This website uses cookies to improve your experience. Read our cookie policy

PGDip

Astudiaethau Iechyd Cymunedol (Ymarferydd Arbenigol Nyrsio Ardal)

Ydych chi'n nyrs gofrestredig sy'n gweithio yn y gymuned ac yn awyddus i ddatblygu eich gyrfa?

Sut i wneud cais Archebu Lle ar Ddiwrnod Agored Siarad gyda Ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £1,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Symudwch i faes arwain a rheoli drwy gwblhau ein Cymhwyster Ymarferydd Arbenigol mewn Nyrsio Ardal (CYANA), wedi’i gofnodi gyda’r Cyngor Nyrsio a Bydwreigiaeth.

CYNLLUNIWYD AR GYFER

Mae ein cwrs yn eich paratoi i ddod yn Ymarferydd Arbenigol mewn Nyrsio Ardal cymunedol yn dilyn Safonau Hyfedredd y CNB (2022) ar gyfer Cymwysterau Ymarfer Arbenigol Nyrsio Cymunedol.

Llwybrau Gyrfa

  • Ymarferydd Arbenigol mewn Nyrsio Ardal

Y sgiliau a addysgir

  • Ymarfer ag Ymreolaeth Seiliedig ar Ymarfer
  • Arweinyddiaeth a Rheoli
  • Asesiadau’n cynnwys meddwl beirniadol, gwneud penderfyniadau a datrys problemau
  • Sut i wella ansawdd mewn lleoliadau gofal iechyd
  • Addysg Iechyd a Hybu Iechyd

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

A nurse dressed in scrubs is standing outdoors while smiling at the camera. She is holding a basket with prescriptions in it, ready to deliver to patients and her car is in the background.
Exterior shot of the University Clinical Simulation Centre, Tramsheds.
A district nurse in uniform sits on a sofa with a cup of tea and listens intently to an elderly male patient inside his home

Uchafbwyntiau’r Cwrs

Cwrs wedi’i Gymeradwyo gan y CNB

Enillwch Gymhwyster Ymarferydd Arbenigol wedi'i gofnodi gyda'r Cyngor Nyrsio a Bydwreigiaeth.

Dysgu wedi’i Gyllido

Mae cyllid gan Addysg a Gwella Iechyd Cymru ar gael i nyrsys cofrestredig sy'n gweithio ar hyn o bryd mewn lleoliad cymunedol.

Cynyddwch eich gwybodaeth

Byddwch yn datblygu gwybodaeth hanfodol i arwain a rheoli llwythi achos a thimau, gan eich galluogi i ddatblygu i swyddi Band 6 a 7.

Dilyniant Gyrfa

Mae hwn yn gymhwyster hanfodol ar gyfer timau nyrsio cymunedol Band 6 a 7 yng Nghymru.

Trosolwg o’r Modiwl

Mae'r cwrs yn para o fis Medi i fis Awst ar sail ran amser dros ddwy flynedd. Mae gofyniad i gwblhau oriau ar waith theori a chlinigol ar gyfer pob modiwl. Byddwch yn derbyn Dogfen Asesu Ymarfer Cymru Gyfan (DAY) ar gyfer yr elfennau clinigol gorfodol. Cyflwynir y cwrs drwy ddull dysgu cyfunol - gan ddefnyddio addysgu wyneb yn wyneb ac ar-lein.

Mae tri modiwl ym Mlwyddyn Un gyda'r nod o ddatblygu gwybodaeth a sgiliau arbenigol myfyrwyr mewn ymarfer annibynnol, asesu a chynllunio gofal, ac ymarfer yn seiliedig ar dystiolaeth.

Ymarfer ag Ymreolaeth mewn Nyrsio Arbenigol yn y Gymuned
Nod y modiwl yw datblygu gwybodaeth a sgiliau arbenigol y myfyriwr fel ei fod yn gallu gweithio’n effeithiol fel nyrs broffesiynol ac atebol ag ymreolaeth, ac i reoli cymhlethdod a risgiau cynyddol yn ddiogel mewn ymarfer yn y gymuned.

