MA

Animeiddio

P’un a ydych eisiau bod yn wneuthurwr ffilmiau, animeiddiwr neu fodylydd, mae ein cwrs yn cynnig profiad dysgu cynhwysfawr ac ymgolli sy’n datblygu eich sgiliau presennol ac yn eich arfogi ag offer arloesol i ail-ddiffinio ffiniau adrodd straeon a dod a’ch gweledigaethau artistig yn fyw. Darganfyddwch eich llais, cymrwch risgiau creadigol ac ymunwch a chymuned animeiddio fywiog.

Sut i wneud cais Archebu lle ar noson agored Sgwrsio â Ni

Manylion Cwrs Allweddol

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £11,060*

  • Myfyrwyr rhyngwladol

    £17,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £1,229*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Mae MA Animeiddio yn lle i fireinio’ch crefft a gwthio’ch ymarfer creadigol ymhellach, boed hynny mewn 2D, CG, Stop Motion neu gyfuniad ohonynt, gan eich helpu i ddatblygu ar sail eich sgiliau presennol ac i droi syniadau beiddgar yn straeon pwerus a chrefftus.

CYNLLUNIWYD AR GYFER

Mae’r MA Animeiddio wedi’i gynllunio ar gyfer graddedigion, unigolion sy’n newid gyrfa, a gweithwyr proffesiynol - boed eich bod yn arbenigo mewn animeiddio, yn symud i’r maes, yn datblygu arbenigedd diwydiannol, neu’n paratoi ar gyfer addysgu ac ymchwil. Mae’r cwrs yn cefnogi amrywiaeth eang o uchelgeisiau, o gryfhau’ch portffolio i symud ymlaen i astudiaethau tiwtorial, rolau academaidd, neu swyddi arweinyddiaeth greadigol.

Llwybrau Gyrfa

  • Animeiddiwr (2D, CG a Stop Motion)
  • Cyfarwyddwr/Cynhyrchydd
  • Arlunydd Gosodiad/Previs
  • Modelwr ac Ysgerbyddwr
  • Athro/Darlithydd 

Y Sgiliau a Addysgir

  • Animeiddio
  • Cydweithio a Chyfathrebu
  • Rhwydweithio
  • Rheoli Prosiectau
  • Ymchwil ac Arloesi 

still of animation film created by USW students - profile of a persons face putting their hand up to a yellow flower

Uchafbwyntiau’r Cwrs

Creadigrwydd

Diffiniwch eich llwybr eich hun gyda’r gefnogaeth i fentro, arbrofi a llunio eich ymarfer animeiddio unigryw.

Cyfleoedd Rhwydweithio

Dysgwch gan staff sydd â chysylltiadau dwfn â’r diwydiant ledled Cymru a’r DU, a manteisiwch ar gyfleoedd a chydweithrediadau.

Arbenigedd

Boed gennych ddiddordeb mewn cyfarwyddo, bwrdd stori neu ddylunio cymeriadau, archwiliwch dueddiadau’r diwydiant ac arbenigo yn yr hyn sy’n eich ysbrydoli fwyaf.

Ymarfer wedi’i Ysgogi gan Ymchwil

Ewch y tu hwnt i dechneg, datblygwch syniadau drwy ymchwil fanwl, meddwl beirniadol ac archwilio creadigol o dechnegau a thechnolegau.

Trosolwg o’r Modiwl

O’r syniad cychwynnol i’r rendro terfynol, mae ein cwrs MA Animeiddio yn rhoi gwybodaeth fanwl a sgiliau hanfodol i fyfyrwyr ym mhob agwedd allweddol ar gynhyrchu animeiddio. Mae’r cwricwlwm, sy’n ymdrin ag agweddau hanesyddol, ymarferol a damcaniaethol ar animeiddio fel ffurf ar gelf, yn cael ei gyflwyno’n wythnosol ar y campws er mwyn galluogi dysgu ymarferol, cydweithio a chefnogaeth.

Archwilio Animeiddio 
Yn y modiwl hwn, byddwch yn dechrau siapio’ch syniadau o amgylch eich nodau gyrfaol yn y dyfodol. Byddwch yn datblygu’ch llais creadigol unigryw wrth i chi fynd â chysyniadau drwy gamau allweddol y cyn-gynhyrchiad megis ysgrifennu sgriptiau, dylunio cymeriadau a bwrdd stori – gan arwain at gynigion ar ffurf ‘pitch’ o safon broffesiynol. 

