Seicoleg gyda Chwnsela

Cyflwyno prif safbwyntiau’r BPS ynghylch seicoleg (yn y meysydd biolegol, gwybyddol, cymdeithasol a datblygiadol) ac effaith gwahaniaethau unigol ar ymddygiad, gyda phwyslais ar y prif ddulliau damcaniaethol a sut mae’r rhain yn dylanwadu ar ein dealltwriaeth.

Sut mae gwaith ymchwil seicolegol yn cael ei wneud? Byddwn yn edrych ar y dulliau o wneud gwaith ymchwil a gwaith dadansoddi meintiol ac ansoddol, ac yn edrych ar foeseg ymchwil ac effaith hynny ar seicoleg.

Byddwn yn dechrau edrych ar y safbwyntiau therapiwtig a’r egwyddorion sy’n sail i therapïau, modelau a strategaethau cwnsela traddodiadol a chyfoes. 

Byddwch yn datblygu dealltwriaeth fanwl o draddodiad dyneiddiol egwyddorion therapiwtig, a byddwn yn eich helpu i gymhwyso’r wybodaeth hon i gyd-destun ehangach cwnsela a seicotherapi.

Bydd cyfle i chi gael profiad gwaith, yn ogystal â meithrin sgiliau trosglwyddadwy a thrafod sut i ddod o hyd i waith.

Byddwn yn edrych ar ddadansoddiadau ystadegol ac ansoddol manylach, gan ddatblygu ar y dulliau a gafodd sylw ym mlwyddyn gyntaf eich gradd.

Byddwn yn datblygu ar safbwyntiau beirniadol seicoleg a gafodd sylw yn eich blwyddyn gyntaf, gan edrych ar sut mae bioleg a’r ymennydd yn dylanwadu ar ymddygiad (e.e. sylw, cof, gwneud penderfyniadau), gan ystyried gwahaniaethau rhwng unigolion.

Byddwn yn datblygu eich safbwyntiau beirniadol mewn seicoleg, gan edrych ar y ffactorau cymdeithasol a datblygiadol sy’n dylanwadu ar ein hymddygiad (e.e. agweddau a phriodoli), a chan ystyried ffactorau unigol.

Byddwch yn cwblhau prosiect ymchwil annibynnol, gan ddatblygu ar y sgiliau y gwnaethoch eu dysgu drwy gydol eich gradd. Byddwch yn edrych ar bwnc sydd o ddiddordeb i chi, a chithau wedi’i ddewis gyda chymorth eich goruchwylwyr, sy’n arbenigo mewn amrywiaeth o feysydd.

Byddwn yn edrych ar effaith bioleg, seicoleg a ffactorau cymdeithasol ar iechyd corfforol (afiechyd, gofal iechyd ataliol a lles) ac yn ystyried sut mae hyn yn amrywio dros rychwant oes ac yn unol â lefelau cyfrifoldeb unigolion.

Byddwn yn canolbwyntio ar gymhwyso seicoleg yn ymarferol i addysg gyfoes, gan edrych ar dechnegau sy’n hybu llwyddiant academaidd a chan ystyried iechyd a lles addysgwyr.

Byddwn yn edrych ar anhwylderau clinigol, fel anhwylderau bwyta, gorbryder, anhwylderau datblygiadol a sgitsoffrenia, gan werthuso’r arferion diagnostig a’r triniaethau yn hyn o beth.

Byddwn yn edrych ar hunaniaeth gymdeithasol a sut gellir defnyddio hyn i wella amgylchiadau negyddol, gan archwilio effaith yr amgylchedd ar hunaniaeth gymdeithasol a defnyddio hyn i hybu ymddygiad cyfrifol, yn ogystal â pherthnasau cymdeithasol ar-lein.

Byddwn yn edrych ar effaith niwed i’r ymennydd ar brosesau gwybyddol, gan archwilio sut byddwn yn ymchwilio i ranbarthau niwroanatomegol, a chan ystyried ffactorau amgylcheddol ar yr un pryd.

Byddwn yn gwerthuso’n feirniadol gyfraniad seicoleg at bob elfen yn y systemau cyfiawnder troseddol a sifil, gan gynnwys ymchwiliadau’r heddlu a’r gwasanaethau diogelwch, a’r maes rheoli troseddwyr.

Gan ddatblygu ar y wybodaeth sydd gennych eisoes, byddwch yn datblygu dealltwriaeth fanwl ac ymarfer myfyriol wrth gwnsela sy’n hynod o berthnasol i amrywiaeth eang o swyddi ymarferwyr.

Byddwn yn edrych ar amrywiaeth o broblemau iechyd meddwl a seicobatholegol sy’n amlwg mewn cymdeithas heddiw, gan ddefnyddio ein dealltwriaeth bresennol i werthuso’r rhain o safbwyntiau therapiwtig.