Pooja Thathsarani Umashankar

Dewis astudio ym Mhrifysgol De Cymru 

Mae Pooja Thathsarani Umashankar yn sôn am sut y llwyddodd i gyflawni “gwybodaeth fanwl” am hedfanaeth wrth astudio BSc Peirianneg Cynnal a Chadw Awyrennau. 

Dewisais PDC am ei henw rhagorol ym maes awyrofod a chynnal a chadw awyrennau. Fel pawb arall, roeddwn i eisiau astudio yn y lle gorau posib i gael yr addysg orau posib. Mae natur ymarferol y radd Cynnal a Chadw Awyrennau wedi bod yn allweddol i hybu fy niddordeb ym mecaneg awyrennau, ac rwyf wrth fy modd wedi cael dysgu popeth am y maes. 

Mae’r wybodaeth fanwl a ddysgwyd gan fy narlithwyr o’r diwydiant hedfanaeth, a’r profiad ymarferol a gafwyd mewn amgylcheddau gwaith go iawn, yn ddwy agwedd allweddol a fydd, yn fy marn i, yn gwella fy nghyflogadwyedd. Gwerthfawrogais y cyfle i ddysgu gan arbenigwyr yn y diwydiant, gan fy narlithwyr a siaradwyr gwadd fel ei gilydd, gan ein bod wedi cael rhai darlithwyr gwadd yn cynnal seminarau bach mewn cwpl o fodiwlau ar ein cwrs. 

Gwneud y gorau o gyfleusterau safon diwydiant PDC 

Mae fy nysgu ymarferol wedi cynnwys defnyddio offer o safon y diwydiant a Llawlyfrau Cynnal a Chadw Awyrennau digidol, sydd, yn fy marn i, yn rhoi mantais i ni o ran ein cyflogaeth yn y dyfodol. Fodd bynnag, mae’r cwrs hefyd wedi caniatáu i’n taith ddysgu ymestyn y tu hwnt i’r ystafell ddosbarth, gyda theithiau maes i lefydd fel RAF Cosford. Rhoddodd y profiad hwn fewnwelediad amhrisiadwy i mi ar esblygiad awyrennau rhyfel hyd at yr Ail Ryfel Byd. 

Gan anelu at ddod yn Beiriannydd Cynnal a Chadw Awyrennau gyda thrwydded B1, rwy’n priodoli fy mharodrwydd ar gyfer yr uchelgais hwn i’r addysg a’r hyfforddiant cynhwysfawr gan PDC. Rwy’n annog unrhyw un sy’n ystyried y cwrs hwn yn frwd, ac rwy’n hyderus y bydd dewis y cwrs hwn yn agor amrywiaeth eang o ragolygon gyrfa a fydd yn diogelu eich dyfodol.