Ymarfer Proffesiynol; Animeiddio 
Mae’r modiwl hwn yn eich helpu i ddiffinio’ch lle yn y diwydiant animeiddio ar ôl graddio. Byddwch yn archwilio’r llwybrau gwaith cyfredol ar draws amryw dechnegau a mathau o brosiectau, cyn nodi rôl sy’n cyd-fynd a’ch uchelgeisiau. Byddwch yn ennill dealltwriaeth glir o ddisgwyliadau’r diwydiant, tueddiadau presennol, a’r sgiliau sy’n ofynnol ar eich llwybr dewisol. 

Cymhwyso Animeiddio 
Yma, byddwch yn mireinio’ch proses gynhyrchu bersonol yn eich maes arbenigedd dewisol, boed hynny’n dylunio cymeriadau, modelu, rigin neu fwrdd stori ar draws 2D, CG neu Stop Motion. Byddwch yn ymgysylltu a chamau cynhyrchu allweddol megis gosodiad a glanhau, gan greu canlyniadau ymarferol gan ddefnyddio meddalwedd safonol y diwydiant.

Arbenigedd Animeiddio 
Mae’r modiwl hwn yn eich gwahodd i ddatblygu maes o’ch ymarfer proffesiynol drwy arbrofi, ymchwil fanwl a dadansoddiad beirniadol. 

Prif Brosiect: Animeiddio 
Dyma eich cyfle i arddangos eich cryfderau creadigol, technegol a deallusol yn eich maes arbenigedd a’ch cyfrwng dewisol. Dewiswch un o dri llwybr canlyniad; 

  • Portffolio – yn berffaith os ydych am gyflwyno gwaith sy’n seiliedig ar ddelweddau fel celf gysyniadol neu fyrddau stori.
  • Showreel – yn berffaith i arddangos sgiliau delwedd symudol fel animeiddio cymeriadau neu rigin.
  • Ffilm Fer – orau i ddangos ystod o sgiliau, megis cyfarwyddo, cynhyrchu neu gydweithio ar gynnwys gwreiddiol. 

Adolygiad Animeiddio 
Yn y modiwl myfyriol hwn, byddwch yn archwilio’n feirniadol ddatblygiad eich Prif Brosiect. Byddwch yn gwerthuso’r heriau ac wynebau, yr ymchwil a wnaethoch, a’ch rôl wrth lunio’r canlyniad terfynol - gan gysylltu’ch proses greadigol ag mewnwelediadau a chyd-destun ystyrlon.

Uchafbwyntiau’r Cwrs

Dulliau Dysgu

Mae’r cwrs wedi’i strwythuro dros dri semester os ydych yn astudio’n llawn amser, neu chwe semester os ydych yn astudio’n rhan-amser. Drwy gydol pob semester, byddwch yn cymryd rhan mewn darlithoedd, seminarau, gweithdai, tiwtorialau a sesiynau beirniadu. Byddwch yn treulio cryn dipyn o’ch amser yn gweithio’n ymarferol yn ein stiwdios animeiddio pwrpasol. Fe’ch asesir ar eich gallu i gymhwyso’ch gwybodaeth i ganlyniadau ymarferol, wrth ddatblygu sgiliau personol hanfodol sy’n cyd-fynd a safonau’r diwydiant. Byddwch yn derbyn adborth ffurfiannol yn rheolaidd drwy gyflwyniadau anffurfiol i staff a’ch cyfoedion, gan eich helpu i feithrin hyder a mireinio’ch gwaith.

Staff Addysgu

Mae ein staff hynod fedrus a phrofiadol yn ymarferwyr ac yn ymchwilwyr gweithredol, gyda phrofiad helaeth o’r diwydiant ar draws amrywiaeth o brosiectau animeiddio mewn amryw dechnegau (2D, CG a Stop Motion). Mae datblygiad staff parhaus a chysylltiadau rheolaidd â phartneriaid yn y diwydiant yn sicrhau bod pob aelod o staff yn gyfredol yn eu meysydd arbenigedd, ac yn gallu cynnig cwricwlwm sy’n adlewyrchu arferion cyfredol y diwydiant i’w myfyrwyr. 

