This website uses cookies to improve your experience. Read our cookie policy

MBA

Meistr mewn Gweinyddu Busnes Byd-eang (Rheoli Lletygarwch)

Byddwch yn datblygu eich arbenigedd ar draws pob maes busnes gyda ffocws ar adeiladu eich profiad o weithio yn y sector lletygarwch yn y DU. Rhowch eich sgiliau ar waith gydag wyth mis o brofiad gwaith, prosiect CAPSTONE a arweinir gan gleientiaid, a chyfleoedd rhwydweithio gydag amrywiaeth o weithwyr proffesiynol y diwydiant lleol.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Casnewydd

  • Côd y Campws

    C

Ffioedd

  • Myfyrwyr cartref

    £14,800*

  • Myfyrwyr rhyngwladol

    £17,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Agorwch ddrysau i gyfleoedd rheoli trwy astudio ein MBA Byd-eang (Rheoli Lletygarwch), a gynigir mewn cydweithrediad â’r Celtic Collection – prif grŵp o westai moethus yng Nghymru – ac Ysgol Lletygarwch Celtic Collection.

WEDI'I GYNLLUNIO AR GYFER

Pobl sydd wedi'u cymell i feithrin eu sgiliau arwain, datblygu'n broffesiynol, a deall rheoli busnes a lletygarwch o safbwynt byd-eang.

Llwybrau Gyrfa

  • Dadansoddwr busnes 
  • Swyddog Adnoddau Dynol
  • Rheolwr gweithrediadau 
  • Cynllunydd ariannol 
  • Rheolwr datblygu busnes 

Sgiliau a addysgir

  • Arweinyddiaeth 
  • Cyfathrebu 
  • Rheoli prosiectau 
  • Arloesi a datrys problemau 
  • Gwaith tîm 

Uchafbwyntiau'r Cwrs

Enillwch brofiad gwaith gwerthfawr

Byddwch yn gallu ymgymryd â lleoliad hyd at wyth mis o hyd. Byddwch yn gymwys i wneud cais am leoliad cyflogedig a gefnogir gan y Celtic Collection, mae'r rhain yn ddewisol.

Prosiectau Diwydiant

Byddwch yn gweithio ar prosiectau diwydiant capstone, sy'n cael eu gosod gan bartneriaid yn y sector cyhoeddus a phreifat i'ch helpu i hogi sgiliau datrys problemau yn y byd go iawn.

Datblygu Portffolio Diwydiant

Yn ogystal â lleoliad, byddwch yn gallu adeiladu portffolio sgiliau proffesiynol yn canolbwyntio ar y sector lletygarwch a fydd yn cefnogi eich gyrfa yn y dyfodol fel gweithiwr proffesiynol yn y diwydiant.

Dysgu gan Arweinwyr Busnes a Pholisi

Byddwch yn cael y cyfle i fynd ar ymweliadau â diwydiant i ddysgu gan gyflogwyr mawr yn y sector lletygarwch a gofyn cwestiynau yn uniongyrchol i uwch weithwyr proffesiynol.

Trosolwg o'r Modiwl

Bydd ein rhaglen MBA yn eich sefydlu i fod yn arweinydd busnes hyderus a chyflawn. Bydd y flwyddyn gyntaf yn gosod y sylfeini, gan gwmpasu pob agwedd bwysig ar fusnes modern, rhyngwladol. Yna byddwch yn gweithio ar fireinio eich sgiliau yn eich llwybr dewisol ym mlwyddyn dau, trwy gwblhau prosiect gyda phartner diwydiant a chael profiad gwaith gwerthfawr am hyd at wyth mis.

Blwyddyn Un
Heriau Byd-eang
Marchnata a Chyfathrebu Byd-eang
Ymddygiad Sefydliadol, Rheoli Adnoddau Dynol ac Arweinyddiaeth 
Strategaeth Fyd-eang a Gwneud Penderfyniadau
Rheolaeth Ariannol Strategol 
Rheoli Gweithrediadau yn yr Oes Ddigidol 
Datblygu Sgiliau Personol a Phroffesiynol 1 

Blwyddyn Dau
Prosiect Capstone 
Datblygu Sgiliau Personol a Phroffesiynol 2 
Lleoliad Gwaith 

Datblygwch eich sgiliau ar draws pob maes busnes gan gynnwys rheoli, marchnata ac adnoddau dynol. Erbyn diwedd y flwyddyn gyntaf, bydd gennych well dealltwriaeth o wahanol swyddogaethau busnes a sut maent yn cydberthyn yn ogystal â bod gam yn nes at ddod yn arweinydd mwy hyderus a chyflawn.

