This website uses cookies to improve your experience. Read our cookie policy

PGDip

Nyrsio (Iechyd Meddwl)

Mae'r Diploma Ôl-raddedig mewn Nyrsio (Iechyd Meddwl) yn cyfuno gwybodaeth a theori nyrsio ac yn eu cymhwyso i ymarfer.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £7,200*

  • Myfyrwyr rhyngwladol

    £11,267*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae'r cwrs hwn yn darparu llwybr 2 flynedd i gofrestru fel nyrs i'r rhai sydd eisoes yn meddu ar radd anrhydedd israddedig ac sydd â phrofiad ymarferol mewn iechyd a/neu ofal cymdeithasol. Mae'r cwrs yn cael ei ddilysu gan y Cyngor Nyrsio a Bydwreigiaeth ac ar ôl cwblhau'r cwrs gall myfyrwyr wneud cais i gofrestru gyda'r cyngor.

CYNLLUNIWYD AR GYFER

Nod y cwrs hwn yw cynhyrchu nyrsys sydd â'r gallu i arwain a gweithio mewn amrywiaeth o leoliadau a chynnal natur unigryw eu maes ymarfer.

Llwybrau Gyrfa

  • Nyrs

Sgiliau a addysgir

  • Cydnerthedd
  • Meddwl yn feirniadol
  • Arweinyddiaeth
  • Sgiliau rhyngbersonol

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

Nursing student taking medication from a fridge and smiling at camera
Mental health nurse kneeling down next to a patient simulator dummy whilst smiling at the camera
Nursing student measuring the pulse of a simulator mannequin in the Clinical Simulation Centre
A nurse chatting to a patient who is to the side of the camera

Trosolwg o'r Modiwl

Mae'r Diploma Ôl-raddedig mewn Nyrsio (Iechyd Meddwl) yn cynnwys chwe modiwl 20 credyd.

  • Dod yn ymarferydd hyfedr a gwybodus
  • Y nyrs fel arweinydd, asiant newid ac addysgwr ar draws lleoliadau gofal
  • Hyrwyddo gwybodaeth, sgiliau ac ymyriadau therapiwtig seiliedig ar dystiolaeth
  • Hybu iechyd ac atal afiechyd: Y Nyrs fel addysgwr gwybodus
  • Asesu, gofal seiliedig ar dystiolaeth a gwerthuso
  • Datblygu hyfedredd i lywio penderfyniadau yn yr amgylchedd ymarfer

Uchafbwyntiau'r Cwrs

Sut byddwch chi'n dysgu

Defnyddir dull dysgu cyfunol drwyddo draw a fydd yn hwyluso gwahanol arddulliau dysgu ac yn cydnabod athroniaeth ehangu mynediad. Bydd y strategaeth dysgu ac addysgu yn adlewyrchu ystod ac amrywiaeth cynnwys cyrsiau.

Bydd myfyrwyr yn cymryd rhan mewn dysgu efelychiadol yn y Ganolfan Efelychu Clinigol. Mae hon yn darparu cyfleuster o'r radd flaenaf sydd ag offer da ac sy'n efelychu amrywiaeth o leoliadau ymarfer.

Mae hanner y cwrs yn cael ei wneud yn yr amgylchedd dysgu ymarfer. Bydd gan fyfyrwyr o leiaf 21 wythnos o brofiad ym maes gofal iechyd fesul rhan o'r rhaglen.

Staff addysgu

Bydd myfyrwyr yn cael eu cefnogi a'u haddysgu gan ymarferwyr arbenigol a defnyddwyr gwasanaethau ym maes nyrsio a thu hwnt, sy'n cynnig enghreifftiau cyfoes penodol i ddisgyblaeth o'r ymarfer iechyd a gofal cymdeithasol gorau. 

Mae tîm y cwrs yn cynnwys staff academaidd sy'n weithwyr gofal iechyd proffesiynol profiadol. Mae gan y tîm gyfoeth o brofiad o gefnogi dysgu, addysgu ac asesu mewn lleoliadau addysg ac ymarfer ar bob lefel academaidd.

  •  Karyn Davies
  • Emmajane Watkins
  • Marcelle dos Santos
  • Patrick Owen
  • Natasha Miller
  • Sarah Davey 

Lleoliadau

Disgwylir i fyfyrwyr deithio ond yn gyffredinol bydd yr amser teithio yn llai na 60 munud. Mewn rhai meysydd ymarfer, gall lleoliadau gymryd mwy na'r cyfartaledd. Pan fydd hynny'n bosibl, darperir llety i leihau teithio gormodol. 

Mae cyfle i gael lleoliadau Ewropeaidd a bydd y lleoliadau hyn yn cael eu hysbysebu i'r grwpiau myfyrwyr wrth iddynt ddod ar gael.

Cyfleusterau

Mae'r cyrsiau'n galluogi myfyrwyr i ddatblygu eu sgiliau mewn cyfathrebu a rheoli perthnasoedd, sgiliau gweithdrefnol ac ymyriadau gofal nyrsio a rheoli mewn amrywiaeth o gyfleusterau o'r radd flaenaf, gan gynnwys y Ganolfan Efelychu Clinigol a Chanolfan Hydra Minerva. 