Dr Brian Fagence, Darlithydd 

Dr Leonie Sharrock, Uwch Ddarlithydd

Charles Rawlins, Hyfforddwr Technegol

Graham Griffiths, Darlithydd 

Gustavo Arteaga, Hyfforddwr Technegol

Jonathan Edwards, Darlithydd 

Matthew Gravelle-Eagles, Uwch Ddarlithydd

Nick Hood, Darlithydd 

Stan Evens, Hyfforddwr Technegol

Lleoliadau

Rydym yn ennyn cyfleoedd i fachu lleoliadau gwaith trwy ein cysylltiadau cryf â’r diwydiant animeiddio ac rydym yn uniongyrchol gysylltiedig â nifer o gwmnïau arobryn ar garreg ein drws yma yng Nghaerdydd, gan gynnwys Beryl Productions International, Bait Studio, Picl Animation a Winding Snake Productions. Mae myfyrwyr wedi sicrhau profiad gwaith gyda chwmnïau animeiddio nodedig yn y DU, gan gynnwys Aardman, Animortal Studio, a Calon. Trefnir gwibdeithiau i arddangosfeydd, gwyliau a stiwdios lleol, gan gynnwys Bad Wolf Studios, Cloth Cat, Painting Practice a Wales Interactive. Bydd y myfyrwyr yn cymryd rhan yng Ngŵyl Animeiddio Caerdydd i ehangu’u cysylltiadau, tra bod briffiau a chystadlaethau byw yn darparu cyfleoedd gwerthfawr i fentora, rhwydweithio a hyrwyddo.

Cyfleusterau

Mae Campws Caerdydd wedi’i leoli yng nghanol diwydiant celfyddydol ffyniannus, gan ddarparu cyfleoedd diddiwedd i fyfyrwyr yn ystod ac ar ôl graddio. Mae ein cyfleusterau blaengar yn cynnwys llawr animeiddio pwrpasol gyda stiwdios â chyfrifiaduron personol a llechi Wacom Cintiq o safon uchel, mannau rhwydweithio cydweithredol, sgrin werdd ac ystafelloedd bywluniadu, ystafelloedd recordio symudiadau ac ystafelloedd ffilmio 2D a Stop-Symud. Mae gan fyfyrwyr fynediad at feddalwedd o safon diwydiant, gan gynnwys Adobe Creative Cloud, Autodesk Suite a TVPaint, tra bod UniApps yn caniatáu mynediad i feddalwedd ar unrhyw ddyfais mewn unrhyw leoliad. Mae’r Gwasanaeth Benthyg Offer yn darparu amrywiaeth o offer i'w llogi megis camerâu, iPadiau, cyfrifiaduron, blychau golau ac offer Wacom.

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.

Gyrfaoedd a Chyflogadwyedd

Gyrfaoedd graddedigion

Mae gan y cwrs MA Animeiddio hanes hir o gyn-fyfyrwyr medrus yn creu gwaith sy’n ennill gwobrau ac enwebiadau mewn seremonïau gwobrwyo a gwyliau animeiddio ledled y byd. Mae graddedigion wedi'u cyflogi gan stiwdios a gydnabyddir yn rhyngwladol, gan gynnwys A Productions, Blue-Zoo, Bomper Studio, Celf Creative, Cubic Motion, DNEG, DreamWorks Animation, Passion Pictures, Rare, Rockstar North, Sony Pictures Imageworks, Supermassive Games a TT Games. Mae graddedigion wedi gweithio ar gyfres o fframiau animeiddiedig ar gyfer ffilmiau nodwedd a sioeau teledu, gan gynnwys Chernobyl (2019), Jurassic World: Fallen Kingdom (2018), Star Wars: The Last Jedi (2017), The Sandman (2021), The Witcher (2019) a Thor: Love and Thunder (2022).

