Meddygaeth Rywiol ac Atgenhedlol
Nod y Diploma Ôl-raddedig ar-lein mewn Meddygaeth Rhywiol ac Atgenhedlol yw rhoi gwybodaeth a dealltwriaeth feirniadol o feddygaeth rhywiol ac atgenhedlol i raddedigion.
Sut i wneud cais/prod01/channel_2/media/university-of-south-wales/site-assets/images/03-courses/nursing/nursing-postgraduate-diploma-sexual-and-reproductive-medicine-placeholder-01.jpg)
Caiff y Diploma Ôl-raddedig dysgu o bell rhan-amser ar-lein mewn Meddygaeth Rhywiol ac Atgenhedlol ei gyflwyno dros flwyddyn ac mae wedi'i ddatblygu'n arbennig ar gyfer gweithwyr iechyd proffesiynol prysur.
CYNLLUNIWYD AR GYFER
Fe'i datblygwyd ar gyfer meddygon teulu, meddygon, nyrsys, fferyllwyr ac unigolion eraill â chymwysterau addas sydd â diddordeb mewn meddygaeth rhywiol ac atgenhedlol.
Mewn partneriaeth â
- Learna | Diploma MSc
Trosolwg o'r Modiwl
Y System Atgenhedlu, Ffrwythlondeb a Beichiogrwydd
Byddwch yn datblygu dealltwriaeth feirniadol o anatomeg, ffisioleg ac endocrinoleg atgenhedlu ac ymwybyddiaeth o ffisioleg arferol mewn perthynas â beichiogi, mewnblannu a beichiogrwydd.
Swyddogaeth Rywiol
Byddwch yn ennill dealltwriaeth fanwl o'r mecanweithiau ffisiolegol a seicolegol sy'n sail i swyddogaeth rywiol, a dealltwriaeth swyddogaethol o bathoffisioleg anhwylderau rhywiol.
Tanffrwythlondeb ac Anffrwythlondeb Gwrywaidd
Byddwch yn datblygu dealltwriaeth fanwl o'r mecanweithiau pathoffisiolegol sy'n sail i anffrwythlondeb gwrywaidd, a'r opsiynau therapiwtig sy'n gysylltiedig ag anffrwythlondeb gwrywaidd.
Tanffrwythlondeb ac Anffrwythlondeb Benywaidd
Byddwch yn ennill gwybodaeth fanwl am achosion anffrwythlondeb benywaidd a dealltwriaeth o reolaeth glinigol tanffrwythlondeb / anffrwythlondeb benywaidd.
Rheolaeth Gychwynnol y Pâr Anffrwythlon
Byddwch yn datblygu dealltwriaeth o sut i ymchwilio a rheoli'r pâr sydd â phroblemau ffrwythlondeb, gan gynnwys epidemioleg a’r diffiniad o anffrwythlondeb ac ymwybyddiaeth o'r diagnosis a'r ymchwiliad i gamesgoriad ailadroddus.
Atgenhedlu â Chymorth a Moeseg
Byddwch yn datblygu ymwybyddiaeth feirniadol o driniaethau anffrwythlondeb sydd ar gael ar hyn o bryd, ac ymwybyddiaeth o'r cyfyng-gyngor moesegol sy'n ymwneud ag atgenhedlu â chymorth a sut mae'n ymwneud â gwahanol fathau o sensitifrwydd gwleidyddol a chrefyddol.
GOFYNION MYNEDIAD
Gofynion cymhwyster nodweddiadol:
Er mwyn sicrhau eich lle ar y cwrs, bydd ymgeiswyr fel arfer yn meddu ar radd dosbarth gyntaf neu gyfwerth (gan gynnwys cymwysterau rhyngwladol) mewn maes gofal iechyd proffesiynol perthnasol, fel gradd feddygol neu nyrsio. Ystyrir gweithwyr gofal iechyd proffesiynol cofrestredig heb y cymwysterau cydnabyddedig yn unigol a gellir ystyried ystod eang o brofiad blaenorol.
Gofynion Ychwanegol:
Mewn rhai achosion, efallai y gofynnir i ymgeiswyr gyflwyno darn o waith i'w asesu er mwyn cadarnhau eu bod yn gallu gweithio'n gyffyrddus ar lefel ôl-raddedig, a dangos y wybodaeth glinigol a phroffesiynol ofynnol.
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Rydym yma i helpu
P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.
Ffioedd a Chyllid
Costau Ychwanegol
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
Sicrwydd Ansawdd Brifysgol
Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.
Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.
Uchafbwyntiau'r Cwrs
Sut byddwch chi'n dysgu
Byddwch chi'n gwneud cyfuniad o brosiectau unigol a grŵp, a bydd gennych bortffolio
ymarfer myfyriol i'ch helpu chi i ystyried sut y gellir trosi'r hyn rydych chi'n ei ddysgu ar y cwrs yn waith ac ymarfer bob dydd.
/prod01/channel_2/media/university-of-south-wales/site-assets/images/15-placeholder-images/South-Wales-Business-School_49782.jpg)
Staff addysgu
- Janet Evans, Ymgynghorydd Obstetreg a Gynaecoleg, Cyfarwyddwr y Cwrs
- Angela Sims, Arweinydd Cwrs PDC
Cewch gefnogaeth tîm ymroddedig a fydd yn eich helpu gydag unrhyw heriau y gallech eu hwynebu - o help i lywio eich ffordd o gwmpas ein platfform dysgu ar-lein i gyngor ar yr hyn y mae angen i chi ei wneud i basio'r cwrs a bodloni terfynau amser.
Cyfleusterau
Fel rhan o'ch astudiaethau, bydd gennych fynediad at dros 13,000 o erthyglau cyfnodolion testun llawn, erthyglau newyddion a thrafodion cynadleddau.
/prod01/channel_2/media/campus-spaces-newport-library-27717-857X857.jpg)
Sut i wneud cais
Os ydych chi'n barod i wneud cais am y cwrs hwn, y cam nesaf yw cwblhau eich cais drwy ein partner cyflwyno, Learna Ltd. Er bod y cwrs hwn wedi'i ddilysu gan Brifysgol De Cymru, caiff pob cais ei brosesu'n uniongyrchol gan Learna. Ewch i wefan Learna, lle byddwch yn dod o hyd i gyfarwyddiadau manwl ar sut i wneud cais, gan gynnwys y dogfennau gofynnol a dyddiadau cau allweddol. Drwy wneud cais drwy Learna, byddwch yn cymryd y cam cyntaf tuag at ymuno â phrofiad dysgu hyblyg o ansawdd uchel wedi'i gynllunio i gyd-fynd â'ch ymrwymiadau.
Gwefan Learna