Mae'r cyfleusterau yn PDC yn cynnig cyfle gwych i fyfyrwyr ddysgu a datblygu gwybodaeth, sgiliau a gwerthoedd craidd nyrsio mewn amgylcheddau dysgu diogel sy'n adlewyrchu neu'n ail-greu'r heriau a wynebir ar draws amgylcheddau dysgu ymarfer. Mae hyn yn caniatáu arbrofi ac ymarfer technegau yn ddiogel ac yn magu hyder myfyrwyr wrth baratoi ar gyfer eu profiadau dysgu ymarfer.

Gyrfaoedd a Chyflogadwyedd

Llwybrau gyrfa posibl

Gall myfyrwyr sydd wedi cofrestru gyda'r Cyngor Nyrsio a Bydwreigiaeth wneud cais am rolau mewn ystod eang o leoliadau'r GIG, y tu allan i'r GIG a gofal cymdeithasol sy'n gysylltiedig â'u maes ymarfer.  

 

Cymorth gyrfaoedd

GOFYNION MYNEDIAD

Gofynion cymhwyster nodweddiadol:

  • Gradd israddedig gyda dosbarthiad o 2: 1 neu uwch.
  • Wedi'ch cyflogi mewn amgylchedd iechyd neu ofal cymdeithasol perthnasol am fwy na 6 mis, sy'n gofyn am ddilysiad gan weithiwr gofal iechyd proffesiynol cofrestredig.
  • Y gallu i ddangos y gallu mewn rhifedd, llythrennedd a llythrennedd digidol a thechnolegol i gyflawni canlyniadau dysgu'r cwrs.
  • Portffolio o dystiolaeth a all gynnwys tystiolaeth o hyfforddiant / dysgu ardystiedig a sgiliau trosglwyddadwy. Asesir hyn gan arweinydd y cwrs a'r arholwr allanol i benderfynu bod y dystiolaeth yn cwrdd â'r canlyniadau dysgu gofynnol. Lawrlwythwch ein Canllaw i Gydnabod ar gyfer Dysgu Blaenorol i'ch helpu chi i gyflwyno'ch tystiolaeth ar gyfer hyn.
  • Mae angen Cyfweliad a fydd yn archwilio a yw ymgeiswyr wedi ystyried gofynion y cwrs a'r proffesiwn yn llawn ac yn gallu cyfleu rhai o'r gwerthoedd sydd eu hangen i ddarparu gofal tosturiol sy'n canolbwyntio ar yr unigolyn.

Gofynion Ychwanegol:

  • Disgwylir i ymgeiswyr fod yn gwbl ymwybodol o ofynion eu dewis faes ymarfer nyrsio a bod â'r cymeriad a'r statws da sy'n ofynnol i gynnal gwerthoedd y Cod.
  • Mae'r Brifysgol fel arfer angen o leiaf 5 TGAU gan gynnwys Mathemateg/Rhifedd a Saesneg Gradd C neu Radd 4 neu uwch, neu eu cyfwerth, ond rhoddir ystyriaeth i amgylchiadau unigol.
  • Y cymwysterau cyfwerth a ystyrir yw Sgiliau Hanfodol Lefel Dau mewn Cyfathrebu a Chymhwyso Rhif, neu Sgiliau Gweithredol Lefel Dau mewn Saesneg a Mathemateg. (Rhaid bod wedi ei gyflawni ers 2016).
  • Y gallu i ddangos hyfedredd mewn Iaith Saesneg.
  • Gwiriad Gwasanaeth Gwahardd Datgeliad Gwell (DBS) ar gyfer y Gweithlu Plant ac Oedolion a Rhestrau Gwahardd Plant ac Oedolion. (ni ystyrir bod unrhyw droseddau'n cael eu cyflawni).
  • Arddangos iechyd da gyda chliriad galwedigaethol.

Ar gau i ymgeiswyr rhyngwladol

Yn anffodus, nid yw'r cwrs hwn yn agored i ymgeiswyr rhyngwladol ar hyn o bryd, ewch i'n tudalennau cwrs lle gallwch ddod o hyd i ddewis arall o gyrsiau.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£7,200

fesul blwyddyn*
Ffi Llawn Amser Rhyngwladol

£11,267

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Mae angen gwiriad manylach gan y Gwasanaeth Datgelu a Gwahardd. Mae'r gwasanaeth diweddaru yn cael ei argymell.

Cost: £64.74 y flwyddyn ar gyfer DBS uwch a £16 am y gwasanaeth diweddaru.

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
Close up shot of the front of the Alfred Russell wallace building.
Campws Pontypridd, Glyn-taf
A member of staff is smiling and chatting with an open evening visitor.
Digwyddiadau Agored Ôl-raddedig

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Camau Nesaf

Sut i Wneud Cais
Archebwch Noson Agored
Sariad â ni