Llwybrau gyrfa posibl

Mae graddedigion MA Animeiddio wedi mynd ymlaen i weithio yn y diwydiannau Animeiddio, Ffilm, Gêmau, Teledu a VFX mewn amrywiaeth o rolau proffesiynol, gan gynnwys Modelwyr CG, Animeiddwyr Arweiniol, Artistiaid Gosod, Gwneuthurwyr Modelau, Cydlynwyr Cynhyrchu a Rigwyr. Mae graddedigion eraill, megis Leon Dexter, Toke Jespen a Samuel Wright, wedi sefydlu eu stiwdio animeiddio lwyddiannus eu hunain o'r enw BumpyBox yng Nghaerdydd. Mae'r cwrs hefyd yn gam ar y ffordd i yrfa yn y byd academaidd, gyda nifer o'n graddedigion bellach yn addysgu mewn colegau a phrifysgolion ledled y byd, gan gynnwys Colombia, Indonesia a'r Unol Daleithiau.

 

Cymorth gyrfaoedd

Bydd gwasanaeth gyrfaoedd PDC yn eich helpu i archwilio’r cyfleoedd sydd ar gael i chi yn eich gyrfa, yn ystod eich gradd ac ar ôl graddio. Bydd gennych fynediad at gymorth, datblygiad ac arweiniad ar ysgrifennu CV, cwblhau ceisiadau, meistroli cyfweliadau  a llywio’r broses recriwtio. Fel myfyrwyr PDC, byddwch hefyd yn gallu mynychu gweithdai, sesiynau gyda chyflogwyr a ffair gyrfaoedd, gan gysylltu â chyflogwyr newydd, datblygu eich sgiliau a chynyddu eich hyder. 

Gofynion Mynediad

Gofynion cymhwyster nodweddiadol:

Gradd Anrhydedd da mewn disgyblaeth berthnasol neu gymhwyster proffesiynol priodol; neu HND/HNC a phrofiad perthnasol; neu gymwysterau rhyngwladol cyfatebol. Ystyrir y rhai heb gymwysterau o'r fath yn unigol, lle bydd profiad blaenorol yn cael ei ystyried. Gwahoddir pob ymgeisydd i gyfweliad yn seiliedig ar bortffolio, a ddylai gynnwys rholyn sioe o waith diweddar. Yn ystod y cyfweliad, bydd disgwyl i ymgeiswyr amlinellu a thrafod cynnig y prosiect ar gyfer y modiwl Astudio Annibynnol a / neu'r prosiect mawr. 

 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£11,060

fesul blwyddyn*
Ffi Llawn Amser y DU

£1,229

fesul blwyddyn*
Ffi Llawn Amser Rhyngwladol

£17,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Benthyca Offer Cyfryngau

Mynediad at gamerâu, cyfarpar goleuo, sain a recordio o safon y diwydiant, gyda chefnogaeth Benthyciadau Cyfryngau am ddim a thechnegwyr profiadol. Mae gennym bopeth sydd ei angen arnoch i'ch helpu i arbrofi, mireinio a gwireddu eich gwaith yn hyderus.

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

DECHREUODD BUMPYBOX AR Y CWRS MA ANIMEIDDIO, LLE GWNAETHOM DDATBLYGU PEILOT A LANSIODD EIN CWMNI I FYD TELEDU, GAN SBARDUNO DROS DDEGAWD O DWF CREADIGOL A LLWYDDIANT.

Leon Dexter

Cyfarwyddwr Animeiddio a Chyd-sylfaenydd Bumpybox Animation

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
Exterior view of the University's Cardiff Campus.
Campws Caerdydd
A member of staff is smiling and chatting with an open evening visitor.
Digwyddiadau Agored Ôl-raddedig
student-25

Llwyddiant i Fyfyrwyr Ffilm ac Animeiddio yng Ngwobrau RTS Cymru

Mae myfyrwyr a graddedigion Ffilm ac Animeiddio PDC wedi sicrhau wyth gwobr fawreddog yng Ngwobrau Cymdeithas Deledu Frenhinol Cymru (RTS), gan ddathlu creadigrwydd, arloesedd ac adrodd straeon wrth wraidd teledu Cymru. Roedd eu prosiectau arobryn yn cwmpasu adloniant, drama, comedi ac adrodd straeon ffeithiol, gan danlinellu ymrwymiad y brifysgol i feithrin talent greadigol.

Archwiliwch y Prosiectau Arobryn

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Cyrsiau Cysylltiedig

Cyfathrebu Graffeg - MA Dysgu mwy

Camau Nesaf

Sut i Wneud Cais
Archebwch Noson Agored
Sariad â ni