Campws Caerdydd

Campws wedi'i adeiladu ar gyfer crewyr.

Yng nghanol Caerdydd, rydych chi wedi'ch amgylchynu gan ddinas sy'n byw ac yn anadlu creadigrwydd.

O gemau a dylunio i ffasiwn a ffilm, byddwch yn astudio mewn mannau sydd wedi'u llunio gan y diwydiannau rydych chi am fod yn rhan ohonynt, gyda chyfleoedd i gydweithio â chyflogwyr blaenllaw gan gynnwys y BBC a Bad Wolf ar hyd y ffordd.

Mae stiwdios, mannau addysgu a mannau cymdeithasol wedi'u cynllunio i symud syniadau ymlaen p'un a ydych chi'n datblygu cysyniadau cynnar, yn cydweithio ar waith grŵp, neu'n paratoi prosiectau terfynol.

O'ch prosiect cyntaf i'ch arddangosfa derfynol, byddwch yn rhan o gymuned sy'n gydweithredol, yn uchelgeisiol ac yn gwneud i bethau ddigwydd yn gyson.

Ewch ar daith rithwir o amgylch y campws

Pam Trefforest

An interior design student sat in a workshop room with tools on the tables, smiling.

Creadigrwydd a chyfle

Dinas wedi'i llunio gan syniadau, o sîn gyfryngau ffyniannus i gynhyrchu byw, dylunio a diwydiannau sgrin. Mae gwaith creadigol yn rhan o fywyd bob dydd yma, ar y sgrin, ar y llwyfan ac ar draws y ddinas.

A group of students celebrating over winning a racing car game at an arcade bar.

Dinas sydd byth yn cysgu

Mae cerddoriaeth fyw, gwyliau, orielau a bywyd nos yn rhoi digon i chi ei brofi. P'un a ydych chi'n chwilio am ysbrydoliaeth neu amser i ymlacio, mae'r cyfan o fewn cyrraedd.

A group of students sitting in Bute Park with Cardiff castle in the background.

Dewch yn rhan o Gaerdydd

Gydag egni prifddinas ond sy’n teimlo fel rhywle a ddaw yn gyfarwydd yn gyflym iawn, mae Caerdydd yn fan lle gallwch ddod o hyd i'ch rhythm a chreu eich profiadau personol eich hun.

Bywyd campws

Mannau astudio a chyfleusterau

Gweithiwch mewn stiwdios pwrpasol, labordai digidol a mannau cydweithredol. O stiwdios podlediadau a sgriniau gwyrdd i fannau drama a labordai ffotograffiaeth, bydd gennych fynediad at gyfleusterau o safon broffesiynol a gynlluniwyd i gefnogi eich gwaith, gyda chyfleoedd i gydweithio ar draws cyrsiau, rhannu syniadau a dod â syniadau'n fyw mewn ffyrdd sy'n adlewyrchu sut mae diwydiannau creadigol yn gweithio mewn gwirionedd.

Students setting up professional lights and cameras to photograph two people stood against the white backdrop in the photography studio.

Cyfarpar proffesiynol

Mynediad at gamerâu, cyfarpar goleuo, sain a recordio o safon y diwydiant, gyda chefnogaeth Benthyciadau Cyfryngau am ddim a thechnegwyr profiadol. Mae popeth yno i'ch helpu i arbrofi, mireinio a dod â'ch gwaith yn fyw gyda hyder.

A group of students walking through a Cardiff arcade.

Mannau awyr agored a bywyd y ddinas

Camwch allan ac rydych chi yng nghanol Caerdydd, prifddinas greadigol a fforddiadwy sy'n addas iawn ar gyfer bywyd myfyrwyr. Mae parciau gwyrdd, glannau dŵr, celf stryd a mannau poblogaidd diwylliannol i gyd o fewn pellter cerdded byr, gyda digon o lefydd i fwyta, ymlacio a gwneud y gorau o'ch amser rhwng dosbarthiadau.

Two students sat outside a coffee shop. One is talking and the other is taking a sip of coffee.

Bwyta, siopa ac yfed

O fyrbrydau cyflym rhwng darlithoedd i gaffis annibynnol a ffefrynnau cyfarwydd y stryd fawr, mae digon o ddewis yng Nghaerdydd. Byddwch chi bob amser yn dod o hyd i rywle newydd i roi cynnig arno neu rywle dibynadwy i ddychwelyd iddo.

Undeb y Myfyrwyr a mannau cymdeithasol

Mae Undeb y Myfyrwyr yn dod â myfyrwyr ynghyd gyda digwyddiadau, cymdeithasau a mannau i ymlacio a chysylltu. Mae'n lle i gwrdd â phobl, rhannu syniadau a bod yn rhan o gymuned y campws.

Gwefan Undeb y Myfyrwyr

Ewch i’w weld â’ch llygaid eich hunArchebwch ddiwrnod agored a phrofi bywyd campws yn PDC

Archwiliwch y campws

Dewch i gael blas ar fywyd yng Nghampws Caerdydd cyn i chi gyrraedd.

Ewch ar daith rithwir a gweld y mannau creadigol, y stiwdios a'r cyfleusterau lle byddwch yn astudio ac yn cydweithio.

Ewch ar daith rithwir o Gampws Trefforest Y pethau gorau i’w gwneud yng Nghaerdydd

Cyfarwyddiadau i Gampws Caerdydd

Mae cyrraedd Campws Caerdydd yn syml. Gyda lleoliad canolog a chysylltiadau trafnidiaeth rhagorol, mae'n hawdd cyrraedd o ble bynnag yr ydych yn teithio.

Prifysgol De Cymru
86–88 Stryd Adam
Caerdydd
CF24 2FN
Y Deyrnas Unedig

Ffôn: +44 (0)345 576 0101
E-bost: [email protected]

Cael cyfarwyddiadau ar Google Maps.

Mae Campws Caerdydd yn hawdd ei gyrraedd o'r M4.

Gadewch yr M4 wrth gyffordd 29, 32 neu 33 a dilynwch yr arwyddion ar gyfer canol dinas Caerdydd.
Ewch ymlaen tuag at Stryd Adam
Mae maes parcio mawr gyferbyn â champws Caerdydd ar Stryd Adam. Mae parcio ychwanegol ar gael ar Heol Knox, taith gerdded fer i ffwrdd.

Cod post ar gyfer y llyw lloeren: CF24 2FN

Mae Campws Caerdydd o fewn pellter cerdded i brif orsafoedd trên y ddinas.

Mae gorsaf Heol y Frenhines, Caerdydd, tua 5 munud ar droed.
Mae gorsaf Caerdydd Canolog tua 10 munud ar droed
Mae gwasanaethau rheolaidd yn rhedeg o bob cwr o Dde Cymru a'r DU

Archwiliwch amseroedd trên ar wefan Trafnidiaeth Cymru.

Mae gan Gaerdydd digon o wasanaethau bysiau cenedlaethol.

Mae gwasanaethau National Express yn cyrraedd Gerddi Sophia
Mae gwasanaethau Megabus yn stopio ar Ffordd y Brenin

Mae'r ddau o fewn pellter cerdded i'r campws

Mae modd cyrraedd Caerdydd o sawl maes awyr mawr.

Mae Maes Awyr Caerdydd tua 11 milltir i ffwrdd, gyda chysylltiadau bws a rheilffordd.
Mae Maes Awyr Bryste yn cynnig gwasanaethau rheolaidd ac ychydig dros awr i ffwrdd.
Mae Heathrow Llundain tua 2.5 awr mewn car.

Lawrlwytho map campws