Meddygaeth Gosmetig ac Esthetig
Bu twf dramatig ym mhoblogrwydd triniaethau cosmetig ledled y byd yn ystod y blynyddoedd diwethaf, gan gynnwys pigiadau tocsin botulinwm, llenwyr dermol, triniaeth laser a mwy.
Sut i wneud cais/prod01/channel_2/media/university-of-south-wales/site-assets/images/03-courses/nursing/nursing-postgraduate-diploma-cosmetic-and-aesthetic-medicine-placeholder-01.jpg)
Mae'r Dystysgrif Ôl-raddedig, a gaiff ei haddysgu'n llwyr ar-lein, wedi'i chynllunio'n benodol ar gyfer meddygon, deintyddion, therapyddion deintyddol, fferyllwyr a nyrsys, ac fe'i datblygwyd er mwyn hyrwyddo a gwella'r wybodaeth broffesiynol sy'n sail i ymarfer mewn meddygaeth gosmetig.
CYNLLUNIWYD GYFER
Meddygon, deintyddion a nyrsys sydd angen cymhwyster ôl-raddedig i gefnogi eu dysgu proffesiynol a'u datblygiad clinigol i ddod yn ymarferydd esthetig.
Mewn partneriaeth â
- Learna | Diploma MSc
Llwybrau Gyrfa
- Ymarferydd Esthetig
Trosolwg o'r Modiwl
Mae'r cwrs ar-lein yn para chwe mis ac mae'n gwrs dysgu o bell rhan-amser, gyda thri modiwl, pob un yn para chwe wythnos.
Anatomeg, Ffisioleg a Materion Proffesiynol
Nod y modiwl yw archwilio'r gwyddorau sy'n sail i feddygaeth gosmetig a'r materion proffesiynol a moesegol allanol sy'n dylanwadu ar ymarfer, gan gydnabod meysydd o wrthdaro posibl a mynd i'r afael â nhw.
Triniaethau Tocsin
Nod y modiwl yw darparu archwiliad manwl o docsin botulinwm fel dull cyffredin iawn o driniaeth cyhyrau wyneb cosmetig; o archwiliad o'r cyd-destun hanesyddol i gymhlethdodau ymarfer heddiw.
Llenwyr Dermol
Nod y modiwl hwn yw archwilio'n feirniadol amrywiaeth o driniaethau sydd â’r nod o fynd i'r afael â'r broses heneiddio, gan ystyried y sylfaen dystiolaeth, disgwyliadau cleifion a phroblemau ac effeithiau tymor byr a thymor hir.
GOFYNION MYNEDIAD
Yn nodweddiadol, bydd gan ymgeiswyr radd gyntaf neu gyfwerth (gan gynnwys cymwysterau rhyngwladol) mewn maes gofal iechyd proffesiynol perthnasol, fel gradd feddygol neu nyrsio.
Bydd gweithwyr gofal iechyd proffesiynol cofrestredig heb y cymwysterau cydnabyddedig hyn yn cael eu hystyried yn unigol a gellir ystyried ystod eang o brofiad blaenorol.
Yn nodweddiadol, bydd ymgeiswyr wedi cwblhau cwrs hyfforddi cydnabyddedig mewn defnydd esthetig o docsinau a llenwyr botulinwm. Mae angen indemniad cyfredol ar gyfer gweithdrefnau cosmetig ar gyfer ymgeiswyr.
Mewn rhai achosion, efallai y gofynnir i ymgeiswyr gyflwyno darn o waith i'w asesu er mwyn cadarnhau eu bod yn gallu gweithio'n gyffyrddus ar lefel ôl-raddedig, a dangos y wybodaeth glinigol a phroffesiynol ofynnol.
Llwythwch y dogfennau canlynol i fyny gyda'ch cais:
- Copi o'ch CV wedi'i ddiweddaru
- Copi o'ch tystysgrif gradd israddedig. ·
- Copi o'ch prawf o gymhwysedd Saesneg
- Tystysgrif yswiriant indemniad.
