Meddygaeth Acíwt
Mae meddygaeth acíwt yn arbenigedd sy'n esblygu'n gyflym, a gyda llawer o weithwyr gofal iechyd proffesiynol cyffredinol yn ymgymryd â meddygaeth acíwt fel rhan o'u harferion beunyddiol, mae'r MSc mewn Meddygaeth Acíwt yn ateb y galw am addysg bellach wedi'i theilwra.
Sut i wneud cais/prod01/channel_2/media/university-of-south-wales/site-assets/images/03-courses/nursing/nursing-msc-in-acute-medicine-placeholder-01.jpg)
Agwedd nodedig ar ein cwrs MSc Meddygaeth Acíwt ar-lein yw ei fod yn rhoi cyfle i weithwyr gofal iechyd proffesiynol astudio ar lefel ôl-raddedig heb eu rhyddhau o'r gwaith. Heb unrhyw ddarlithoedd na gweminarau ar adegau penodol, gall myfyrwyr drefnu eu hastudiaethau yn hyblyg o amgylch eu hymrwymiadau personol a phroffesiynol.
CYNLLUNIWYD AR GYFER
Bwriedir ar gyfer
- gweithwyr gofal iechyd proffesiynol
Mewn partneriaeth â
Image: Accreditation logo
Learna | Diploma MSc
Trosolwg o'r Modiwl
Mae'r MSc yn ddilyniant o'r Diploma Ôl-raddedig mewn Meddygaeth Acíwt, ac ar ôl cwblhau'r cwrs byddwch yn derbyn MSc mewn Meddygaeth Acíwt gan Brifysgol De Cymru. Gallwch astudio'r MSc mewn Meddygaeth Acíwt dros flwyddyn neu ddwy flynedd. I astudio dros flwyddyn, bydd angen i chi fod wedi cwblhau'r Diploma Ôl-raddedig mewn Meddygaeth Acíwt yn llwyddiannus - naill ai gyda Diploma MSc neu brifysgol arall yn y DU a bod wedi cwblhau modiwlau tebyg. Gallwn drafod hyn gyda chi fel rhan o'ch cais.
Modiwl 1 – Methodolegau Ymchwil a Gwerthuso Beirniadol
Byddwch yn dysgu mewn ffordd debyg i sut y gwnaethoch chi ddysgu ar y Diploma Ôl-raddedig; fodd bynnag, mae'r modiwl hwn yn cael ei gynnal dros 12 wythnos.
Bwriad y modiwl yw helpu myfyrwyr i adnabod, deall, dehongli a chymhwyso dulliau a ddefnyddir mewn ymchwil gofal iechyd a gwerthuso'n feirniadol y gwahanol fethodolegau sy'n benodol i ymchwil meddygaeth arennol.
Modiwl 2 – Prosiect Proffesiynol
I gynhyrchu'r prosiect proffesiynol, byddwch yn parhau i astudio ar-lein; fodd bynnag, mae llawer o'r gwaith yn hunangyfeiriedig. Byddwch yn datblygu eich gallu i werthuso'n feirniadol feysydd penodol o ymarfer clinigol, ymchwil a/neu sefydliadol a datblygu sgiliau mewn ymchwil annibynnol, astudio ac ysgrifennu ar gyfer cyhoeddi.
Gofynion mynediad
Gofynion cymhwyster nodweddiadol:
Bydd mynediad i'r rhaglen MSc Meddygaeth Acíwt blwyddyn yn gofyn am gwblhau'r Diploma Ôl-raddedig mewn Meddygaeth Acíwt (120 credyd) naill ai o Brifysgol Cymru neu o Brifysgol arall yn y DU.
Gall myfyrwyr wneud cais am y Meistr mewn Meddygaeth Acíwt fel cwrs dwy flynedd sy'n cynnwys wyth modiwl (180 credyd), a'r 120 credyd cyntaf yw'r Diploma Ôl-raddedig.
Er mwyn sicrhau eich lle ar y cwrs, bydd ymgeiswyr fel arfer yn meddu ar radd gyntaf neu gyfwerth (gan gynnwys cymwysterau rhyngwladol) mewn maes gofal iechyd proffesiynol perthnasol, fel gradd feddygol neu nyrsio. Bydd gweithwyr gofal iechyd proffesiynol cofrestredig heb y cymwysterau cydnabyddedig hyn yn cael eu hystyried yn unigol a gellir ystyried ystod eang o brofiad blaenorol.
Gofynion ychwanegol
Mewn rhai achosion, efallai y gofynnir i ymgeiswyr gyflwyno darn o waith i'w asesu er mwyn cadarnhau eu bod yn gallu gweithio'n gyffyrddus ar lefel ôl-raddedig, a dangos y wybodaeth glinigol a phroffesiynol ofynnol.
I astudio dros flwyddyn bydd angen i chi fod wedi cwblhau'r Diploma Ôl-raddedig mewn Meddygaeth Acíwt yn llwyddiannus - naill ai gyda Diploma MSc neu brifysgol arall yn y DU wedi cwblhau modiwlau tebyg. Gallwn drafod hyn gyda chi fel rhan o'ch cais.
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Rydym yma i helpu
P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.
Ffioedd a Chyllid
Costau Ychwanegol
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
Sicrwydd Ansawdd Brifysgol
Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.
Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.
Uchafbwyntiau'r Cwrs
Sut byddwch chi'n dysgu
Bydd gennych diwtor ymroddedig y bydd disgwyl i chi ryngweithio ag ef bob wythnos. Bydd y myfyriwr a'r tiwtor yn rhyngweithio'n rheolaidd (wythnosol) ar ardal drafod benodol y myfyrwyr/tiwtor neu drwy unrhyw ddulliau cyfathrebu eraill y mae'r ddau barti yn eu hystyried yn briodol (ffôn/SKYPE/e-bost).
/prod01/channel_2/media/university-of-south-wales/site-assets/images/16-other/research/research-adult-nursing-students-team-hydr8-32254.jpg)
Staff addysgu
Dr Anil Kumar Pura Narayanaswamy, cyfarwyddwr cwrs a chyfarwyddwr clinigol meddygaeth acíwt yn Ysbyty Athrofaol Cymru ac arweinydd sepsis ar gyfer meddygaeth acíwt.
Mae Dr Narayanaswamy yn oruchwyliwr addysgol achrededig ar gyfer hyfforddeion ôl-raddedig gan gynnwys cwrs hyfforddi CMT sydd wedi'i raddio yn y 5 uchaf yn arolwg GMC yn y Brifysgol ac mae'n rheoli addysgu PACES mewnol ar gyfer hyfforddeion CMT.
/prod01/channel_2/media/university-of-south-wales/site-assets/images/04-profiles/44-alumni/profile-alumni-nursing-megan-51997.jpg)
Cyfleusterau
Fel rhan o'ch astudiaethau ar-lein, bydd gennych fynediad at ddeunyddiau'r Ganolfan Adnoddau Dysgu ym Mhrifysgol De Cymru.
FINDit yw porth y Brifysgol sy'n eich galluogi i chwilio am dros 13,000 o erthyglau cyfnodolion testun llawn, erthyglau newyddion, trafodion cynhadledd a thua 160 o gronfeydd data trwy un blwch chwilio - mae mwyafrif y deunyddiau hyn ar gael ar-lein.
/prod01/channel_2/media/university-of-south-wales/site-assets/images/08-subjects/nursing/subject-nursing-facilities-ward-48213.jpg)