Heriau Byd-eang 
Archwiliwch y prif mega-dueddiadau byd-eang, grymoedd gyrru a heriau ar gyfer busnes byd-eang heddiw, a'r ffyrdd y maent yn effeithio ar reoli busnes byd-eang a chadwyni gwerth byd-eang. 

Marchnata a Chyfathrebu Byd-eang 
Bydd y modiwl hwn yn rhoi'r wybodaeth a'r offer sydd eu hangen arnoch i ddylunio strategaethau ac arferion cyfathrebu marchnata sydd wedi'u hintegreiddio'n fyd-eang. 

Ymddygiad Sefydliadol, Rheoli Adnoddau Dynol ac Arweinyddiaeth 
Enillwch ddealltwriaeth feirniadol ac integredig o arweinyddiaeth, ymddygiad sefydliadol a HRM mewn cyd-destun byd-eang.

Strategaeth Fyd-eang a Gwneud Penderfyniadau
Byddwch yn datblygu eich enderfyniadau effeithiol sy'n gyson mewn ma gallu i ddeall a gwerthuso'n feirniadol ystod o opsiynau strategol ar gyfer gwneud prchnad fyd-eang ddeinamig ac amrywiol. 

Rheolaeth Ariannol Strategol 
Mae’r modiwl yn rhoi trosolwg o reolaeth ariannol strategol sefydliad, o safbwyntiau rhanddeiliaid mewnol ac allanol. 

Rheoli Gweithrediadau yn yr Oes Ddigidol 
Bydd y modiwl hwn yn rhoi dealltwriaeth feirniadol i chi o egwyddorion, arferion, a methodolegau rheoli gweithrediadau a'u haddasiad yn yr oes ddigidol ar gyfer gwell perfformiad gweithredol a'r gadwyn gyflenwi. 

Datblygu Sgiliau Personol a Phroffesiynol 1 
Yn seiliedig ar arfer proffesiynol cyfoes ac yn cael ei gyflwyno gan arbenigwyr yn y diwydiant, mae’r gweithdai’n rhoi’r sgiliau sydd eu hangen arnoch i ddod yn weithiwr proffesiynol gwydn, moesegol a byd-eang. 

Bydd eich ail flwyddyn o astudio yn eich galluogi i roi eich holl sgiliau ar waith ac arbenigo yn eich llwybr dewisol. Byddwch yn ymgymryd â phrosiect CAPSTONE dan arweiniad diwydiant ac yn cwblhau hyd at wyth mis o brofiad gwaith.

Prosiect Capstone 
Gan weithio mewn tîm o fyfyrwyr byddwch yn paratoi adroddiad ac argymhellion y gellir eu gweithredu ar gyfer cleient go iawn gan ddefnyddio'r offer, y safbwyntiau a'r theorïau a astudiwyd ym mlwyddyn un. 

Datblygu Sgiliau Personol a Phroffesiynol 2 
Cyfle cyffrous i ddatblygu eich sgiliau proffesiynol a chyflogadwyedd ymhellach trwy weithdai sgiliau ymarferol. 

Lleoliad Gwaith 
Enillwch brofiad gwerthfawr yn y gweithle gyda hyd at wyth mis ar leoliad. Rhaid i chi ddewis rhwng lleoliad gwaith allanol, lleoliad ymgynghori mewnol, lleoliad mewnol ar sail entrepreneuriaeth neu efelychiad busnes ar-lein mewnol. 

Uchafbwyntiau'r Cwrs

Sut byddwch chi'n dysgu

Byddwch yn dysgu trwy gymysgedd o ddarlithoedd a gweithdai, gyda ffocws ar brosiectau diwydiant go iawn ac enghreifftiau ymarferol i gysylltu theori ag ymarfer. Mae ein tîm cwrs yn cynllunio ystod o weithgareddau allgyrsiol i gefnogi dysgu myfyrwyr gan gynnwys sgyrsiau gwadd gan arbenigwyr diwydiant, ymweliadau busnes, a chydweithio â myfyrwyr o gyrsiau eraill i rannu eu gwybodaeth. Nid oes unrhyw draethodau nac arholiadau traddodiadol - mae pob asesiad wedi'i gynllunio i'ch helpu i adeiladu portffolio o sgiliau a chymwyseddau. O baratoi adroddiadau a briffiau, i gyflwyno, sesiwn sylw a mynd i'r afael â heriau dilys sy'n gysylltiedig â gwaith, byddwch yn datblygu sgiliau ymarferol i'ch paratoi ar gyfer eich gyrfa. 