- Tystiolaeth o gwblhau o leiaf 10 triniaeth gosmetig ee tocsinau a llenwyr botulinwm mewn portffolio esthetig.
- Ardystiad rhagnodydd annibynnol lle bo hynny'n briodol
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Rydym yma i helpu
P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.
Ffioedd a Chyllid
Costau Ychwanegol
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
Sicrwydd Ansawdd Brifysgol
Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.
Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.
Sut byddwch chi'n dysgu
Sut byddwch chi'n dysgu
Cynhelir ein cyrsiau yn gyfan gwbl ar-lein trwy ddysgu o bell hunangyfeiriedig. Byddwch yn derbyn arweiniad drwy gydol eich cwrs gyda thrafodaethau academaidd a ysgogir gan y tiwtor, sy'n seiliedig ar senarios achos sy'n gyfoethog yn glinigol. Mae'r rhain yn digwydd mewn grwpiau o 10-15 o fyfyrwyr fel arfer, sy'n eich galluogi i gyfathrebu'n glir â'ch tiwtor a'ch cyd-fyfyrwyr.
Byddwch yn cymryd rhan mewn cyfuniad o weithgareddau modiwl hefyd a allai fod ar sail grŵp a/neu unigolyn, yn dibynnu ar y modiwl. Mae'r dulliau addysgu arloesol hyn yn eich galluogi i ragweld sut y bydd eich astudiaethau yn eich cynorthwyo yn eich gwaith a'ch ymarfer bob dydd.
/prod01/channel_2/media/university-of-south-wales/site-assets/images/15-placeholder-images/South-Wales-Business-School_49782.jpg)
Staff addysgu
- Dr Karl New, Arweinydd y Cwrs
- Dr Ana Cristina Diniz Silva, Arweinydd y Rhaglen
Mae ein Tîm Cymorth Myfyrwyr ymroddedig ar gael i helpu gydag unrhyw broblemau y gallech eu hwynebu. O lywio eich ffordd drwy ein platfform ar-lein i'ch cynghori ar ddyddiadau cau, gall ein tîm gynorthwyo gydag unrhyw gwestiynau neu heriau a allai fod gennych ar hyd y ffordd.
/prod01/channel_2/media/university-of-south-wales/site-assets/images/15-placeholder-images/South-Wales-Business-School_49782.jpg)
Cyfleusterau
Fel rhan o'ch astudiaethau ar-lein, bydd gennych fynediad at ddeunyddiau'r Ganolfan Adnoddau Dysgu ym Mhrifysgol De Cymru. FINDit yw porth y Brifysgol sy'n eich galluogi i chwilio am dros 13,000 o erthyglau cyfnodolion testun llawn, erthyglau newyddion, trafodion cynhadledd a thua 160 o gronfeydd data trwy un blwch chwilio - mae mwyafrif y deunyddiau hyn ar gael ar-lein. Mae modiwlau sgiliau astudio rhyngweithiol ar gael i'w hastudio drwy Blackboard i'ch galluogi i ddefnyddio'r gwasanaethau llyfrgell yn llawn.
/prod01/channel_2/media/university-of-south-wales/site-assets/images/15-placeholder-images/South-Wales-Business-School_49782.jpg)
Sut i wneud cais
Os ydych chi'n barod i wneud cais am y cwrs hwn, y cam nesaf yw cwblhau eich cais drwy ein partner cyflwyno, Learna Ltd. Er bod y cwrs hwn wedi'i ddilysu gan Brifysgol De Cymru, caiff pob cais ei brosesu'n uniongyrchol gan Learna. Ewch i wefan Learna, lle byddwch yn dod o hyd i gyfarwyddiadau manwl ar sut i wneud cais, gan gynnwys y dogfennau gofynnol a dyddiadau cau allweddol. Drwy wneud cais drwy Learna, byddwch yn cymryd y cam cyntaf tuag at ymuno â phrofiad dysgu hyblyg o ansawdd uchel wedi'i gynllunio i gyd-fynd â'ch ymrwymiadau.
Gwefan Learna