/prod01/channel_2/media/university-of-south-wales/site-assets/images/04-profiles/41-undergraduate-student/profile-ug-interior-design-filip-lewkowicz-57148.jpg)
Mae PDC wedi rhoi’r cyfle i mi weithio ar brosiectau go iawn yn y diwydiant, cysylltu â gweithwyr proffesiynol ac archwilio agweddau gwahanol ar ddylunio.
Pam y dewisais PDC
Dw i wedi bod yn berson creadigol erioed, ac i mi, roedd astudio Dylunio Mewnol yn ddewis naturiol. Ers pan ro’n i’n ifanc, dw i wedi dwlu ar arbrofi gydag arlunio a gweithio ar brosiectau bach o amgylch y tŷ. Yn y coleg, cefais fy nghyflwyno i ddylunio mewnol drwy brosiect, a sylweddolais bod modd cyfuno creadigrwydd â’r elfen ymarferol ar ddylunio gofodau.
Wrth ymchwilio i brifysgolion, roedd PDC yn sefyll allan. Roedd ei lleoliad yng Nghaerdydd - prifddinas nad yw’n llethol, ond sy’n unigryw iawn gyda’r arcedau, y siopau coffi a’r awyrgylch creadigol - yn ffactor mawr. Cadarnhawyd fy mhenderfyniad ar ôl mynd i Ddiwrnod Agored, oherwydd cefais weld drosof fi fy hun yr holl gyfleusterau, cymorth a chyfleoedd oedd ar gael.
Ymweld â ni yn Diwrnod AgoredProfiad byd go iawn a chyngor i fyfyrwyr
Un o uchafbwyntiau fy nghwrs yw’r cyfle i weithio ar friffiau byw gyda chwmnïau go iawn. Ar hyn o bryd, rydyn ni’n cydweithio ag Orange Box, cwmni dylunio dodrefn swyddfa blaengar. Mae gweithwyr proffesiynol y diwydiant yn aml yn ymweld i roi cymorth, sydd wedi bod yn amhrisiadwy i mi o ran rhwydweithio a chael cipolwg ar lwybrau gyrfa gwahanol.
Mae amrywiaeth y cwrs wedi ennyn fy niddordeb. Un diwrnod, rydyn ni’n dylunio bwrdd, y diwrnod nesaf, rydyn ni’n cynllunio dyluniad mewnol bwyty cyfan. Fy nghyngor i ddarpar fyfyrwyr? Byddwch yn angerddol ac yn barod - gall bywyd prifysgol fod yn heriol, ond os ydych chi’n caru’r hyn rydych chi’n ei wneud, byddwch chi’n ffynnu.
Dod o hyd i'ch cwrs/prod01/channel_2/media/university-of-south-wales/site-assets/images/08-subjects/design/Owen-(Spoonie---preferred-name)-Fielding-1.jpg)
Diddordeb mewn Dylunio?
Mae ein cyrsiau dylunio yn cael eu creu gyda diwydiant mewn golwg a'n nod yw eich paratoi ar gyfer y gweithle erbyn i chi raddio.