Staff addysgu

Daw ein staff MBA Byd-eang o bob rhan o’r byd, a rhyngddynt, maent yn siarad dros 15 o ieithoedd. Maent yn arbenigwyr mewn meysydd craidd megis rheoli gweithrediadau, dadansoddeg busnes, trawsnewidiadau ynni, HRM a marchnata digidol. Mae ganddynt brofiad o astudio a gweithio mewn gwledydd ar draws y byd, o Awstralia, India ac UDA drwodd i Japan, Nigeria a’r Ffindir, ac felly maent yn dod â dull gweithredu sy’n seiliedig ar brofiadau diwylliannol amrywiol i’r MBA Byd-eang.

Lleoliadau a phrofiad gwaith

Gall myfyrwyr MBA Byd-eang gwblhau naill ai ‘interniaeth gweithle’ neu ‘interniaeth sy’n seiliedig ar brosiectau’, gan gynnig cyfle iddynt gymhwyso gwybodaeth ystafell ddosbarth mewn lleoliadau busnes byd go iawn a datblygu sgiliau sy’n cael eu gwerthfawrogi gan gyflogwyr. Mae interniaethau yn rhoi cipolwg buddiol ar sut mae sefydliadau'n gweithredu a'r heriau y maent yn eu hwynebu - profiad a fydd yn eich helpu i sefyll allan yn ystod cyfweliadau a chryfhau eich CV. Gydag interniaeth yn y gweithle byddwch yn rhan annatod o gyflogwr, ac mae'n debygol y bydd gennych ystod o wahanol gyfrifoldebau. Gyda'n interniaethau sy’n seiliedig ar brosiectau, byddwch yn gweithio ar brosiect ffocysedig i'r cyflogwr. Yn ystod eich astudiaethau, byddai gennych yr opsiwn i gwblhau dau o'r interniaethau hyn sy’n seiliedig ar brosiectau, gan roi gwerth ychwanegol i'ch CV. Mae llwybrau interniaeth yn dibynnu ar argaeledd a bydd myfyrwyr yn gwneud dewisiadau gyda chymorth tîm y cwrs. 

Cyfleusterau

Mae’r MBA Byd-eang wedi’i leoli ar ein campws yng Nghasnewydd yng nghanol y ddinas ac ar lannau Afon Wysg - dim ond ychydig funudau o waith cerdded o hyb manwerthu’r ddinas, ac mae ganddo gysylltiadau da â chyflogwyr mawr. Ar y campws, gall myfyrwyr elwa o gyfleusterau gan gynnwys ein llyfrgell ac Undeb Myfyrwyr yn ogystal â'n Canolfan Ymchwil Hydra drawiadol, lle mae myfyrwyr yn ymgymryd â dysgu ac asesiadau efelychiedig sy'n eu paratoi i wynebu heriau'r byd go iawn. Y tu allan i'r ystafell ddosbarth, mae myfyrwyr yn elwa ar fynediad am ddim i LinkedIn Learning ac mae'n ofynnol iddynt gwblhau hyfforddiant fel rhan o fodiwlau amrywiol ar y cwrs i gryfhau eu portffolio busnes. Bydd myfyrwyr ar yr MBA Byd-eang (Rheoli Lletygarwch) hefyd yn gallu profi gweithrediadau ar draws grŵp gwestai moethus Celtic Collection. 

Gyrfaoedd a Chyflogadwyedd

Gyrfaoedd Graddedigion

Bydd y rhaglen MBA Byd-eang yn paratoi myfyrwyr ar gyfer cyflogaeth o fewn ystod o rolau ar draws y sector lletygarwch. Bydd y profiad a'r wybodaeth a gewch hefyd yn rhoi'r sgiliau a'r cymwyseddau i chi ddilyn gyrfaoedd graddedigion mewn rolau sy'n canolbwyntio ar gwsmeriaid ar draws y diwydiant gwasanaeth. Mae’n ddelfrydol os ydych yn gweld eich hun yn symud ymlaen i swydd reoli neu arwain o fewn sefydliad, boed yn y DU neu’n gweithio’n rhyngwladol. Mae graddedigion o’r MBA Byd-eang wedi mynd ymlaen i weithio i sefydliadau mawr fel Santander, Deloitte, Y Weinyddiaeth Gyfiawnder, y Gwasanaeth Iechyd Gwladol yn ogystal ag i lu o fusnesau bach a chanolig yn y DU a thu hwnt.

