl i'r llenni. Safodd cymysgu delweddau allan fel rhywbeth nad oeddwn yn disgwyl ei fwynhau, ac rwy'n gyffrous i roi cynnig ar fwy o waith camera wrth i mi ddatblygu fy sgiliau. Rwyf hefyd wedi gweithio ar asesiadau gyda myfyrwyr ffilm, yn ogystal â chydweithio â myfyrwyr perfformio a chyfryngau mewn grwpiau blwyddyn eraill, a helpodd fi i ddeall y cyfeiriad y gall y cwrs fy arwain iddo.  

Mae'r cyfleusterau yn PDC yn ei gwneud hi'n hawdd creu cynnwys y tu mewn a'r tu allan i'r cwrs, o'r ystafell bodlediadau i'r camerâu, yr offer goleuo a sain. Mae gwybod bod yr offer hyn ar gael yn dileu llawer o'r rhwystrau i arbrofi'n greadigol. Y sgil fwyaf rydw i wedi'i datblygu yw hyder ac mae cael darlithwyr a chyd-ddisgyblion cefnogol wedi gwneud gwahaniaeth enfawr. Os ydych chi'n ystyried ymuno, fy nghyngor i yw trin pob her fel cromlin ddysgu.