Mae hyn yn cyfeirio at y bobl y maen nhw’n yn gofalu amdanyn nhw, y llwythi achos maen nhw’n eu rheoli, a'r gwasanaethau maen nhw’n gweithio ynddyn nhw - yn annibynnol ac mewn ffordd sydd wedi’i hintegreiddio ag asiantaethau, gweithwyr proffesiynol a disgyblaethau eraill.

Asesu a Chynllunio Gofal fel Ymarferydd Arbenigol yn y Gymuned
Y bwriad yw hwyluso datblygiad gwybodaeth, sgiliau a galluoedd gwneud penderfyniadau'r ymarferydd yn y prosesau asesu a chynllunio gofal.

Darparu ac Arfarnu Gofal Seiliedig ar Dystiolaeth
Mae datblygu gwybodaeth a sgiliau ymhellach i ddefnyddio ystod o ymyriadau wrth ddarparu a gwerthuso gofal yn seiliedig ar arfer gorau hefyd yn un o nodau’r cwrs.

Mae tri modiwl ym Mlwyddyn Dau gyda'r nod o ddatblygu gwybodaeth a sgiliau myfyrwyr wrth hyrwyddo iechyd a lles, arwain a rheoli a gwella ansawdd mewn gofal iechyd cymunedol.

Hybu Iechyd a Lles yng Nghyd-destun Ymarfer Arbenigol yn y Gymuned
Y bwriad yw ymestyn gwybodaeth a dealltwriaeth o ymyriadau er mwyn sicrhau bod iechyd yn cael ei amddiffyn cymaint â phosibl a hyrwyddo iechyd a lles i bobl, teuluoedd, cymunedau a phoblogaethau sy'n gysylltiedig â'r maes ymarfer.

Bydd y modiwl hwn yn galluogi nyrsys cymunedol i ddatblygu sgiliau arbenigol i weithio'n effeithiol gyda phobl sy'n defnyddio gwasanaethau a'u gofalwyr i wneud dewisiadau cadarnhaol i wella eu hiechyd corfforol, meddyliol ac ymddygiadol.

Arwain a Rheoli Timau wrth Gydlynu Gofal yn y Gymuned
Yr amcan yw gwella'r gallu i gynnal dadansoddiadau beirniadol o arddulliau arwain a theorïau rheoli. Bydd myfyrwyr yn defnyddio’r wybodaeth hon a'r sgiliau hyn wrth gydlynu prosiectau a gwasanaethau.

Bydd y modiwl yn cyfoethogi  dealltwriaeth myfyrwyr o ddamcaniaethau a fframweithiau cydweithredu effeithiol i wella iechyd a lles.

Gwella Ansawdd mewn Ymarfer Arbenigol yn y Gymuned
Y bwriad yw datblygu gwybodaeth a sgiliau arbenigol yn ymwneud ag ymchwil a dulliau, fframweithiau ac offer gwella ansawdd. Bydd y rhain yn galluogi arweinyddiaeth effeithiol a gweithredu mentrau gwella ansawdd yn eu maes ymarfer cymunedol.

Uchafbwyntiau’r Cwrs

Lleoliadau

Disgwylir i fyfyrwyr ar y rhaglen Astudiaethau Iechyd yn y Gymuned fod yn gweithio mewn gwasanaeth cymunedol â mynediad i Oruchwylydd Ymarfer ac Aseswr Ymarfer cymwys.

Mae’r Brifysgol yn cynnal cysylltiadau agos ac effeithiol â byrddau iechyd cyfagos a thu hwnt, lle ceir rhwydweithiau cymorth i alluogi myfyrwyr i astudio a gweithio i fodloni deilliannau llwyddiannus yn unol â disgwyliadau NMC.

