Gweithio gydag Oedolion a Phobl Ifanc sy'n Troseddu

Ymyriadau Cyffuriau

Mae’r modiwl hwn yn gwerthuso’n feirniadol graddau a natur camddefnyddio cyffuriau, dulliau o gymryd, a’r niwed sy’n gysylltiedig â chamddefnyddio cyffuriau ar yr un pryd â dadansoddi’n feirniadol ymyriadau a ddyluniwyd i fynd i’r afael â chamddefnyddio cyffuriau.

Gweithio gydag Oedolion sy’n Troseddu

Bydd y modiwl hwn yn ystyried ymarfer moesegol ac effeithiol gydag oedolion sy’n ymwneud â’r System Cyfiawnder Troseddol. Yn rhan o’r broses hon, bydd myfyrwyr yn dadansoddi’n feirniadol y damcaniaethau sydd wrth wraidd ymddygiad troseddol, gyda phwyslais penodol ar y gwasanaeth prawf, carchardai, a chosb.

Ymagweddau at Iechyd Meddwl Fforensig

Byddwch yn meithrin gwerthfawrogiad beirniadol soffistigedig o effaith trawma a phrofiadau niweidiol yn ystod plentyndod ar ddatblygiad heriau iechyd meddwl. Byddwch yn datblygu sgiliau i arfarnu ymyriadau iechyd meddwl fforensig yn feirniadol – gan gynnwys y ffordd orau o gyfleu’r effeithiolrwydd hwn i ymarferwyr.

Gweithio gyda Phlant a Phobl Ifanc yn y System Cyfiawnder Troseddol

Bydd y modiwl hwn yn archwilio arferion moesegol ac effeithiol gyda phlant a phobl ifanc sy’n ymwneud â’r System Cyfiawnder Troseddol. Bydd y modiwl yn gofyn i fyfyrwyr ddadansoddi’n feirniadol y damcaniaethau sydd wrth wraidd ymddygiad troseddol, gyda phwyslais penodol ar blant a phobl ifanc sydd mewn perygl o gyflawni trosedd neu sydd wedi gwneud hynny.

Ailsefydlu, Adsefydlu ac Ymagweddau Adferol

Nod y modiwl hwn yw darparu dealltwriaeth ddamcaniaethol o ailsefydlu, adsefydlu, a chyfiawnder adferol a sut mae hyn yn berthnasol i ymarfer cyfoes a’r diwydiant, gan roi dealltwriaeth ymarferol a beirniadol i fyfyrwyr o’r gwasanaethau ailsefydlu a ddarperir i’r rhai sy’n dod i gysylltiad â’r system cyfiawnder troseddol.

Prosiect Ymchwil

I ddatblygu dealltwriaeth o’r ffyrdd y mae ymchwil gwyddor gymdeithasol a chyfiawnder troseddol yn cael ei dylunio a’i chynnal; datblygu gallu myfyrwyr i werthuso ymchwil yn feirniadol a rhoi cyfle i fyfyrwyr gymhwyso eu dealltwriaeth o ymagweddau ymchwil a’u sgiliau ymchwil i’w hymchwil neu eu hastudiaeth eu hunain.

Ymchwilio a Diogelu’r Cyhoedd Cymhwysol 

I ddatblygu gwybodaeth reoli am fodelau ac ymagweddau ar gyfer rheoli risg ym maes Diogelu’r Cyhoedd a gweithio gydag asiantaethau niferus i hwyluso ymagwedd arfer gorau at ymchwilio i achosion sy’n ymwneud â phobl agored i niwed mewn cymdeithas.