Cymorth Gyrfaoedd

Ar yr MBA Byd-eang, mae’r modiwl Datblygu Sgiliau Personol a Phroffesiynol yn rhoi cyfle cyffrous i fyfyrwyr gymryd rhan mewn gweithdai sy’n adlewyrchu arferion busnes proffesiynol, ymarferol cyfoes sy’n cael eu cyflwyno gan arbenigwyr yn y diwydiant a/neu arbenigwyr academaidd i ddatblygu eu sgiliau proffesiynol a chefnogi datblygiad gyrfa. Byddwch hefyd yn cael mynediad am ddim i LinkedIn Learning i gwblhau cyrsiau a phortffolio gwybodaeth, sy'n benodol i'ch nodau gyrfa. 

 Fel myfyriwr PDC, bydd gennych hefyd fynediad at gyngor gan ein gwasanaeth Gyrfaoedd a Chyflogadwyedd trwy gydol eich astudiaethau a phan fyddwch yn graddio. Gallant helpu gydag unrhyw beth o adeiladu CV i asesiadau cyfweliad, cyngor ar ddod o hyd i gyfleoedd gwaith a hyd yn oed gwblhau ceisiadau. 

Partneriaid Diwydiant

Mae gan ein staff gysylltiadau ag ystod eang o fusnesau ac entrepreneuriaid lleol a, bob blwyddyn, maent yn cael y cyfle i ymweld â chyflogwyr mawr o sefydliadau ariannol fel Banc Barclays a NatWest i asiantaethau adnoddau dynol a recriwtio arobryn a chynhyrchwyr blaenllaw gyda rhwydweithiau ledled y byd. 

Mae myfyrwyr hefyd yn elwa o gysylltiadau â diwydiant wrth gwblhau eu Prosiect Capstone, gan roi cyfle unigryw iddynt gydweithio â sefydliad cleient ar her fusnes byd go iawn o fewn y sector lletygarwch. 

GOFYNION MYNEDIAD

Gofynion cymhwyster nodweddiadol:

O leiaf gradd anrhydedd ail ddosbarth gan sefydliad yn y DU neu gymhwyster rhyngwladol cydnabyddedig cyfatebol.

Er bod profiad perthnasol o weithio yn y sector lletygarwch yn well, byddwn yn ystyried ceisiadau gan fyfyrwyr sy'n gallu dangos diddordeb ac angerdd am y diwydiant.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£14,800

fesul blwyddyn*
Ffi Llawn Amser Rhyngwladol

£17,900

fesul blwyddyn*
Ffi Llawn Amser Rhyngwladol

£17,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

* Rhwymedig 

Ar ôl cwblhau'r cwrs yn llwyddiannus, bydd myfyrwyr yn gallu ennill Diploma Lefel 7 CMI mewn Rheoli ac Arwain Strategol. Codir £250 ar fyfyrwyr sy'n dymuno gwneud hyn (pris yn gywir ar adeg ysgrifennu).

Cost: £250

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

DARPARODD FY LLEOLIAD GWEITHREDIADAU GWESTY GYDA'R CELTIC COLLECTION BROFIAD YMARFEROL AMHRISIADWY MEWN AMGYLCHEDD LLETYGARWCH O'R RADD FLAENAF.

Deepu

Myfyriwr MBA Byd-Eang

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
University of South Wales Newport Campus.
Campws Casnewydd
A member of staff is smiling and chatting with an open evening visitor.
Digwyddiadau Agored Ôl-raddedig

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Cyrsiau Cysylltiedig

Logisteg Ryngwladol a Rheoli Cadwyn Gyflenwi - MSc Dysgu mwy
Doethur mewn Gweinyddu Busnes - DBA Dysgu mwy
Meistr mewn Gweinyddu Busnes - MBA Dysgu mwy
Arwain a Rheoli - MSc Dysgu mwy

Camau Nesaf

Sut i Wneud Cais
Archebwch Noson Agored
Sariad â ni