/prod01/channel_2/media/university-of-south-wales/site-assets/images/04-profiles/41-undergraduate-student/profile-ug-psychology-antigone-cooper-57490.jpg)
Fe ddysgodd PDC i mi werth gofyn am gymorth, ac roedd hynny’n newid mawr i mi.
Pam y gwnes i ddewis PDC a’m profiad fel person sy'n gadael gofal
Cefais fy magu mewn gofal, ac roedd hynny’n anodd. Roedd hi’n anodd i mi ddychmygu dyfodol i mi fy hun. Heb gefnogaeth deuluol arferol, roedd y syniad o fynd i’r brifysgol yn teimlo ymhell o’m cyrraedd. Fodd bynnag, sylweddolais mai addysg oedd y llwybr tuag y dyfodol. Roeddwn i eisiau cael effaith gadarnhaol, nid yn unig o’m rhan i fy hun, ond i eraill mewn sefyllfaoedd tebyg. Ar ôl ymchwilio i'm hopsiynau, penderfynais wneud cais i PDC.
Mynychais ddiwrnod agored yn PDC lle y cefais y cyfle i gwrdd ag arweinydd y cwrs. Yn ystod ein sgwrs, fe wnaeth fy annog i wneud cais, rhannu awgrymiadau defnyddiol ar gyfer y broses ymgeisio, a rhoi hwb i fy hunanhyder. Roedd y cysylltiad personol a gefais y diwrnod hwnnw yn ffactor allweddol yn fy mhenderfyniad i wneud cais.
Dewch o hyd i'ch cwrsAstudio seicoleg ac edrych i’r dyfodol
Rwyf wastad wedi bod â diddordeb mawr mewn deall ymddygiad pobl, a dyma wnaeth fy arwain i astudio seicoleg. Pan oeddwn i tua 18 oed, dechreuais ymddiddori'n arbennig yn y maes, ac yn wreiddiol roeddwn i eisiau arbenigo mewn seicoleg breuddwydion. Roedd llawer o gyrsiau byr ar gael yn Llundain ac mewn mannau eraill, ond sylweddolais nad oeddwn i eisiau treulio blynyddoedd yn dilyn cyrsiau untro i ddod yn seicolegydd dan hyfforddiant yn y pen draw. Roeddwn i eisiau cwblhau cwrs cynhwysfawr a fyddai'n fy mharatoi ar gyfer gyrfa fel seicolegydd cymwys.
Fe ddysgodd PDC i mi werth gofyn am gymorth, ac roedd hynny’n newid mawr i mi. Dysgais i ofyn am help pan oedd ei angen arnaf, boed yn gymorth academaidd neu bersonol. Fy nghyngor i bobl eraill sy'n gadael gofal ac yn ystyried addysg uwch? Peidiwch â gadael i'ch cefndir eich dal yn ôl. Gall y brifysgol fod yn ddechrau newydd, a gyda’r gefnogaeth gywir, mae’n ymwneud â ble rydych chi’n mynd, nid o ble rydych chi wedi dod.
/prod01/channel_2/media/university-of-south-wales/site-assets/images/08-subjects/psychology/subject-psychology-classroom-44485.jpg)
Diddordeb mewn Seicoleg?
Mae seicoleg ym Mhrifysgol De Cymru yn agor drysau i fwy o yrfaoedd nag yr oeddech chi'n meddwl oedd yn bosibl, gan ganiatáu bod ein graddedigion yn gallu ystyried mwy na'r meysydd traddodiadol yn unig a gwneud gwahaniaeth yn y broses.