PGCert

Gorbwysedd

Mae'r rhaglen Tystysgrif Ôl-raddedig (PGCert) Gorbwysedd gynhwysfawr hon yn ymdrin â phob agwedd ar orbwysedd, o bathoffisioleg i'r datblygiadau diweddaraf mewn triniaeth. Byddwch yn archwilio dulliau diagnostig, addasiadau ffordd o fyw, a thriniaethau ffarmacolegol, gan eich paratoi i ddarparu gofal blaengar yn eich ymarfer clinigol.

Sut i wneud cais

Manylion Cwrs Allweddol

  • Dyddiad Cychwyn

    Medi

  • Lleoliad

    Ar-lein

Ffioedd

Gwneud Ymholiad

Gyda ffocws unigryw ar reoli gorbwysedd mewn poblogaethau arbennig, mae'r cwrs hwn yn sefyll allan trwy gynnig cymwysiadau ymarferol yn y byd go iawn sydd o fudd i'ch cleifion a'ch ymarfer ar unwaith.

Wedi'i gynllunio ar gyfer

Mae'r Dystysgrif Ôl-raddedig hon mewn Gorbwysedd wedi'i chynllunio ar gyfer gweithwyr gofal iechyd proffesiynol sy'n edrych i ehangu eu gwybodaeth yn y pwnc cynyddol gyffredin o orbwysedd.

Mewn partneriaeth â

  • Learna | Diploma MSc

Yn addas ar gyfer:

  • Meddygon teulu
  • Cardiolegwyr
  • Endocrinolegwyr
  • Arenegwyr
  • Nyrsys
  • Fferyllwyr
  • Dietegwyr a Ffisiotherapyddion
  • Gweithwyr Iechyd Cyhoeddus Proffesiynol.

Trosolwg o'r Modiwl

Mae ein Tystysgrif Ôl-raddedig Gorbwysedd ar-lein yn eich galluogi i astudio am chwe mis yn unig ac mae'n gwrs rhan-amser, dysgu o bell. Mae'r cwrs yn werth 60 credyd ac mae'n cynnwys tri modiwl o 20 credyd, pob un yn rhedeg dros gyfnod o chwe wythnos.

Modiwl un: Epidemioleg, Pathoffisioleg, Diagnosis, ac Ymchwilio i Gorbwysedd
Mae'r modiwl hwn yn darparu archwiliad manwl o'r epidemioleg, pathoffisioleg, diagnosis ac ymchwilio i orbwysedd. 

Modiwl dau: Rheoli Gorbwysedd - Addasiadau Ffordd o Fyw a Thriniaeth Ffarmacolegol
Mae'r modiwl hwn yn canolbwyntio ar reoli gorbwysedd, gan bwysleisio addasiadau i ffordd o fyw a strategaethau triniaeth ffarmacolegol.

Modiwl tri: Gorbwysedd mewn Amgylchiadau Arbennig
Mae'r modiwl hwn yn archwilio cymhlethdodau gorbwysedd mewn amgylchiadau arbennig, gan gynnwys beichiogrwydd, diabetes, cleifion oedrannus, unigolion o gefndiroedd lleiafrifoedd ethnig, gorbwysedd malaen, gorbwysedd anodd ei drin neu ag ymwrthedd a gorbwysedd eilaidd.

Uchafbwyntiau'r Cwrs

Sut byddwch chi'n dysgu

Byddwch yn dysgu trwy blatfform ar-lein hyblyg, rhyngweithiol sy'n eich galluogi i ymgysylltu ag achosion clinigol, cwblhau aseiniadau, a chydweithio â chyd-fyfyrwyr ar adegau sy'n addas i'ch amserlen. Nid oes amserlen sefydlog – mewngofnodwch yn ddyddiol i gymryd rhan yng ngweithgareddau'r wythnos.

Byddwch yn rhan o grŵp bach o 10-20 o fyfyrwyr ac yn meithrin amgylchedd cydweithredol lle gallwch gymryd rhan mewn trafodaethau meddylgar a derbyn arweiniad gan eich tiwtor. Bydd gennych fynediad at adnoddau dysgu a fforymau trafod sy'n annog rhyngweithio parhaus ac ymgysylltu dyfnach â'r deunydd.

Drwy gydol eich astudiaethau, byddwch yn derbyn cefnogaeth gan diwtor arbenigol ymroddedig a'n Tîm Cymorth Myfyrwyr, gan sicrhau bod gennych yr adnoddau sydd eu hangen i lywio'r cwrs yn llwyddiannus.

Achrediadau a Phartneriaethau

Mewn partneriaeth â

GOFYNION MYNEDIAD

Gofynion cymhwyster nodweddiadol:

Bydd ymgeiswyr yn cael eu hasesu ar sail unigol, ond fel arfer, bydd gan ymgeiswyr ar gyfer y rhaglen:

  • Gradd israddedig mewn pwnc perthnasol a ddyfernir gan brifysgol yn y DU neu gymhwyster cyfatebol dramor.
  • Darparu tystiolaeth yn y datganiad personol ynghylch sut y gallant gymhwyso dysgu mewn lleoliad ymarferol a myfyrio ar ymarfer.
  • Sgiliau TG sylfaenol (e.e. prosesu geiriau, e-bost a'r rhyngrwyd).
  • Os nad Saesneg yw iaith gyntaf y myfyriwr, rhaid iddynt feddu ar gymhwyster Saesneg.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Gwybodaeth Bellach

Cyfeiriwch at wefan ein partner cydweithredol.

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Sut i wneud cais

Os ydych chi'n barod i wneud cais am y cwrs hwn, y cam nesaf yw cwblhau eich cais drwy ein partner cyflwyno, Learna Ltd. Er bod y cwrs hwn wedi'i ddilysu gan Brifysgol De Cymru, caiff pob cais ei brosesu'n uniongyrchol gan Learna. Ewch i wefan Learna, lle byddwch yn dod o hyd i gyfarwyddiadau manwl ar sut i wneud cais, gan gynnwys y dogfennau gofynnol a dyddiadau cau allweddol. Drwy wneud cais drwy Learna, byddwch yn cymryd y cam cyntaf tuag at ymuno â phrofiad dysgu hyblyg o ansawdd uchel wedi'i gynllunio i gyd-fynd â'ch ymrwymiadau.

Gwefan Learna

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Camau Nesaf

Ymweld â Wefan Learna