/prod01/channel_2/media/university-of-south-wales/site-assets/images/04-profiles/41-undergraduate-student/Jo-Stop-motion-animation.jpg)
Roedd cerdded i mewn i’r stiwdio stop-symud am y tro cyntaf yn teimlo fel dod o hyd i’m cartref creadigol.
Dewis PDC a Meithrin Hyder Creadigol
Dechreuodd fy angerdd dros animeiddio pan oeddwn i'n ifanc. Agorodd gwylio Wallace a Gromit fyd hollol newydd i mi, ac o hynny ymlaen roeddwn i bob amser yn adeiladu, darlunio a chreu. Wrth ddewis prifysgol, ymwelais â sawl diwrnod agored, ond roedd PDC yn sefyll allan ar unwaith. Roedd yn hwyl, yn groesawgar ac yn un lle a oedd yn cynnig y gefnogaeth oedd ei hangen arnaf gyda fy anabledd.
Gwnaeth gweithdai'r diwrnod agored argraff enfawr arnaf. Gwelais y stiwdios, cymerais ran mewn sesiynau lluniadu a chwrdd â darlithwyr a wnaeth bopeth yn bleserus. Cadarnhaodd eu brwdfrydedd mai dyma rywle y gallwn weld fy hun yn ffynnu. Roedd y foment honno o gerdded i mewn i'r stiwdio stop-symud am y tro cyntaf yn teimlo fel dod o hyd i'r cartref creadigol cywir.
Cyflogadwyedd a Gyrfaoedd
Dysgu Technegau Newydd a Pharatoi ar gyfer Gyrfa Greadigol
Yn ystod fy amser yma, rydw i wedi cael y cyfle i ymgysylltu â Gŵyl Animeiddio Caerdydd, ac rydw i nawr wedi rhoi fy enw ymlaen am leoliad yn gweithio ochr yn ochr â gweithwyr proffesiynol. Mae cyfleoedd fel y rhain yn golygu llawer, yn enwedig wrth lywio astudio gydag anabledd, ac rydw i'n ddiolchgar bod y cwrs yn sicrhau bod y cyfleoedd hynny'n parhau i ddod.
Mae'r cyfleusterau wedi chwarae rhan fawr yn fy natblygiad - o'r mannau gweithdy i'r feddalwedd a'r offer sy'n gwneud stop-symud yn bosibl. Rydw i wedi dysgu technegau newydd, wedi darganfod offer fel Blender a phrosesau 3D nad oeddwn i wedi'u hadnabod o'r blaen, ac wedi datblygu sgiliau nad oeddwn i byth yn disgwyl eu hennill. Fy nod yw gweithio i S4C fel animeiddiwr sy'n siarad Cymraeg, ac rydw i'n creu fy mhrosiect trydedd flwyddyn yn y Gymraeg gyda hynny mewn golwg. I unrhyw un sy'n ymuno â'r cwrs, fy nghyngor yw i siarad â'r darlithwyr gan eu bod nhw'n hynod gefnogol a byddant yn eich tywys bob cam o'r ffordd.
Dewch o hyd i'ch cwrs/prod01/channel_2/media/university-of-south-wales/site-assets/images/08-subjects/animation-and-games/subject-animation-and-games.jpg)
Diddordeb mewn Gemau, Animeiddio ac Effeithiau Gweledol?
Gyda technoleg dal symudiadau ar y campws, sgrin werdd, VR ac AR, byddwn yn eich dysgu sut i weithio fel gweithiwr proffesiynol creadigol.