/prod01/channel_2/media/university-of-south-wales/site-assets/images/04-profiles/41-undergraduate-student/profile-ug-photography-freddie-bingham-57338.jpg)
Mae'r cyfleoedd rhwydweithio ar y cwrs wedi bod yn amhrisiadwy, yn enwedig dod i adnabod cymaint o ffigurau diwydiant trwy ddigwyddiadau ac arddangosfeydd.
Dod o hyd i fy lle mewn ffotograffiaeth
Dw i’n astudio Ffotograffiaeth Ddogfennol yn PDC, ond mewn gwirionedd dechreuais ar y cwrs ffilm. Sylweddolais yn gyflym nad oedd yn addas i mi, ac ar ôl cysylltu â phobl oedd eisoes ar y cwrs Ffotograffiaeth Ddogfennol a gweld beth roedden nhw'n ei greu, gwyddwn fod yn rhaid i mi newid. Roedd ffotograffiaeth yn cynnig y cymysgedd perffaith o greadigrwydd ac adrodd storïau yr oeddwn yn edrych amdano.
Dewisais PDC oherwydd fy mod eisiau aros yng Nghymru, ac roedd Caerdydd yn teimlo fel y ddinas greadigol ddelfrydol - yn ddigon bach i fod yn gyfarwydd ond yn fwrlwm o fywyd, fel Llundain neu Fryste bach. Wnes i ddim mynychu Diwrnod Agored, ond des i o Goleg Gwent, sydd â chysylltiadau cryf â PDC, felly roeddwn i’n teimlo’n barod.
Dewch o hyd i'ch cwrsCyfleoedd diwydiant ac uchelgeisiau ar gyfer y dyfodol
Mae'r cwrs wedi darparu llawer o gyfleoedd diwydiant. Rydym wedi cydweithio â gweithwyr proffesiynol ar brosiectau, wedi teithio i Lundain ar gyfer ymweliadau ag orielau, a hyd yn oed wedi partneru â’r National Portrait Gallery ar gyfer briff a ysbrydolwyd gan Wobr Taylor Wessing. Mae'r rhwydweithio wedi bod yn amhrisiadwy, yn enwedig dod i adnabod cymaint o ffigurau'r diwydiant trwy ddigwyddiadau ac arddangosfeydd.
Un o’m prosiectau balchaf oedd gweithio gyda Cardiff Bay Warriors, tîm pêl-droed sy’n cael ei redeg gan Somaliaid yng Nghaerdydd. Gwnaethant fy ngwahodd i ddogfennu eu taith i Ganada ar gyfer Cynghrair Pencampwyr Somali, a oedd yn brofiad anhygoel ac yn uchafbwynt fy astudiaethau. Ar ôl graddio, byddwn i wrth fy modd yn mynd yn llawrydd a pharhau i weithio ar brosiectau fel y rhain. Mae'r cwrs yn fach ond yn dynn, ac rydyn ni'n cefnogi ein gilydd fel teulu.
Gyrfaoedd a Chyflogadwyedd/prod01/channel_2/media/university-of-south-wales/site-assets/images/08-subjects/photography/subject-photography-studio-37672.jpg)
Diddordeb mewn Ffotograffiaeth?
Gyda chyrsiau mewn Ffotograffiaeth a Ffotograffiaeth Ddogfennol, mae Prifysgol De Cymru wedi ennill enw da yn genedlaethol ac yn rhyngwladol am ragoriaeth. Fe welwch stiwdios ffotograffiaeth o safon fyd-eang ar y campws a chymuned o bobl angerddol sy'n ymwneud â llunio dyfodol diwylliant gweledol.