Animeiddio

Dulliau Dysgu

Rhennir y cwrs yn dri semester ar gyfer myfyrwyr llawn-amser a chwe semester ar gyfer myfyrwyr rhan-amser. Bydd myfyrwyr yn cael profiad amrywiol o ddarlithoedd, seminarau, gweithdai, tiwtorialau a beirniadaethau drwy gydol pob semester. Bydd cyfran sylweddol o amser y myfyriwr yn cael ei dreulio ar gwblhau gwaith ymarferol yn ein stiwdios animeiddio pwrpasol. Mae dulliau asesu wedi'u cynllunio i archwilio dealltwriaeth y myfyrwyr o sut i greu canlyniadau ymarferol o wybodaeth gyfredol, gan gynnwys datblygu sgiliau meddal yn unol ag arferion y diwydiant. Mae myfyrwyr yn derbyn mewnbwn ffurfiannol yn rheolaidd trwy gyflwyniadau anffurfiol i staff addysgu a chyfoedion.

Y Staff Addysgu

Mae ein staff tra medrus a phrofiadol yn ymarferwyr ac ymchwilwyr gweithgar. Mae gan y staff addysgu brofiad helaeth yn y diwydiant ac maent wedi gweithio ar amrywiaeth o brosiectau animeiddio mewn gwahanol dechnegau (2D, CG a Stop-Symud). Mae datblygiad staff parhaus a chysylltiadau rheolaidd â phartneriaid yn y diwydiant yn sicrhau bod pob un o aelodau’r staff ar flaen y gad yn eu meysydd arbenigedd, a bod myfyrwyr yn cael cwricwlwm sy'n adlewyrchu arferion cyfredol y diwydiant.

Staff Addysgu MA Animeiddio: 

Dr Brian Fagence, Arweinwyr y Cwrs 

Graham Griffiths, Darlithydd 

Gustavo Arteaga, Hyfforddwr Technegol 

Jonathan Edwards, Darlithydd a Delir Fesul Awr 

Leonie Sharrock, Uwch Ddarlithydd 

Matthew Gravelle-Eagles, Uwch Ddarlithydd 

Nick Hood, Darlithydd 

Stan Evens, Hyfforddwr Technegol 

Lleoliadau

Rydym yn ennyn cyfleoedd i fachu lleoliadau gwaith trwy ein cysylltiadau cryf â’r diwydiant animeiddio ac rydym yn uniongyrchol gysylltiedig â nifer o gwmnïau arobryn ar garreg ein drws yma yng Nghaerdydd, gan gynnwys Beryl Productions International, Bait Studio, Picl Animation a Winding Snake Productions. Mae myfyrwyr wedi sicrhau profiad gwaith gyda chwmnïau animeiddio nodedig yn y DU, gan gynnwys Aardman, Animortal Studio, a Calon. Trefnir gwibdeithiau i arddangosfeydd, gwyliau a stiwdios lleol, gan gynnwys Bad Wolf Studios, Cloth Cat, Painting Practice a Wales Interactive. Bydd y myfyrwyr yn cymryd rhan yng Ngŵyl Animeiddio Caerdydd i ehangu’u cysylltiadau, tra bod briffiau a chystadlaethau byw yn darparu cyfleoedd gwerthfawr i fentora, rhwydweithio a hyrwyddo.

Cyfleusterau

Mae Campws Caerdydd wedi’i leoli yng nghanol diwydiant celfyddydol ffyniannus, gan ddarparu cyfleoedd diddiwedd i fyfyrwyr yn ystod ac ar ôl graddio. Mae ein cyfleusterau blaengar yn cynnwys llawr animeiddio pwrpasol gyda stiwdios â chyfrifiaduron personol a llechi Wacom Cintiq o safon uchel, mannau rhwydweithio cydweithredol, sgrin werdd ac ystafelloedd bywluniadu, ystafelloedd recordio symudiadau ac ystafelloedd ffilmio 2D a Stop-Symud. Mae gan fyfyrwyr fynediad at feddalwedd o safon diwydiant, gan gynnwys Adobe Creative Cloud, Autodesk Suite a TVPaint, tra bod UniApps yn caniatáu mynediad i feddalwedd ar unrhyw ddyfais mewn unrhyw leoliad. Mae’r Gwasanaeth Benthyg Offer yn darparu amrywiaeth o offer i'w llogi megis camerâu, iPadiau, cyfrifiaduron, blychau golau ac offer Wacom.

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.