Bydd yn rhoi mwy o opsiynau i mi pan fyddaf yn gadael y Brifysgol

Mae Ross yn astudio BSc (Anrh) Seicoleg gyda Chwnsela.

"Dewisais Seicoleg gyda Chwnsela oherwydd fy mod i eisiau bod yn gwnselydd ac ro’n i'n gwybod bod gan Brifysgol De Cymru enw da ym maes Cwnsela.

Ro’n i’n teimlo y byddai cael sylfaen mewn Seicoleg yn gwella fy nealltwriaeth o’r meddwl dynol a’n hymddygiad.

Ro’n i hefyd yn teimlo y byddai cael gradd ychydig yn ehangach (na chwnsela yn unig) yn rhoi mwy o opsiynau ar ôl i mi adael y brifysgol.

Cyfuniad mor dda

Mae'r radd yn gyfuniad mor dda. Mae cymaint o droeon y gellid cymhwyso'r hyn rwyf wedi'i ddysgu mewn seicoleg i'r agwedd gwnsela ac mae'r cwnsela hefyd wedi helpu gyda'r seicoleg.

Y Cyflwyniad i Egwyddorion Therapiwtig oedd fy hoff fodiwl. Mi wnes i wir fwynhau dysgu am hanes a strwythur y gwahanol ddulliau o gwnsela.

Roedd wedi ei gynllunio’n dda gyda darlith agoriadol ragorol, ac yna gweithdy lle’r oeddech chi’n rhoi’r hyn y gwnaethoch chi ei ddysgu ar waith.

Hoff wersi

Un o fy hoff ddarnau o waith oedd y cyflwyniad ar Egwyddorion Therapiwtig. Er y gall gwneud cyflwyniad fod yn frawychus, roedd llawer o gefnogaeth ar gael gan fy narlithydd a gan gyd-fyfyrwyr hefyd.

Roedd yn wych cael y cyfle i gyflwyno gwaith yn hytrach nag ysgrifennu traethawd neu adroddiad, ac roedd yn baratoad da ar gyfer y drydedd flwyddyn pan roedd cyfle i ni gyflwyno yng Nghynadleddau Seicolegol Prydain.

Mae’r addysgu yma yn ardderchog. Mae'r staff yn gwneud y darlithoedd yn hwyliog, yn ddiddorol ac yn rhyngweithiol, ac yn mynd allan o'u ffordd i gefnogi myfyrwyr p'un ai a yw'n sgwrs am sut mae pethau'n mynd neu drefnu gweithdai i fyfyrwyr ddod iddynt.

Cyfleoedd â gwerth ychwanegol

Mae Prifysgol De Cymru yn lle cymdeithasol iawn. Mae digon o ddigwyddiadau a chyfleoedd i gymryd rhan mewn llawer o wahanol bethau.

• Yn yr ail a’r drydedd flwyddyn, gallwn sefydlu ein lleoliadau ein hunain gyda chymorth staff. Mae hyn yn ein galluogi i ddysgu sgiliau gwerthfawr a chreu cysylltiadau â darpar gyflogwyr.
• Mae cyfle hefyd i ni fod yn rhan o Gymdeithas Seicolegol Prydain(Yn agor mewn tab newydd). Mae hyn yn golygu y gallwn ni fynychu neu helpu gyda digwyddiadau, arddangos ein gwaith mewn cynadleddau a bod ar flaen y gad o ran ymchwil seicolegol.
• Mae yna hefyd gynllun Psychology Plus. Mae’r cynllun hwn yn galluogi myfyrwyr i ddilyn cyrsiau byr i wella eu gwybodaeth a’u sgiliau i ychwanegu at eu CV.