Gyrfaoedd a Chyflogadwyedd

Gyrfaoedd graddedigion

Mae ymgymryd â chwrs astudiaethau iechyd cymunedol yn sicrhau y byddwch yn graddio gyda'r wybodaeth, y sgiliau, y cymwyseddau a'r gallu i ddarparu gofal nyrsio diogel ac effeithiol mewn lleoliadau cymunedol. Yn ogystal, mae cael gweithwyr â chymhwyster ymarferydd arbenigol yn cael ei werthfawrogi gan reolwyr nyrsio, comisiynwyr, a Llywodraeth Cymru.

Llwybrau gyrfa posibl

Gall myfyrwyr sy'n cwblhau Cymhwyster Ymarferydd Arbenigol mewn Nyrsio Ardal ddisgwyl dilyniant gyrfa o fewn gwasanaethau cymunedol.

Cymorth gyrfaoedd

Mae ein gwasanaeth gyrfaoedd yn cynnig amrywiaeth o gyngor ac arweiniad i fyfyrwyr. Gallwn eich cysylltu â’r diwydiant, gallwn eich helpu gyda sgiliau cyfweld a CVs a’ch helpu i ganolbwyntio ar gyfeiriad eich gyrfa

GOFYNION MYNEDIAD

Gofynion cymhwyster nodweddiadol:

  • Rhaid i ymgeiswyr fod yn nyrs â chofrestriad NMC (lefel 1). Rhaid hefyd bod â gradd a bod yn gweithio mewn lleoliad sy’n darparu gofal arbenigol yn y gymuned yn berthnasol i faes ymarfer arbenigol yr ymgeisydd.
  • Mae angen gwiriad Gwasanaeth Datgelu a Gwahardd Manwl (DBS) ar Restr Gwahardd y Gweithlu Plant ac Oedolion a Phlant ac Oedolion a thanysgrifiad i Wasanaeth Diweddaru’r DBS. (Mae angen cyfwerth o dramor ar gyfer ymgeiswyr nad ydynt yn dod o'r DU).

Gofynion ychwanegol

  • Rhaid i ymgeiswyr gael eu cefnogi a'u henwebu ar gyfer lle ar y cwrs gan eu cyflogwr. Rhaid iddynt ddatgan bod eu hiechyd yn dda a’u bod o gymeriad da.
  • Mae gofyn i bob ymgeisydd fynychu cyfweliad. I gael cymorth pellach ar baratoi ar gyfer cyfweliad a beth i'w ddisgwyl yn y cyfweliad, darllenwch ein Cyngor cyn Ymgeisio.
  • Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol.  

Cynigion cyd-destunol

Fe ystyrir cydnabyddiaeth o ddysgu blaenorol a phrofiad clinigol a all gael ei mapio’n unol â deilliannau dysgu’r rhaglen a safonau hyfedredd MNC yn unol â phrosesau RPL/RPEL PDC.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£1,200

fesul blwyddyn*

Gwybodaeth Bellach

Mae'r cwrs hwn yn cael ei ariannu gan Addysg a Gwella Iechyd Cymru (AaGIC), ac mae ar gael i Nyrsys Plant Cymunedol sy'n gweithio ar hyn o bryd mewn lleoliad cymunedol.

Gweler gwefan AaGIC.

COSTAU YCHWANEGOL

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Mae angen gwiriad manylach gan y Gwasanaeth Datgelu a Gwahardd. Mae'r gwasanaeth diweddaru yn cael ei argymell.

Cost: £64.74 y flwyddyn ar gyfer DBS uwch a £16 am y gwasanaeth diweddaru.

Bydd angen cyflwyniad crynodol ar ffurf poster A1.

Cost: £11 o Print and Design yn PDC

student-25
Ewch ar daith rithwir

Astudiwch yng nghanol Pontypridd

Mae ein campws yn Nglyn-taf yng nghanol Cymoedd De Cymru, gyda golygfeydd hardd a thirwedd bryniog. Mae bob amser rhywbeth yn digwydd neu leoedd newydd i'w darganfod.

Campws Pontypridd, Glyn-taf

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Camau Nesaf

Sut i Wneud Cais
Archebwch Noson Agored
Sariad â ni