Sut byddwch yn dysgu

Rydym yn gweithio’n agos gyda’n partneriaid yn y diwydiant i sicrhau bod ein harferion addysgu a’n hasesiadau’n realistig, yn ddilys, ac yn eich paratoi ar gyfer eich gyrfa yn y dyfodol. Credwn y dylai asesiadau fod yn amrywiol ac na ddylent ganolbwyntio ar draethodau ac arholiadau yn unig.

Mae gennym gysylltiadau cryf ag asiantaethau cyfiawnder troseddol ac rydym yn cynnig modiwlau sy’n adlewyrchu natur bresennol y pwnc hwn, gan wahodd siaradwyr i sôn wrthych am eu gwaith yn aml.

Staff addysgu

Bydd ein tîm addysgu, sy’n enwog ac yn adnabyddus yn rhyngwladol, yn golygu y cewch eich addysgu gan rai o’r gorau yn y diwydiant. Addysgir myfyrwyr gan dîm o ymchwilwyr gweithredol sy’n arbenigo mewn dynladdiad a thrais, cyfiawnder ieuenctid, plismona, defnyddio cyffuriau, atal troseddau, y gwasanaeth prawf a mwy.

Mae gan Droseddeg ym Mhrifysgol De Cymru hanes sefydledig o ragoriaeth mewn addysgu ac ymchwil, a hynny oherwydd ein bod yn sicrhau bod y cynnwys a addysgir i chi yn gyfredol, yn ysgogol ac wedi’i lywio gan ein hymchwil.

Lleoliadau

Rydym wedi dylunio ein cyrsiau gyda mwy na 40 o bartneriaid yn y diwydiant, fel y byddwch yn graddio â’r sgiliau a’r wybodaeth y bydd arnoch eu hangen ar gyfer cyflogaeth. Yn ogystal â chyfleoedd gwirfoddoli, gallwch gwblhau modiwl lleoliad gwaith, a allai eich helpu i sicrhau cyflogaeth pan fyddwch yn graddio.

Cyfleusterau

Credwn yn gryf na allwch ddysgu popeth yn yr ystafell ddosbarth. Dyna pam rydym wedi
buddsoddi yn ein cyfleusterau, oherwydd rydym yn gwybod y byddant yn eich helpu i ddefnyddio’ch gwybodaeth mewn lleoliadau realistig. Mae ein cyfleusterau’n cynnwys y Tŷ Golygfa Drosedd, Ffug Ystafell Lys a Hydra Minerva.